تقييم مطعم ذي تشيز كيك فاكتوري

مطعم ذي تشيز كيك فاكتوري

تقرير عن مطعم تشيز كيك فاكتوري والذي يقع ضمن سلسة المطاعم الجديدة والتي بثت الروح بشارع التحلية وأعادت إليه بريقه تشيز كيك فاكتوري المطعم مشهور اشهر من نار على علم وهو مطعم امريكي كان اول فرع له عام1978م يتم تقديم سلة الخبز مع الزبده مجانا كضيافة قبل الاكل. الطلبات كانت كالتالي : Fried Macaroni and Cheese Balls وهو عبارة عن مكرونة مع الجبنة ويعتبر من المقبلات لذيذ جداً يستحق ١٠/١٠ …… Chicken & Biscuits وهو دجاج مع البسكوت و كيك و بطاطس مهروسه و خضار لذيذ جداً يستحق ١٠/١٠ Chicken Bellagio دجاج مقرمش فوق باستا بصلصة الجرير. .. هالطلب له معجبينه لكن لم يروق لي كثير اقيمه ٦/١٠ العصيرات: سموذي فراوله و سموذي خوج ٨/١٠ تشيز كيك اوريو ٨/١٠ بشكل عام الاكلات لذيذة والخدمة والديكورات في قمة الروعة والمطعم به الكثير و الكثير من الاطباق فالمنيو غني بالأطباق المتنوعة ويستحق تكرار الزيارة أكثر من مرة

 

تقييم مطعم ستيك هاوس

مطعم ستيك هاوس

تقييم لمطعم ستيك هاوس طعام مطعم “ستيك هاوس” زرت هالمطعم زمان وكررت الزياره اليوم وكانت عزيمة عشا من صاحبي طبعا زرت فرع طريق الملك وكان الديكور جيد واﻻستقبال طيب طلبت ستيك تي بون مضاف عليه فطر وبطاطس مهروسه ب 102 ريال وبيبسي ب 12 ريال في البدايه اعطونا ضيافه بطاطس في علبه شكلها جميل وكاسة البيبسي ايضا حلوه ومميزه وبالنسبه للتقييم النظافه 10/9 البشاشه 10/8 الديكور 10/8 جودة اﻻكل 10/7 سرعة التقديم 10/9 بالنسبه ليا ما افكر ازوره ثاني اذا كنت ابغا ستيك لحم ﻻني جربت مطاعم افضل منه

 

تقييم مطعم مايستي

مطعم مايستي

تقييم دقيق لمطعم لا يحظى بشعبية كبيرة رغم فخامته وموقعه  اليوم بحكيلكم عن تجربتي في مطعم  maesti قررنا نتغداء اليوم في مطعم بس ماحددنا المطعم المطلوب واتجهنا على شارع التحليه وقلنا اللي يقع عليه موافقه العائله بالاجماع ندخله ومن بدايه الشارع مانسمع غير لا لا لما وصلنا هذا المطعم دخلنا كان المطعم فاضي (الكتاب يبان من عنوانه ) ولكن صممنا انا نجربه الطلبات دجاج كالوب اعطيها  10/4 مشاوي maesti سبيشل 76 ريال اعطيها 10/5 شوربة ثمار البحر … اعطيها 10/ 8 يمكن افضل شي ذقته عندهم فيليه سمك مافن …10/4 اسباغيتي 10 /0  ولو فيه اقل من الصفر كان كتبته  بيبسي كان 4 ريال العلبه المعدنيه العاديه مويه 1 لتر 20 ريال الاسعار مباااالغ فيها و الحساب كله 360 ريال وبصراحه الاكل مايسوى بالاضافه انو الطلب وصلنا بعد نص ساعه تقريبا مع انو المطعم فاضي وكل 5 دقايق يجبون طلب هذا الشي ضايقني كثير غير ان الاسباغيتي وصلت باااارده الديكور كان جميل والمكان هادئ والعاملين بشووشين ومتواضعين بالنسبه لي كانت اول تجربه في المطعم ولا افكر ازوره مره ثانيه

