تقييم مادو كافيه

مادو كافيه

تقييم لمادو كافيه.. رايق وهادي بس غالي حسب التقييم مطعم وكافي مادو المطعم ديكوره راقي والمطعم بارد هادئ في نفس الوقت .. طبعا انصح بالجلوس في الدور الثاني وليس السفلي .. اكل المطعم صراحه لذيذ طلبنا طبق شاررما لحم ودجاج الطبق الواحد ب ٥٠ ريال بس اللحم بصرااحه خطيير ولاني من عشاق الفوتشيني لازم اي مطعم ارحله وفيه فوتشيني اطلبه بس هالمره م كان مثل المطاعم الباقيه زي بياتو اللي انصح فيه وبقووه بس لاني من عشاق الفوتشيتي عجبني ويستحق ١٠/٨ وطلبنا كمان صحن مشويات الصحن فيه ٤ اسياخ مشكل قيمة الصحن ٨٠ ريال  السعر مبالغ فيه بصرااحه والحلى كان ايسكريم السوفليه بس ما كان بذاك الطعم اخذه من صدى التحلية اطعم والذ . . الطعم ١٠/٧ الجلسات الرايقة والهادية ١٠/٩ انصح بيه اللي يحب يجرب الاكل ويغامر لاكن اللي م يحب يغامر لايروحه وكمان روحوه شخصين او ٣ لانه غاالي بصراحه المكان / حي الخالدية ٢ مركز الخالدية للاعمال

 

تقييم مطعم تاو لاونج

مطعم تاو لاونج

تقييم لمطعم تاو لاونج  تاو لاونج جدة-طريق الملك-بوقنڤيليا سنتر-الدور الثاني مقابل مطعم يونين. للي يحب الفخامه والهاي كلاس ويعيشه نفسه  المكان جمميل ورايق وهادي للي يحب الهدوء ومرتب لكن اغلب اللي يجون له بحجز .. انا جيت مع وقالو الين الساعه 10 تقعدون لان من الساعة عشرة محجوزه الاماكن كلها ..  بتكلم اول عن اللي طلبناه جينا علشان ناخذ حلا وكوفي وعصيرات المشروبات 2 عصير ليمون 18 ريال = 36 ريال ايس موكا 28 ريال شاهي افغاني 18 ريال موكا حار 24 الحلويات سوفلية النوتيلا  .. 54 ريال تراب المولوك .. 45 ريال موس اوريو 46 ريال لذيييذ قلية بحقه كوكيز 46 ريال كيك شوكلت 36 ريال حسابنا كله طلع 337 ريال يمتاز المكان بهدوء و الديكور للجلسات الداخلية و للخارجية لاباس لكن ينقص الخارجيه تكيف في وقت الصيف تقيم المطعم شخصيا الخدمه 10/10 النظافة 10/10 التقديم والترتيب 10/10 الاسعار بالنسبه للمكان 8/10 الطعم 9/10 انصح الكل يروح له لازم الواحد يمتع نفسه لان مافي احد بيمتعك غير نفسك .. الناس صارت مشغوله بنفسها

 

تقييم مطعم اي هوب

مطعم اي هوب

تقييمي مطعم آيهوب تقييمي الشخصي لمطعم “آيهوب” في جدة الاسم عبارة عن إختصار للإسم الطويل (انترناشيونال هاوس اوف بانكيك) والمطعم متوسط المستوى ومنتشر في أمريكا بطريقة خيالية وأطباقه وأسعاره جميلة “في أمريكا” عندنا في جدة يقدم آيهوب مستوى وجودة أقل من أمريكا وأسعار أعلى بكثير  جربت عندهم عدة أطباق مختلفة في عدة زيارات (أنا أقيم المطعم من ثلاث زيارات عادة) في هذه الزيارة طلبنا: ١- املت جاردن (السعر ٤٥) تقييمه ١٠/٥ (خال من البهارات تماماً وغالي جداً)  ٢- سامبلر الفطور (السعر ٤٥) ١٠/٦ (التنوع جميل لكن لا شيء طُبخ كما يجب)  ٣- عصير برتقال ٢ (السعر ٣٠) ١٠/٣ (عصير مُر وليس طازج ومعلب على الأغلب)  ٤- ماء صغير (السعر ١٥) ١٠/٠ قارورة ماء حوالي نص لتر بهذا السعر  ٥- تغيير البانكيك إلى وافل (السعر ١٠) ١٠/٧ (بانكيك أقل من عادي والوافل ألذ وأفضل بكثير) إجمالي السعر لإفطار شخصين = ١٥٥ ريال التقييم العام على هذه التجربة وتجارب أخرى = ١٠/٥ على الرغم من أن الإسم يوحي بالتخصص في البانكيك إلا أنهم يعتبرون من المطاعم العادية جداً وأقل من عادية أحياناً في تقديم البانكيك في أمريكا ، وأفُضل تناول الوافل لديهم بالميبل سيرب العادي ، ويبقى آيهوب أفضل خيار للإفطار الأمريكي الكامل في جدة  تحياتي

