تقييم مطعم باول

مطعم باول

تقييم مطعم باول الفطور هنا روقان ع الآخر تقييم متميز لفطور مطعم باول تقييم لمطعم ومقهى باول PAUL الفرنسي ،، موقعه شارع الامير محمد بن عبدالعزيز ( التحلية ) خلف فندق الرمال  الموقع مو واضح على الشارع ، مشكلته مخشوش مدري ليه !! ديكورات المطعم بصفة عامة كلاسيك ورايقة جداً ومريحة للنظر .. بخصوص البارتشن مافيه  الخدمة سريعة ومتعاونين .. النظافة ماعليها كلام .. نجي الحين للطلبات ؛ فطور شخصين فقط  قدموا لنا ضيافة سلة متنوعة من الخبز ونوعين مربى وزبدة اقيمها ٦ / ١٠ لان الخبز كان ناشف شوي  كانت طلباتنا : اسبريسو + كروسون سادة  ٩ / ١٠ ️ هوت تشوكليت اقيمه ٥ / ١٠ دارك تشوكليت ومرررة ثقيل  كروسون جبن ٩ / ١٠ الحلا ‘ كريب نوتيلا ، ٧ / ١٠ احس فيه زي طعم زفر البيض  التوتل ١٠٠ ريال تقريباً ….. التقييم العام من جميع النواحي ٦ / ١٠  لي بإذن الله زيارة ثانية له عشان اتذوق اطباق جديدة ويمكن اغيّر رأيي في تقييمه

 

تقييم مطعم ريم البوادي

مطعم ريم البوادي

تقييم مفصل وشامل لمطعم ريم البوادي وصلنا من زيارتي لمطعم  ريم البوادي حبيت اعطيكم تقييمي عن مطعم ريم البوادي الي صراحة ما يمل من وجباته الممتعه والجميلة المهم بداية مع مدخل المطعم وديكورا اضع تقييما له ٨/١٠ مع ان الديكوريشن جدا جميل ورائع لكن في بعض الاشياء لاتزال عادية ف المطعم ونجي ع الاستقبال ف المطعم اعطيهم ١٠/١٠ لانهم ماياخرون الزبون صراحة في الجلوس او اختيار مكان للجلوس وكذلك الامر بالنسبة للطلب بس مشكلة المطعم انه فترة الظهر مايشتغل المطبخ الا ١:٣٠ عاد نجي بعد كذا للإطباق الي طلبناها ابتدينا الطلب ب ( سلطة الربيان ) .. الي كان سعرها ( ٤٠ ) ريال بما ان الربيان سعره غالي شوي ف عشان كذا الطلب يقدم بارد مع صلصة الكوكتيل والخس والربيان الطعم جدا جميل لكن لو الطلب لشخص واحد فهو كثير عليه لانه على ما ياكله يكون شبع وخلاص مايبغى الوجبه الرئيسية تقييمي للمقبلات ٨/١٠ الطعم جميل لكن في افضل وكمان كان يمكن تقديمه مع سلسلة خضروات اكثر من الخس بس الي بعده كان طاجن الدجاج المغربي.. الي كان سعرو ( ٤٨ ) الطاجن لا تعليق عليه تم تقديمه حار بشكل جميل مع طبق من الرز مع امكانية تغيير الرز بطبق جانبي اخر على حسب رغبة الزبون ارى ان السعر غالي شوي على طاجن دجاج اعطيه تقييم ٧/١٠ لان في مطاعم افضل تقدم الطاجن المغربي بسعر افضل وكمان طلبنا ( فيلية الهامور المشوي المقدم مع خضروات) .. بسعر ( ٦٠ ) الهامور مطبوخ بشكل ممتاز الشواء ممتاز والطعم بيرفكت من اجمل انواع الفيليه المشوي الي تذوقته يستاهل ١٠/١٠ وطلبت ( عصير كوكتيل ) .. بسعر ( ٢٨ ) الي كان طعمه لذيذ بس مايستاهل سعره لكن عشان سمعة ريم البوادي وشغل المطعم وموقعه الي تخلي أسعاره غالية طبعا كان توتل الحساب ( ١٩٣ ) ريال مقابل طلبي تجربة ممتعه  واذا لكم نية تجربوا ريم البوادي روحوا بدون ندم طبعا ريم البوادي موجود بشارع  الروضة مقابل مستشفى التخصصي ومع السلامة

مطاعم و كافيهات ممكن تعجبك

 