 

تقييم مطعم تكي التركي

مطعم تكي التركي

تقييم متميز لمطعم تركي فاخر بما انو في ناس يسالوني على الخاص ع المطاعم انا اليوم اعجبت بهالمطعم بشكل خيالي  اليوم كنت جيعانه ومن زمان مارحت مطاعم بسبت النطافة والمطاعم الي اتقفلت – وعشان مابغا اسمن  الموهم . اليوم رحت لمطعم تكي  Tike مكانو في شارع الروضه – Boulevard Building ماكان فيه زحمه ١ حمص ٢٠ (مره جييد ١٠/١٠) ٢ ورق عنب ٤٠ (ماعجبني حسيتو مره بارد زي الثلج ٦/١٠) ١ سلطه هايرلي ٢٠ (هيا تبوله بس الخلطه الي عليها زي الي على البليله اثنين في واحد امي ماعجبتها انا حسيت عادي ٧/١٠) ١ شيش طاؤوق ٥٥ (امانه هنا انا حسيت نفسي ابكي من كثر مادخت من زمان مااكلت شيش طاؤوق لين كذا واحس مستوي ️) ١ كباب بالخظار ٦٥ (لذيذ ١٠/١٠) ٢ بيبيسي ١٨ ٢ سفن اب ١٨ ١ مويا evian ١٢ دايت سفن اب ٩ ( اظن واضح حق مين ) المجموع ٢٥٧ انا احس مبلغ معقول بالنسبه للمكان والنظافه

 

تقييم مطعم أصيل

مطعم أصيل

ولأول مرة تقييم لمطعم أصيل والذي يقدم المأكولات والأطباق السعودية مطعم سعودي ميه بالميه وجو المطعم بطل  العنوان : تقاطع الروضة مع شارع الأمير سلطان بمجمع المطاعم بالكورت يارد طلبنا كوبين عصير برتقال سلطه خضراء فتة باذنجان كبيبة حايل مشاوي مشكله المكان والخدمه ٩ / ١٠ الطعم ٨ / ١٠ السعر مناسب حسابنا ٢١٩ ريال

 

تقييم مطعم جولد سوشي كلوب

مطعم جولد سوشي كلوب

تقييم مطعم جولدسوشي كلوب في مجمع بوابة صاري شارع صاري goldsushiclub وكانت تجربة جدا رائعة، الاختيار للديكور جميل، الجدار خشبي والضوء خافت والموسيقى متناسقة مع الديكور وشاشات تلفزيون لعرض الاكل، بالاضافة الى فكرة جديدة في قائمة الطعام، يسلموك المنيو وهو عبارة عن جهاز أي باد تختار من الصور، طلباتنا كانت دجاج رامن 4.5/5 تشكيلة متنوعة من السوشي (تورو، سالمون، تونة، كالاماري، سكالوب، كافيار، تيماجو، إيبي) 4.5/5 بيف شيتاكي مع رز الجاسمن 5/5 كوريمي ماكي 5/5 المواقف 2.5/5 الجو العام 5/5 الخدمة 4.5/5

 

تقييم مطعم الوجبة الصيني

مطعم الوجبة الصيني

تقييم لمطعم الوجبة الصيني مطعم الوجبة الصيني من المطاعم السريعة الجيده بشكل عام الموقع جدة ،الخالدية ،سوق الكيال يقدم المطعم العديد من الاطباق الصينية و الفلبينية مثل جمبري يقدم في طبق ساخن ، رز مقلي ، سمبوسك بالخضار ، لحم بصوص المحار ، شوربة دجاج بالذرة و العديد من الاطباق الشهية ، يتراوح سعر الطبق من ٣٥ الى ٦٠ ريال يكفي لشخصين المذاق : ١٠/٩ النظافة : ١٠/٨ الاسعار : ١٠/٩ الخدمة : ١٠/٩ الكمية : ١٠/٩ الجلسات :١٠/٨

