تقييم مطعم ريم البوادي

مطعم ريم البوادي

تقييم مفصل وشامل لمطعم ريم البوادي وصلنا من زيارتي لمطعم  ريم البوادي حبيت اعطيكم تقييمي عن مطعم ريم البوادي الي صراحة ما يمل من وجباته الممتعه والجميلة المهم بداية مع مدخل المطعم وديكورا اضع تقييما له ٨/١٠ مع ان الديكوريشن جدا جميل ورائع لكن في بعض الاشياء لاتزال عادية ف المطعم ونجي ع الاستقبال ف المطعم اعطيهم ١٠/١٠ لانهم ماياخرون الزبون صراحة في الجلوس او اختيار مكان للجلوس وكذلك الامر بالنسبة للطلب بس مشكلة المطعم انه فترة الظهر مايشتغل المطبخ الا ١:٣٠ عاد نجي بعد كذا للإطباق الي طلبناها ابتدينا الطلب ب ( سلطة الربيان ) .. الي كان سعرها ( ٤٠ ) ريال بما ان الربيان سعره غالي شوي ف عشان كذا الطلب يقدم بارد مع صلصة الكوكتيل والخس والربيان الطعم جدا جميل لكن لو الطلب لشخص واحد فهو كثير عليه لانه على ما ياكله يكون شبع وخلاص مايبغى الوجبه الرئيسية تقييمي للمقبلات ٨/١٠ الطعم جميل لكن في افضل وكمان كان يمكن تقديمه مع سلسلة خضروات اكثر من الخس بس الي بعده كان طاجن الدجاج المغربي.. الي كان سعرو ( ٤٨ ) الطاجن لا تعليق عليه تم تقديمه حار بشكل جميل مع طبق من الرز مع امكانية تغيير الرز بطبق جانبي اخر على حسب رغبة الزبون ارى ان السعر غالي شوي على طاجن دجاج اعطيه تقييم ٧/١٠ لان في مطاعم افضل تقدم الطاجن المغربي بسعر افضل وكمان طلبنا ( فيلية الهامور المشوي المقدم مع خضروات) .. بسعر ( ٦٠ ) الهامور مطبوخ بشكل ممتاز الشواء ممتاز والطعم بيرفكت من اجمل انواع الفيليه المشوي الي تذوقته يستاهل ١٠/١٠ وطلبت ( عصير كوكتيل ) .. بسعر ( ٢٨ ) الي كان طعمه لذيذ بس مايستاهل سعره لكن عشان سمعة ريم البوادي وشغل المطعم وموقعه الي تخلي أسعاره غالية طبعا كان توتل الحساب ( ١٩٣ ) ريال مقابل طلبي تجربة ممتعه  واذا لكم نية تجربوا ريم البوادي روحوا بدون ندم طبعا ريم البوادي موجود بشارع  الروضة مقابل مستشفى التخصصي ومع السلامة

 

تقييم مطعم الشرافة

مطعم الشرافة

تقييم متميز لمطعم الشرافة   اليوم تعشيت في مطعم (الشرافة) الموقع في حي الحمراء بالقرب من مستشفى الولاده بجده  اول شي بتكلم عنه بتفاصيل اول ما دخلنا فتحلنا الباب واول مرا اشوف ذا الترحيب. . بالعاده اروح مطاعم مو قد كذا الترحيب المهم سئلنا تشيشو لانو الجو مرا مو تمام قلنا لا عشاء سال كم نفر وكانو 5اشخاص الي يمشو معانا وفتحلنا المصعد طلعنا الدور الاول المكان رايق مافي ناس كثير وبعدين جو ثلاثه كل واحد يسحب الكرسي عشان نجلس مرا حبيت النظام تبعهم واثنين يكونو واقفين يراقبو اذا احتجنا شي وكذا نجي لطلبات. . 1-شوربه الجمبري على الطريقه التيلانديه40ريال جدا لذيذه 10/10  2-سلطه الشرافه60 كبيره و40 الصغيره بس طلبنا الكبيره 10/9 بسبب الكميه القليله في الصحن لاكن الطعم جدا لذيذه   3-كانيلوني مع جبنه الريكوتا والسبانخ وصوص الكريمه 60ريال 10/10 ما عليها كلام حبيت السبانخ   4-الارز الايطالي مع الفطر والدجاج مغطاه بطبقه من جبنه البارميزان 75ريال 10/3 ندمت اشد الندم اني طلبتها ما كانت قد كذا ومحد اكل منها  5-عصير البرتقال 28ريال ما جربته بس عجب الي معايا كثير  6-عصير بطيخ25 يال جدا لزيز عجبني  7- عصير افكادو 29ريال طعم الافكادو كان جدا منعش  8-بيبسي 7ريال 9- واخر شي كيكه مع الايسكريم كانت جدا لذيذه بس تاخرت 20 دقيقه وذا مكتوب في المنيو ونبهنا عليه النادل بس حبينا نجربها وانتظرنا لين ما جات بس تستحق الانتظار (بت فرنداند ) 45ريال  10-مويه ايفن 12ريال النظافه 10\\10 الاكل 10/9 عجبني بعدين لمن خلصنا الاكل قلنا لنادل انو ذي الاكله مو لذيذه قال انا اكلم الشيف عنها  . . ذي زيارتي الثالثه وبأذن الله اكررها كثير مع الروقان والهدواء    . التوتل : 354ريال لاربعه اشخاص كفت براحه ومعسلامه