تقييم مطعم المدهن

مطعم المدهن

تقييم متميز للمطعم اليمني المدهن تقييمي عن مطعم المدهن للاكلات اليمنيه والحجازيه فرع السلام مول احترنا في الخيارات الكثيره بالمول واخر شي استقرينا اننا نجرب نتعشى في دا المطعم لان شكله نظيف جدا من برا وكمان عليه زحمه ف هذا شي يبشر بالخير  طلباتنا كانت مطبق باللحم اقيمه ٧/١٠ اولا سعره ١٥ ريال مايستاهل لان طعمه جدا عادي فيه احلى منه ومقارنةً بالاماكن الثانيه يعتبر دبل السعر !! مطبق بالدجاج طعمه احلى من اللحم واعطيه٨/١٠  سعره ١٥ ريال سلته للي مايعرفه هيا عباره عن بيض يعملوه بالفخار ويحطه فوقه نوعين جبنه سائله وشيدر اعطيه١٠/١٠ عجبنا كلنا استواء البيض ممتاز والطبق لذيذ ويجي معاه تميس جيد سعره ٢٠ معصوب بالقشطه والعسل مرا عجبني وعجب اهلي القشطه فيها طعم لزيز والعسل خفيف اعطيه ٩/١٠ وسعره ١٥ ريال فول مبخر طعمه رائع جدا اعطيه ٩/١٠ واخر شي الشاي العدني عجب اللي طلبوه واعطوه ٩/١٠ اتوقع سعره ٦ ريال صراحه حبيت الاكل واكيد حكرر الزياره بس في الصباح للفطور وانصح اللي يحبوا الاكلات الشعبيه يجربوه وحيدعولي

 

تقييم مطعم ذا كرنشي كريب

مطعم ذا كرنشي كريب

تقييم مطعم ذا كرنشي كريب تجربة موفقة للوافل والسوفليه والكريب ..بكرنشي كريب The crunchy crepe اليوم كانت تجربتي جديده لمكان جميل ولذيذ كنت ناويه اخذ وافل ولاكن المغريات كانت كثيره هههههه وكانت تجربه جدا جدا موفقه انصح الكل فيها موقعهم الاندلس مول جهه المطاعم كريب بالموز سعره 21  لذيذ  9/10 وافل بالايسكريم سعره 21  مره مره لذيذ بالنوتلا ساح شويه الاسكريم لانه تااخرنا حتى اكلناه 10/10 2 كوكز 10 الواحد ب 5 لذيذ 9/10  سوفليه صغير ب8ريال روعه 10/10 ونسيت الورق عنب عندهم حاجه خرافيه اعطيه 10/10 التجربة عموما جميلة وانصح الجميع بتجربته

 

تقييم مطعم ماليزيا

مطعم ماليزيا

تقييم مطعم ماليزيا ولأول مرة تقييم لمطعم ماليزيا وصلنا من متابعة فضلت عدم ذكر حسابها تقييم لمطعم ماليزيا موقعه شارع التحلية جنب مجمع السوليدير المطعم تابع لشركة ماليزية كان عددنا ستة أشخاص رحنا الساعة ٢:٣٠ الظهر كان قسم العوايل فاضي تماما بعدين جوا ناس ومجموعات لكن كلهم ماليزيين احنا السعوديين الوحيدين طلباتنا طبق روجو يعتبر طبق سلطة عبارة عن قطع تفاح أخضر و أحمر وكمثرى وأناناس وخيار عليه صوص حار لذيذ سعره ب ٢٣ واعطيه ٨ / ١٠ رندن لذيذ جدا جدا يجي معاه طبق رز سعره ٣٠ واعطيه ١٠/١٠ شوربة توم يوم مقاس وسط مقاسها جدا كويس كفتنا الستة وزادت تجي بسخان لحد ما خلصنا باقية ساخنة كان سعرها ب ٥٥ كان فيها كرفس وشرايح بطاطس وطماطم فخربت الطعم اعطيها ٦ / ١٠ ناسي ليماك رز مع لوز وسمك صغير ناشف واجنحة دجاج مقلية ناشفة جدا وصوص حار ما عجبني الطبق فقط الصوص لذيذ سعره ٣٠ واعطيه ٤ / ١٠ طلبنا طبقين ساتي لحم .. الطبق فيه ستة أعواد ومكعبات رز وصوص ، الساتي جدا لذيذ بس يعتبر غالي سعره ب ٤٠ اعطيه ١٠/١٠ طبق اسمه انديانا مي مكرونة بالدجاج والخضار يجي معاها بيضة وحبتين جمبري مشوية الطبق لذيذ سعره ب ٢٥ واعطيه ٩ / ١٠ طبق مكرونة كاري شبيه ل الاسا الماليزية كمية التوفو كتيرة وكور عجين مو طعمه لكن عموما الطبق لذيذ سعره ب ٣٠ و اعطيه ٨ / ١٠ طلبنا سمكة مشوية على الطريقة السنغافورية قال الويتر تاخد وقت حوالي ٤٥ دقيقة فبطلنا منها واخدنا سمكة مقلية عندهم تلات أنواع سمك تختار منها انا ما عجبتني يمكن بسب نوع السمكة لكن أبونا عجبته سعرها ب ٦٥ واعطيها ٦ / ١٠ عصير برتقال طازج اظن حطوه في الخلاط عشان فيه رغوة فصار طعمه ما كأنه فريش سعره ١٨ طلبنا جاك ايس تي ليمون كان بالشاي الأخضر سعره ٣٥ وطعمه كويس الحساب كله ٣٩١ السلبيات تقديم الطلبات كان من غير ترتيب جابوا الأطباق الرئيسية أول وبعدين الشوربة والساتي والروجو والسمكة لما جينا نخلص جابوها يعني نفس وقت المشوية لو اخدناها الغريب انه مطعم ماليزي وما عنده دندن الويترز ما في غير شخص واحد ومو موجود في صالة الطعام عموما المطعم لذيذ وشبيه بمطعم شابتر اللي كان في مجمع العرب وبإذن الله راح اكرر الزيارة

