تقييم مطعم باول

مطعم باول

تقييم مطعم باول الفطور هنا روقان ع الآخر تقييم متميز لفطور مطعم باول تقييم لمطعم ومقهى باول PAUL الفرنسي ،، موقعه شارع الامير محمد بن عبدالعزيز ( التحلية ) خلف فندق الرمال  الموقع مو واضح على الشارع ، مشكلته مخشوش مدري ليه !! ديكورات المطعم بصفة عامة كلاسيك ورايقة جداً ومريحة للنظر .. بخصوص البارتشن مافيه  الخدمة سريعة ومتعاونين .. النظافة ماعليها كلام .. نجي الحين للطلبات ؛ فطور شخصين فقط  قدموا لنا ضيافة سلة متنوعة من الخبز ونوعين مربى وزبدة اقيمها ٦ / ١٠ لان الخبز كان ناشف شوي  كانت طلباتنا : اسبريسو + كروسون سادة  ٩ / ١٠ ️ هوت تشوكليت اقيمه ٥ / ١٠ دارك تشوكليت ومرررة ثقيل  كروسون جبن ٩ / ١٠ الحلا ‘ كريب نوتيلا ، ٧ / ١٠ احس فيه زي طعم زفر البيض  التوتل ١٠٠ ريال تقريباً ….. التقييم العام من جميع النواحي ٦ / ١٠  لي بإذن الله زيارة ثانية له عشان اتذوق اطباق جديدة ويمكن اغيّر رأيي في تقييمه

 

تقييم مطعم ذا كرنشي كريب

مطعم ذا كرنشي كريب

تقييم مطعم ذا كرنشي كريب تجربة موفقة للوافل والسوفليه والكريب ..بكرنشي كريب The crunchy crepe اليوم كانت تجربتي جديده لمكان جميل ولذيذ كنت ناويه اخذ وافل ولاكن المغريات كانت كثيره هههههه وكانت تجربه جدا جدا موفقه انصح الكل فيها موقعهم الاندلس مول جهه المطاعم كريب بالموز سعره 21  لذيذ  9/10 وافل بالايسكريم سعره 21  مره مره لذيذ بالنوتلا ساح شويه الاسكريم لانه تااخرنا حتى اكلناه 10/10 2 كوكز 10 الواحد ب 5 لذيذ 9/10  سوفليه صغير ب8ريال روعه 10/10 ونسيت الورق عنب عندهم حاجه خرافيه اعطيه 10/10 التجربة عموما جميلة وانصح الجميع بتجربته

 

تقييم مقهى مادو التركي

مقهى مادو التركي

تقييم مقهى مادو التركي  لا أحد ينفجع من سعر الشاي التركي ..تقييم لفطور الكافيه التركي مادو فرع الاندلس مول تجربتي مع مادو فرع الاندلس مول الدور الثاني جمب الملاهي رحناه وقت فطور دخلنا ومافي شي معين في بالنا طلبنا واحد كلوب ساندوتش تقيمي ١٠/١٠ الكلوب خطيييييير ومعاه بطاطس لذيييييييييذه بوريك جبن تقيمي ٥/١٠ ابدن ماحبيتها مالها طعم فيها قطع جبن حلوم اظن وجبنه تانيه مدري ايش هيا الكميه قليله مو على سعرها او طعمها بوريك بطاطس تقيمي لها ٥/١٠ ماحبيتها مالها طعم نفس بوريك الجبن ابريق شاي احمر شاي لبيتون عادي مافي شي جديد سبب طلبنا للشاي الاحمر العادي سعر ..لأنه الشاي التركي سعره ٤١ريال بصراحه مبالغ جدا بسعر حتى لو كان تركي ومدري ايش بنهايه شاي شاي زي اي شاي اللهم انو مصنوع بالبخار الزياره راح تتكرر عشان الكلوب والشاي الليبتون الفاتوره طلعت ١٣٥ ريال ل ٣ اشخاص

 

