مقهى اغاڤي
تقييم اغاڤي مطعم و مقهى اغاڤي شارع التحلية استر مول الدور الثامن المكان جدا راقي و الجلسات جميله جدا بس طبعا كالعاده اي مكان جديد لازم يكون زحمه
لما وصلت تفاجأت بالزحمه حسيت نفسي دخلت قاعة أفراح بس كانوا صديقاتي حاجزين طاوله الحمدلله لخمسة اشخاص فدخلت على طول ماانتظرت الخدمه
رائعه طبعا لان الويترز فلبينين بشوشين و رهيبين صراحه كان في اكثر من احتفال بالبيرث داي و عملوا اجواء جميله حبيييت صراحه الاكل كان لذيذ و فريش و نظيف
طلبنا كان كالتالي بما اني من عشاق الاكل الايطالي فلازم اول طلب يكون فيتوتشيني بالكريمه و الدجاج السعر ٥٨ ريال لذيذه بس الكميه قليله جدا جدا فالسعر بالنسبه للطبق مرتفع بيتزا بيبروني ٤٨ ريال
طعمها لذيذ جدا تستحق المبلغ ساندويش اغاڤي عباره عن ساندويش دجاج بالكريمه و جبنة البارميزان السعر ٤٥ ريال لذيذ جدا و يستحق السعر ايضا اسكالوب الدجاج ٧٤ ريال بصراحه ندمت على الطبق
هذا لا طعم و لا نكهه و لا اي شي و حرام المبلغ اللي اندفع فيه شوكلت فوندو مع الايس كريم ٣٨ ريال خياااالي و لذيذ جدا قارورة ماء كبير ١٠ ريال
بيبسي ١٠ ريال لمحبين المعسلات لاانصحكم ابدا معسلاتهم سيئه و السعر ٦٥ ريال الفاتوره كانت اجمالي المبلغ ٧٠٨ ريال لخمسة اشخاص التقييم النهائي : المكان و الجو العام ١٠/١٠ النظافه ٩/١٠
الطعم و الجوده ٨/١٠ الاسعار ٧/١٠ المكان يستحق التجربه .. بس المره الجيه حاروح لشرب القهوه فقط اتمنى التقييم يعجبكم شكرا لكم
مقهى “اغاڤي” في شارع صاري يقدم المعسلات بالرغم من قرارالمنع،علماًبأني بلغت عن المخالفة سابقاً.
#اغافي يقدم لكم ارقى انواع الحلى … ?
.
.
تشيز كيك اللوتس ?
.
جميع الحقوق محفوظة لموقع مطاعم جدة © 2024 - Privacy Policy - اعلن معنا