 

تقييم مطعم سنشري برجر

مطعم سنشري برجر

تقييم مطعم سنشري برجر ويبقى سنشري من أهم مطاعم البرجر بجدة والأكثر ازدحاما و إقبالا تجربتي لمطعم سنشري برجر الموقع بشارع الامير سلطان بعد جرير مول ..والفرع الجديد بشارع الامير سلطان مقابل نادي الخطوط السعودية الجلسات حلوه والديكور حلو طلباتنا كانت (2برجر) 19 سنشري اعطيه 10/10 جدا لذيييذ. بقيمه 50 ريال. بطاطس تشيزي ستايل تقيمي له 10/10 لذيذ. بقيمه 18 ريال. و 2 كولا بقيمه 14 ريال تعبئه مجانا. الحساب طلع 82 ريال تقيمي للمطعم اجمالا 9/10 لاجل السعر مرتفع شوي .. انصح بتجربته جدا

 

تقييم مطعم بياتو

مطعم بياتو

تقييم مطعم بياتو   ذس از تقييم لفطور مطعم بياتو  تجربتي لفطور مطعم بياتو ( فرع التحلية ) دخلنا المطعم الساعه 11 ، المكان كان مرره فاضي و هادئ.. وتصميمه مره حلو  ف البداية قدموا لنا مافن بالموز.. لذيذ اعطيه 9/10 طلباتنا كانت فرنش توست على الطريقة التقليدية مررره لذيذ اعطيه 10/10 الكيش باللحم المقدد والبيض مع جبنة اعطيه 7/10 بس ماحبيته عشان البيض يعني محبين البيض بيعجبهم والمشروبات كانت مجاناً المكان جميل جداً اعطيه 10/10 الويترز بشوشين و الخدمة سريعة حسابنا كان 96 لشخصين واحنا خارجين اعطونا مافن مجانا  بس الشي الوحيد اللي ماعجبني ما حسيت فيه خيارات كثير في المنيو بس تجربة ممتعة ممكن اكرر الزيارة

 

تقييم مطعم بيت المكرونة

مطعم بيت المكرونة

تقييم مطعم بيت المكرونة مكرونة بالباشميل وعليها جبنة ذايبه ..والطعم ولا أروع ..تقييم لبيت المكرونة  السلام عليكم . تقيمي لمطعم بيت المكرونة حي الوزيرية وله فرعين كمان واحد في شارع الاربعين بحي الصفا والثاني في شارع حراء اتوقع . . نجي في المهم.. طلباتنا كانت: ١- صحن صغير مكرونة بشاميل بالدجاج و عليها طبقة جبنة اضافية لذيذة لوحدها بدون صوص بس احسها ساهية شوية يمكن لاني احب المفلفل بس مع الصوص حقهم  مرة طعمممة اعطيها ٨/١٠ لاني احس ناقصها ملح وبهارات، تقريباً سعرها ١٣ ريال ٢- صحن مكرونة بشاميل بالروبيان ونفس الشي طلبنا طبقة جبنة عالوجه انا ماذقتها بس اللي طلبها مررررة يمدحها  ويعطيها ١٠/١٠ سعرها ما اتذكره بس في حدود ال١٧ ريال ٣- البطاطس المقلية مرررررة طعممةةةة مقرمشة من برا وطرية من جواا وسعرها ٥ ريال والكمية كبيرة ماشالله اعطيها ٩/١٠ نجي للصوص حقهم لا تفكر تروح المطعم ذا بدون ما تاخذ من الصوص لانه هوا السر بالنسبة ليا  وكمان احسن شي تاكل الاصناف وهيا حارة والاجبان اللي فيها تكون ذايبة شي خيالي . المجموع مع ٢ موية و ٢ مشروب غازي ب ٤٥ ريال. المطعم نظيف وكمية الاكل مناسبة جداً و الاسعار حلوة في متناول الجميع والمواقف متوفرة والخدمة سريعة نوعاً ما وفيه قسم شباب بسس مافيه عوائل. وشكراً