تقييم مطعم مج آند بين

مطعم مج اند بين

تجربة مميزة وتقييم روووعة لمطعم ميق اند بين مطعم مج اند بين ( mugg & bean ) موقعه قريب من ستارز أڤينيو في خط المطاعم اللي فيه ستيك هاوس و بياتو  داخل المطعم : جميل و لطيف ماهو كبير ولا هو صغير و طبعاً مافي partition  طلبنا : بان كيك سادة (كبير) تقريباً ٣ طبقات >> يجي معاه صحنين صغار واحد شيرة والتاني ايس كريم فانيليا مرا مرا لزييييز و الايس كريم يجننننن تاكل اصابعك وراها اعطيه تقييم ١٠/٩ { سعره ٢٨ ريال } وافل بالنوتيلا و عليه شرائح فراولة و موز (اربعة قطع) الوافل طررررررري جداً وكان طعم لا باس به اعطيه تقيييم ١٠/٧.٣ { سعره ٣٤ ريال} ساندوتش تونا بالمايونيز (قطعتين) وفي الصحن معاه سلطة عادية ..انا مااتذكر اني قد اكلت بحياتي ساندوتش تونا !! لكن هدا الساندوتش كااان لزييييز لزييييييز حبيت الساندوش اعتقد اني راح ابدا اكل التونا بسببه  اعطييه تقييم ١٠/٩ {سعره ٢٧ ريال} كراميل موكا حار لا باس به عاادي يعني اعطييه تقيييم ١٠/٦ {سعره ١٧ ريال } موكا حار العادي << تبع قريبتي اعتقد انو عجبها {سعره:١٥ ريال} الجرسون اللي ماسك طاولتنا يجنن ماشاءالله طول الوقت مبتسم رغم اننا طفشناه في طلباتنا اللي ورا بعض الا انه يجي لنا و الابتسامة شاقة وجهو  تقيييمي للمطعم : ١٠/٩،٤ يستاهل الزيارة اكتر من مرا  وسلامتكم ياحلوووين

 

تقييم كوفي تاو

كوفي تاو

تقييم لمقهى تاو تقييمي لمطعم وكوفي تاو طريق الملك فوق دكني اللي في صف ستارز اڤينيو طلباتنا كانت كنا شخصين وكان في شخص متغدي فطلب قهوة عربي و حلا القهوة دله مررره صغيره تكفي ٦ فناجين تقريبا ب ٢٣ ريال طعمها كويس ومزبوطه أعطيها ٦/١٠ و الحلا كان أوريو موس رااااائع لزيز جدا و كان عندنا يوم ميلاد اضافو شمعه وكتابه ب ٤٤ ريال و اعطيه ٩ /١٠ و الشخص التاني طلب غدا عبارة عن بادنجان و شرايح طماطم و شرايح مازوريلا و كريمة جدا لزيز ومحبوك ب ٦٠ تقريبا اعطيه ٩/١٠ و عصير برتقال فريش جدا اعطيه ٩/١٠ و سعرها حدود ١٨ ريال المطعم جلساته رائعة وجوه هادي جدا و رومانسي بس يبغاله حجز

 

تقييم مطعم بيت المكرون

مطعم بيت المكرون

تقييم جميل لبيت الماكرون زيارتنا كانت اليوم لمطعم بيت المكرون في ستارز افينيو الدور الأرضي طلباتنا كانت قهوه تركية وكانت بي ١٠ ريال وأعطيها ١٠/٧ لانو الفنجال كله بن ومره تقييله لو يخففوها شوي افضل شوكلاته ساخنة وسعرها ٣٠ ريال أعطيها ١٠/٨ كنيسة وطعمها مقبول بس طعم الحليب غالب على الشوكلا كيكه التوت الأزرق سعرها ٢٢ ريال وأعطيها ١٠/١٠ مره طعمه وفريش وفيها شويه حموضه معطيتها طعم لزيز مكرون ٤ حبات بي ٢٨ ريال الحبة سعرها ٧ ريال وأعطيه ١٠/٩ الطعم مره كويس والسكر فيها مزبوط مو حاليه بزياده بس افضل لو عملو الحبة بي ٥ ريال عموما اجواء المطعم حلوه ورايقه لو مو شوية الإزعاج الي حولينه يسير تمام

 

تقييم مطعم ميج اند بين

مطعم ميج اند بين

تقييم مطعم ميج اند بين الوافل والبانكيك عندهم لذيذ حسب ماورد في التقييم لمطعم ميق آند بين Mugg and bean جده :بعد ستارز أفنيو عند بياتو الطلبات وافل المارشمالو”٣٣ريال” عباره عن. وافل فوقه مارشميلو مع صحنين صغار واحد نوتيلا واحد ايس كريم الذ وافلز أكلته في جده أعطيه ١٠/١٠ بان كيك ٣ قطع “٢٨” مع اضافة النوتيلا ٤ريال كمان معاه صحن ايس كريم أعطيه ١٠/١٠ ملك شيك فانيلا صغير “١٥ ريال” مقبول ١٠/٦ ناقتس “٢١ ريال” عباره عن بطاطس و قطع دجاج مع كتشب اعطيه ١٠/٤ الجلسات دورين فوق شباب و تحت عوائل:١٠/٧ الخدمه : 10/5 النظافه:١٠/٥ تقييم النهائي ١٠/٦ ممكن أكرر الزياره بس عشان الوافل و البان كيك