 

تقييم مطعم زودياك كوزين

مطعم زودياك كوزين

تقييم مطعم زودياك كوزين راقي وديكوراته رووووعة لست ممن يستهويهم تقييم المطاعم لكن بالنسبة لمطعمي المفضل “زودياك كوزين” فضّلت أن أقوم بتقييمه للمتابعين و للباحثين عن مطعم راقي و جميل .. يقع زودياك كوزين في شارع الاندلس تقاطع شارع فلسطين و يمتاز فضلاً عن لطافة العاملين و اهتمامهم بمواكبته لكل المناسبات فديكور المطعم يختلف باختلاف فصول السنة بشكل مبهج و بديع  حالياً المطعم يكتسي بالورود و الوان الربيع احتفالاً به ، و هناك منيو خاص بالربيع ” spring special ” . بالنسبة لما يقدمه المطعم يعتبر عالمي ، فهو يقدم مأكولات المطبخ الفرنسي و الايطالي و الاسباني و غيرها … تقييمي اليوم سيكون عن العشاء الاخير لي فيه و كانت الطلبات كالآتي : سلطة سيزر 5/5 شوربة البروكلي 4/5 فيليه سلمون مشوي يقدم مع الفتوتشيني 5/5 مكرونة حمراء 4/5 عصير من منيو الربيع ليمون و برتقال 5/5 الحساب كان بحدود 450 المطعم يحتوي أيضا على تراس جميل

 

تقييم مطعم بريك تايم

مطعم بريك تايم

تقييم لمقهى بريك آوت وصلنا من اليوم كانت تجربتي لمطعم وكوفي بريك تايم في شارع التحلية بجانب مطعم استديو مصر الطلبات والتقييم فتوش 10/10 شوربة الدجاج بالكريمة 10/10 فوتشيني بالدجاج 10/10 فوتشيني بالجمبري 10/10 شيلي فرايز 10/10 بيتزا بريك تايم 6/10 عصير فراوله_كوكتيل اناناس وفراوله 10/10 المكان نظيف وهادئ والخدمة والاسعار ممتازة ملاحظة:لايوجد بارتشن

 

تقييم مطعم راج الهندي

مطعم راج الهندي

تقييم متميز لمطعم راج الهندي زيارتي كانت لمطعم راج الهندي طبعا زيارتي الثانيه له ملاحظه مكان العوائل صار مكان مقهى دريم لاند سابقا فديكوراته وجلساته صارت جدا راايقه وجميله الضيافه الخبز المقرمش و٣ انواع صوصات خطييره ولذيييذه طلباتنا كانت دجاج تكا ٩/١٠ نكهته اقرب شي ل٦٥ لذيذ جدا دجاج تندوري ١٠/ ١٠ يكون قطع دجاج بالعظم بدون جلد متبل تتبيله زبادي لذييذه جدا رز برياني ساده اعطيه هالمره ٨/١٠ هو متقن ولذيذ ماعليه كلام بس مو باتقان ولذه المره السابقه كان الذ برياني هالمره لا فاين وشيزان الذ رز بالزعفزان والكمون ١٠/١٠ لذييذ لهواه نكهه الكمون الهندي مطبوخ باحتراف مرات سابقه جربنا سلطاتهم كانت جميله وغير عن المطاعم الهنديه الي معروفين بعدم تخصصهم للسلطات عموما المطعم يعتبر من المطاعم الهنديه الراقيه اسعاره زي شيزان والطبخ نظيييف ولذيذ نكهه مميزه واحلى شي عندهم ان لنكهه السبايسي درجات زيي افضل الحراره المجنونه وهم المطعم الوحيد الي لبو لي هالطلب حتى بالرز حراره رهيبه العنوان شارع التحلية خلف جاليري سنتر