 

تقييم مطعم واحة لبنان

مطعم واحة لبنان

تقييم متميز للمطعم اللبناني واحة لبنان  مرحبا  اليوم حبيت اقولكم ع تجربة غداء في مطعم  جمييل وهو .  واحة لبنان   واحة لبنان .. واختيارنا للاكل ع يومين كانت: ١/ سلطة جرجير مرا اعجبتهم خاصةً الصوص  ٢/ مشاوي مشكل الواحة ، طلبنا بدون لحم ١٠/١٠ والمرا الثانية ضافوا لنا قطعتين لحم و كانت تمام  ٣/ بطاطس حاره مع الكزبرة ١٠٠٪ ، ١٠/١٠ جداً لذيذذ لا يفوتكم . ٤/ فيتوتشيني الفريدو بالدجاج ، معرف كيف كان طعمها وسعره ٨٥ ٥/ جمبري مشوي طِعم لكن مو ع قيمته المرا الاولى كانت ٥ حبات والمرا الثانية ٣ حبات  وكان سعره ٨٥ .. ١٠/٦ ٦/ ورق عنب كان حامض لذيذ و حبيته ٧/ حمص اعجبهم  ٨/ مسقعة مرا مرا لذييذ ١٠/١٠ ٩/ طبق حلا نسيت اسمه  كان حالي بزيادة ١٠/٦ ، المجموع للمرا الاولى ٣٧٥ والثانية ٤٥٠ .. بإختصار تجربة جداً ناجحة والحمدلله  راح تتكرر كثيير ان شاء الله

 

تقييم مطعم زايكا انديان كويزين

مطعم زايكا انديان كويزين

تقييم مطعم زايكا انديان كويزين هدوء وروقان ورومانسية ..ويمنع اصطحاب الأطفال بالمطعم الهندي زايكا ..تقييم متميز تجربة (زايكا انديان كويزين ) بشارع الروضة بعد مستشفى التخصصي تجربتي لوجبة عشاء في المطعم الهندي زايكا ، طبعا اول تجربة ️والافضل حجز مسبق وممنوع اصطحاب الاطفال فترة العشاء   ، اتصلنا العصر وحجزنا ع الساعة ٩ لشخصين ، الاجواء كانت هادئة وراقية بالمطعم ينفع للي حاب اجواء هادئة ورومانسية اعجبني الديكور والهدوء والنظافة اعطيها ١٠\١٠ .. بداية قدموا لنا ضيافة ٣انواع صوصات مع خبز وبعدها جابوا المنيو وانتقلنا مباشرة لاختيار الاطباق الرئيسية : (الطلب أخذ على بال مايجهز ٣٠ دقيقة ) . . برياني لحم ٦٠ريال مرفق معاه سلطة خيار بالبن اعطيه ١٠/٧ . .  ايدام لحم ضأن بالزبدة والكريمة ٦٥ ريال كان جدا لذيذ  ١٠/١٠ . . . خبزالنان وخبز ثاني نسيت اسمه بالجبنة ٢٠ ريال . ١٠/١٠ . . عصير ليمون٢٥ ريال عصيراتهم كلها فرش  ١٠/١٠ . . بيبسي ١٠ ريال . . كمية الأكل بالنسبة للمطاعم الهندية الاخرى تعتبر قليلة  الي دايم يحب يشارك بالأطباق اقوله بزايكا لاتفكر الطبق بيكفي شخص ممكن التاني بس يذوق ، الأكل بشكل عام لذيذ جدا واعتبروا اطعم اكل هندي ذوقته بجدة  التقييم بشكل عام ١٠/٩ناقص بسبب كمية الاكل لان لو ادري انها كذا قليلة كان طلبنا اكل زيادة