 

تقييم كافيه أروما

كافيه أروما

تقييم لاروما كافيه والذي ظل محافظا على جماله وروعته على الرغم من مضي عشرين عاما على افتتاحه حبيت اشارك ب تقيم لافضل الكوفيهات الايطاليه ف جده من وجهة نظري طبعاً اروما كوفي العنوان : كورنيش الحمراء بمركز الحمراء التجاري كانت طلباتنا فيه سلطة فتوش ١٠/١٠ عن نفسي لو الف كل المطاعم ماحصل زيها واي احد يحب الحامض بتعجبه تيرياكي اروما ١٠/١٠ عباره عن رز ابيض ساده و دجاج بالصوص الحلو و فلفل ملون صراحه طعمه عججججيب . . مكرونا فتوشيني٧/١٠ حسيتها تغيرت عن اول حسيت فيها سمن كثير دسمه جداً . . بيتزا خضروات ٨/١٠ خفيفه و الخضار كان كثير بطاطس مقليه بدون جبن و مفرم ١٠/١٠ بطاطسهم رهههيبه مايختلف عن لذتها اثنين اسعار اكلهم جيده زي مو واضح في الفاتوره الاجمالي كان ٢٦١ و اطباقهم ملياانه بس السفن كان ب ٩  معليش السعر ماعجبني مع اني عارفه في اماكن اغلى من كذا

 

تقييم كافية نكهة القهوة

كافية نكهة القهوة

تقييم متميز لاروما كافيه زيارتنا لمطعم نكهة القهوة (caffe arom) في حي الحمراء المكان روعة في التصميم والديكور راقي وجميل والمعاملة كانت في قمة الروعة طلباتنا كانت خبز الثوم بالجبنة (garlic bred) ب٢٤ ريال ٨ قطع كان طعمه مرة خطير أعطيه ١٠/١٠ شوربة دجاج (chicken soup) ب ٢٨ ريال أعطيه ١٠/١٠ بطاطا مقلية (arom French frie) ب ٢٨ أعطيه ١٠/٤ كانت الكمية كبيرة بس للأسف كان مرة بارد بيتزا بالخضار (vegetable pizza) ب ٤٦ ريال أعطيه ١٠/٩ فيتوشيني بالدجاج (fett aroma chk) ب ٥٨ ريال أعطيه ١٠/١٠ وبقوة كمان الكمية كبيرة جداً ومشبعة اثنين بيبسي الواحد ب ٩ ريال موية وحدة ب ١٠ ريال ٣ قهوة تركي (Turkish coffee) الوحدة ب ١٤ ريال أعطيه ١٠/١٠ يحطوا مع كل قهوة قطعة بيسكوت شكولاته ٢ كيكة تمر (dates cake) الوحدة ب ١٨ ريال ٢ آيس كريم فانيلا الواحد ب ١٠ ريال نصيحة كيكة التمر مع الآيس كريم انا اعتبرها اهم حاجة في المطعم المجموع الكلي ٣١١ ريال ملاحظة: يمكن طلب الأكل المتبقي وأخذه نراكم في تقييمات جديدة

 

تقييم أروما كافيه

أروما كافيه

تقييم أروما كافيه تجربة افطار مميزة باروما كافيه طبعا حابه اقدم هالتقرير المتواضع وطبعا هذا اول تقرير لي وان شالله يكون مفيد للناس طبعا اليوم كانت تجربه فطورنا في نكهة القهوه وكان الاكل مره لذيذ وكافي وزاد ماشاالله كانت طلباتنا كالتالي : نوعين شوربه عدس / مشروم 8/10 تشيلي فرايز ماكان بالمره لذيذ يمكن لانه جابوه بدري وبرد شويتين ف ماكان بالجوده المطلوبه 5/10 سلطة فتوش كان حجمها كبير ومره لذيذ 10/10 فيتوتشيني الدجاج 9/10 لازانيا باللحمه بالمره لذيذه 10/10 ترياكي دجاج 8/10 العصيرات كانت 2 ليمون بالنعناع 2 كوكتيل 1 برتقال فريش وكان بالمره لذيذ العصيرات 10/10 موية ايفان حجم كبير قهوه تركي 10/10 طبعا لما وصلنا كانو حاطين دلة قهوه وتمر وضيافه من عندهم صحن سمبوسه باللحمه والجبنه الخدمه 10/10 والويترز كانو بشوشين وخدومين جدا 10/10 كان الحساب لكل هذا 468 ريال ل 5 اشخاص تقييمي العام للمكان جدا جميل ويستحق التكرار