 

تقييم مطعم ذا ساندوتش جاليري

مطعم ذا ساندوتش جاليري

تقييم متميز للمطعم الجديد ساندويتش جالاري السلام عليكم… تقيمي الشخصي لمطعم “ذا ساندويتش جالاري” بحي الروضة مقابل مستشفى التخصصي The Sandwich Gallery الطلبات كالتالي: ساندويتش بكين… “٣٥ ريال” لحم ستيك محضر على الطريقة الصينية بصلصة الصويا الحلوى مع الخس و المايونيز في الخبز الطازج و المحمر… ممتاز و الطعم مميز ١٠/١٠ ساندويتش بانكوك… “٣٥ ريال” جمبري مقلي على الطريقة التايلندية مع صلصة الداينمايت الحارة و الحلوة و الخس في الخبز الطازج و المحمر… ممتاز و كان نفسي فواحد تاني ١٠/١٠ سلطة موسكو… “٣٠ ريال” جرجير و بنجر و جوز مع جبنة الماعز و العنب الاحمر و صلصة البالساميك… جيدة و لكن الكمية قليلة ١٠/٧ عصير الليمون بالغاز… “١٥ ريال” عصير ليمون طازج مع الغاز الفوار… منعش و الكاسات مميزة و تحفظ البرودة لكن الكمية قليلة ١٠/٨ حلى مارسيليا… “٣٥ ريال” التوست الفرنسي المحمص بالكاراميل مع ايسكريم الڤنيلا و الكاراميل و حبان الفراولة الطازجة… ممتاااااااز جداااا و انصح الجميع بتجربته ١٠/١٠ قيمة الطلبات الإجمالية: ١٥٠ ريال المطعم خدمته جيدة و نظيف… طريقة تقديم الاطباق جميلة و مميزة… المكان نوعا ما صغير لكن المساحة مستغلّة بشكل جيد

مطاعم و كافيهات ممكن تعجبك

 

تقييم مطعم الشرافة

مطعم الشرافة

تقييم متميز لمطعم الشرافة   اليوم تعشيت في مطعم (الشرافة) الموقع في حي الحمراء بالقرب من مستشفى الولاده بجده  اول شي بتكلم عنه بتفاصيل اول ما دخلنا فتحلنا الباب واول مرا اشوف ذا الترحيب. . بالعاده اروح مطاعم مو قد كذا الترحيب المهم سئلنا تشيشو لانو الجو مرا مو تمام قلنا لا عشاء سال كم نفر وكانو 5اشخاص الي يمشو معانا وفتحلنا المصعد طلعنا الدور الاول المكان رايق مافي ناس كثير وبعدين جو ثلاثه كل واحد يسحب الكرسي عشان نجلس مرا حبيت النظام تبعهم واثنين يكونو واقفين يراقبو اذا احتجنا شي وكذا نجي لطلبات. . 1-شوربه الجمبري على الطريقه التيلانديه40ريال جدا لذيذه 10/10  2-سلطه الشرافه60 كبيره و40 الصغيره بس طلبنا الكبيره 10/9 بسبب الكميه القليله في الصحن لاكن الطعم جدا لذيذه   3-كانيلوني مع جبنه الريكوتا والسبانخ وصوص الكريمه 60ريال 10/10 ما عليها كلام حبيت السبانخ   4-الارز الايطالي مع الفطر والدجاج مغطاه بطبقه من جبنه البارميزان 75ريال 10/3 ندمت اشد الندم اني طلبتها ما كانت قد كذا ومحد اكل منها  5-عصير البرتقال 28ريال ما جربته بس عجب الي معايا كثير  6-عصير بطيخ25 يال جدا لزيز عجبني  7- عصير افكادو 29ريال طعم الافكادو كان جدا منعش  8-بيبسي 7ريال 9- واخر شي كيكه مع الايسكريم كانت جدا لذيذه بس تاخرت 20 دقيقه وذا مكتوب في المنيو ونبهنا عليه النادل بس حبينا نجربها وانتظرنا لين ما جات بس تستحق الانتظار (بت فرنداند ) 45ريال  10-مويه ايفن 12ريال النظافه 10\\10 الاكل 10/9 عجبني بعدين لمن خلصنا الاكل قلنا لنادل انو ذي الاكله مو لذيذه قال انا اكلم الشيف عنها  . . ذي زيارتي الثالثه وبأذن الله اكررها كثير مع الروقان والهدواء    . التوتل : 354ريال لاربعه اشخاص كفت براحه ومعسلامه