 

تقييم مطعم تراس الاحلام لاونج

مطعم تراس الاحلام لاونج

تقييم لمطعم وكافيه تراس الاحلام وصلنا من متابعة فضلت عدم ذكر حسابها تقيمنا حيكون لمطعم وكافيه تراس الاحلام(لاونج)التحليه المطعم جدآ رائع ونظيف وهادي والويترز جدآ بشوشين ومتعاونين والخدمات سريعه والاكل اتعب وانا اقول لززززيز وطلباتنا كانت لزانيا تقليديه 10/10 وصحن ساندوتشات باتيني جمبروني مع بطاطس10/10 وفتوش10/10 وكروكات بطاطس بالجبنه8/10 واسبرنغ رول جبنه ودجاج10/10 ومشروبات غازيه وعصير ليمون بالنعناع لزيز ومنعش10/10 وقهوه تركي9/10 ويوجد لديهم معسلات وكانت رائعه واجمالي طلباتنا380 وبصراحه مرررا حبينا المطعم والخدمه وراح يكون لنا زياره تاني له

 

تقييم مطعم أصيل

مطعم أصيل

الجريش والسليق والكبيبة الحائلية يجتمعون بسفرة واحدة بالمطعم السعودي أصيل مطعم أصيل .. تقاطع شارع الامير سلطان مع شارع الروضة السلام عليكم ي قوم .. مساء الورد عليكم ، كيف الجو معاكم بس الله يبرد علينا دنيا وآخره .. التقييم اليوم راح صوب اصيل عليه السلام جيت له والشوق يداعب معدتي نفسي ف اكل شعبي على نجدي فوقع عليه الاختيار .. فالبدايه قدموا لنا ضيافه قهوه وتمر وللامانه كنت محتاجه قهوه جدا جدا ، وضيافه ثانيه كانت عباره على خبز بر وطحينه قد ما اقول لذذذذيذذذه بحقها قليل بصراحه مرا طعمه نجي ل طلباتنا كانت : – جريش ب الزبادي ١٠٠/١٠٠ الحق ينقال دي اول مرا أذوق جريش زي كذا السعر 62 ريال ينطح ريال .. الكميه مناسبة لشخصين – سليق ياحبيبي سليق زي ما امي تسوي السليق اصيل يسوونه ️ حسّيت اني بأكل سليق من يدين ست الحبايب .. الرز مستوي جيد وواضح طعم المستكه فيها الدجاج مستوي ومبهر كويس 10/10 سعره 62 ريال ينطح ريال كبيبة حائل و العقال المايل . اول مرا اذوقها ، عباره عن ورق عنب ملفوفه بطريقه حيث يطّلع شكله مربع ، حشوتها رز مفلفل طعمه جيد بس كميتها قليله بالنسبه لسعره 28 ريال وأعطيه 8/10 السويت ، قطائف نوتيلا .. دسسسسمممممه جدا جدا محشيه شوكلاته انا ما حبيتها يمكن لاني ما احب الحلا كثير سعرها 30 ريال اعطيه 5/10 السويت نمبر 2 كان جبنيه جات اربع قطع مدوره معها الشيره حقتها كعجينه اتوقع جيده جدا ولكن خربها القلي لان اتشربت زيت مره كثير وَذَا كان واضح انها انحطت بالقلايه والزيت مازال بارد 4/10 سعره 24 ريال بيبسي 9 ريال كوكتيل 22 ريال التوتال : 237 ريال ينطح ريال الايجابيات ؛ نظيفين جدا جدا جدا والويتر بشوش حبيتو والله اخلاقه جدا راقيه وجلست ارطن معه شوي اذا رحتو بالله سلمولي عليه اسمه دايل وبس وسلامتكم

 

تقييم مطعم ريم البوادي

مطعم ريم البوادي

تقييم لمطعم ريم البوادي بتكلم اليوم عن المطعم الشهير ريم البوادي مطعم جداً راقي وديكوره فخم وانيق جلسنا بالانتظار تقريباً عشر دقايق كان استقبال الويترز مش ولا بد يمكن عشان الزحمه طلباتنا كانت كالاتي مشاوي ريم البوادي دجاج … كانت قاسيه جداً وتأخرت حتى جات  7/10 كاري دجاج …. ماذوقته صراحه بس الكميه كانت جداً قليله حقت شخص واحد فتوش ..كان الذ حاجه وفتوش بجد 9/10 الحمص/لذيذ جدااً اعطيه 10/10 ودجاج بالثوم والليمون … عباره عن صدور دجاج  فيها طعم الثوم ماكانت طريه واحس طعمها مو ذاك الزود 7/10 رز ع البخار / الي هو رز ابيض ناشف وملحه قليل وكمان لشخص واحد سعره 19  اعطيه 6/10  وسلطة ريم البوادي .. كانت عبار عن خضار مع جبن حلو وصلصه حلوه كانت لذيذه اعطيها 9/10 الحساب كلوه 508 ريال احسوه سعر مبالغ فيه بالنسبه للكميه المقدمه ماتكفي حتى لشخص .. عن نفسي تجربه ماراح اعيدها

