تقييم مطعم ناينتين سنشري

مطعم ناينتين سنشري

البطاطس مو راضية تزبط  في نايتينث سنشري اول مرة احاول اكتب تقرير عن مطعم بالرغم من الزيارات المتعددة للمطاعم وذلك بسبب حبي للتنويع وكسر الروتين بعد التفكير مرات ومرات الى أين الرحال ذاهبة اليوم قررنا زيارة ناينتينث سنشري برجر 19th century burger الفرع الجديد – شارع الامير سلطان اولا : الاستقبال جميل جدا والاخلاق عالية ثانيا: عجبني انه دورين والدور الثاني في منطقة لعب للأطفال ( يهمني الموضوع دا عشان بنتي الله يحفظها). . ثالثا: احنا ٤ أشخاص بعد ما جلسنا جانا الويتر واخد مننا الطلبات بكل اخلاق وقالنا ح ياخد من ١٥ الى ٢٠ دقيقة مع انه الطلبات جات في ١٠ دقايق ماشاء الله ،، وجا بعدها حط ع الطاولة الكتشب والصوص رابعا : الطلبات كانت ٢ برجر دجاج و ١ دبل كنتري برجر ( لحم ) و ١ وجبة أطفال اصابع الدجاج و ١ بطاطس و ١ حلقات البصل و ١ كولا و ١ سبرايت و وجبة الأطفال جا معاها سبرايت كمان خامسا: للأمانة والصراحة البطاطس وحلقات البصل مررررررة مزيتة ما تقدر تاكلها. برجر الدجاج عادي وفي ألذ منه في محلات تانية . برجر اللحم لزيز واللحمة نضيفة  وخفيفة وتحس بمتعة وانت تأكله مارح افصل سلبيات وإيجابيات بس عموما المكان حلو ورايق وطبعا أكرر الزيارة بس ح نطلب برجر لحم وبس الحساب كان ١٠٧ ريال بالظبط والاكل زاد منه واخدنا تيك اوي

Advertisement

مطاعم و كافيهات ممكن تعجبك