 

تقييم مطعم آي هوب

مطعم آي هوب

تقييم مطعم آي هوب الاومليت بمطعم آيهوب خورافه اليوم رحت وانا وصاحبي على اي هوب بشارع التحلية بعد ما فتح الساعه 6 وصراحه الجو كان جدا رايق عندهم ومافي زحمه طلباتنا كانت عباره عن اومليت بالبيكون  صراحه كان افضل اومليت اكلو وهذي ثاني تجربه لو بصراحه لعشاق البيكون اقلهم البيكون مليان والجبنه مجرد ما تقطع الاومليت تبدأ تسيح… شي خرافي اعطيه 10/10 كريب دجاج خوي طلبو على رأي الموضف في المطعم و كان عادي بس ماهو سيء مره اعطيه 6/10 بانكيك بالنوتيلا كان صراحه جيد وحلو بس نصيحه اذا انك من النوع اللي تأكل الحلى اخر شي خليه يجبلك هوا متأخر عشان يكون حار اعطيه 8/10 عصرات كان عباره عن واحد برتقال و واحد بيبسي اتمنى اني اكون افدتكم

 

تقييم مطعم صيادية كراب هاوس

مطعم صيادية كراب هاوس

أجواء التكسير بالمطرقة والأدوات الموجودة ..تزيد من متعة الأكل بالمطعم ..تقييم متميز لمطعم صيادية كراب هاوس تقيم لمطعم صيادية كراب هاوس صراحه انا كنت رافضه اني اروح مطعم سمك بس قلنا نخاطر  اول شي قدمو لنا مقبلات خبز مع زبده طعمها نفس طعم الخبز الي بطيارات مقبول بها طلباتنا كانت شوربة كراب هاوس الحمراء  حلوه اعطيها٨من ١٠ فيلية مشوي مع بطاطس مقلي > انا كنت ابي بطاطس مهروس بس للاسف قالو حالياً مافي ف طلبت مقلي والمقلي ماحبيته كثير تقيمي للفيليه-١٠من١٠ البطاطس المقلي ٦من١٠ والوجبه الكبيره يم يمي اخذنا شواية كراب هاوس العائليه  كان فيها اكلات بحريه مشكله سلطعون ميت و استكوزا و قمبري وسمك مشوي …الخ انا ماكلت من هالمشكل الا قمبري لان الباقي كله تكسير  بالمطرقه وانا مافيني او بلاصح ماعرف  بس زوجي ماشاء الله جداً عجبه لذلك اقيمه ٩من١٠ واخذنا واحد عصير برتقال طازج اقيمه ٩من١٠ سعره مبالغ فيه ياخي  ب٢٠ ريال العصير بس حلو واحد بيبسي وبعد ماتخلص اكل يجيبوا لك صحن فيه مويه دافيه و مناديل معطره تغسل يديك حبيتها مره والنظافه عندهم اقيمها ١٠-١٠ انا اهم شي عندي قبل مااكل النظافه وسلامتكم وكل الاكل ذا ب ٣٤٢ مثل ماانتو شايفين بصوره

 

تقييم مطعم بياتو

مطعم بياتو

تقييم لافطار مطعم بياتو افطار بياتو لو شاتو شارع التحلية الطلبات كانت اومليت بالخضار واومليت بالديك الرومي والسبانخ كان لذيذ نسبيا ولكن اعطيه 7/10 لاني شخصيا ما احب الاومليت مستوي بزيادة وكان منتفخ بطريقة غريبة تفاجأنا بضيافتهم كانت عبارة عن كيكة الموز رووووعة وكان فيها مكسرات الجوز عاملة نكهة جدا رائعة 10/10 وكان فيه برضو طبق ضيافة من زود كرمهم بصراحة طبق فرنش توست شبيه با البان كيك برضو كان طيب تقييمي له 7/10 عصير البرتقال كان فرش 10/10 بشكل عام الاكل طيب والمكان رايق والخدمة ممتازة التكييف شوي هادي بالنسبة للجو الحار هذي الأيام