 

تقييم مطعم Dip n Dip

مطعم Dip n Dip

تقييم مطعم ديب ان ديب Dip n Dip الموقع عزيز مول بوابه 3 براونيز كريب ٢٩ ريال وافل ١٩ ريال عصير برتقال ١٥ ريال مويه ٣ ريال المطعم10/10المذاق جدا يجنن الخدمه 9/10 النظافة 9/10 والأسعار معقوله

 

تقييم كافيه ديب اند ديب

كافيه ديب اند ديب

تقييم لديب اند ديب كافيه والمفتتح حديثا من كثر ما شفت صور ديب اند ديب في انستجرام من قبل لا يفتح الفرع وانا استناه  العنوان عزيز مول بوابة رقم ٣ الطلبات براونيز كريب ب ٢٩ ريال وطلبت إضافة ايسكريم فانيلا معاه بس ما افتكر سعر الاضافة كم أعطيه ٩/١٠ ديب اند ديب وافل السعر ٣٩ ريال اعطيه ٨/١٠ براونيز صراحة ما افتكر سعره بس اعطيه ٩/١٠ احس كان حيطلع بيرفكت لو كان محشي مكسرات الخدمة ٩/١٠ المكان ٨/١٠ اللي عجبني ان طعم الشوكولاته لذيذ وحلاها معتدل عكس توقعي إنها حتكون مرة حلوة ملاحظة: إن المكان للعوائل فقط ومافيه جلسات للشباب أتوقع هذا من السلبيات وبس سلامتكم

 

تقييم كافيه دليفرانس

كافيه دليفرانس

تقييم لافطار دليفرانس مطعم و كوفي دليفرانس ️ جممميل جدا و خاصه بالفطور  جلسات رايقه ولا زحمه ولا ايتها حاجه و عندهم واي فاي سرعته ممتازه اوي وتقديم الطلبات سريعه و حاره  طلبت من عندهم شربة بصل مع اني ما اكل بصل بس طعمها  انما ايه الطلب الاساسي كوروسون تونه بالزيتون يا ربآآآآآآآآآهـ  ومعاه بطاطس واكيد العشق بيبسي الله يفكنا منه  طبعا الطلب اللي بالزاويه طلب رجال ما اعرفه وصورته لكم كذا بس  من باب التنويع وادسم موضوعي  كروسون ٢٥ الشربه ٢٥ البيبسي ٤ الحساب ٥٤ ريال تقييمي ١٠/١٠ و يستاهل الزيارة موقعه في شارع الامير سلطان مقابل روائع المكتبات

 

تقييم كوفي كريب مزازو

كوفي كريب مزازو

تقييم لكوفي كريب مزازو حبيت اقدم لكم تقييمي لكوفي كريب مزازو MAZAZU CREPE يمكن الكثيير ما سمع عنه هوا كوفي متخصص بانواع الكريب المالح والحلو والمشروبات الساخنه والباردة والايسكريم وأصل الكوفي ياباني مشهور باليابان  وهنا صراحه مهضوم حقه يمكن بسبب الموقع طلبت ثلاث انواع كريب تيك اواي كريب مالح بنكهته السجق والبيتزا 9/10 مررره لذيذ. . كريب مالح بنكهته الجبن والدجاج 5/10 في طعم غريب ماعجبني وكريب حلو بالنوتيلا والفراوله طعمه أكثر من رائع 10/10 اسعارهم مابين25 و20 الاستاف سعودي وجدا خدومين وخلوقين المكان هادي وراقي صراحه الطعم اكثر من المتوقع وبالنسبه لي افضل مكان للكريب . . الموقع : طريق الملك / برج طريق الملك الدور m وللتسهيل اكثر من البوابه الرئيسيه تاخدو الدرج الكهربائي يكون ع يدكم اليسار

 

تقييم ذي كريب كافيه

ذي كريب كافيه

تقييم لكريب كافيه تجربتي لذي كريب كافيه الموقع فرع مجمع العرب الطلبات كانت 1- ستروبيري فيلد وافل سعره (27) 2- نيوتلا ديلايت كان لذيذ مرره سعره (24) 3- كابتشينو سعره (13) 4- ميلك شيك فراوله سعره (17) مجموع الفاتوره (81) تقييمي النظافه لك عليها 10/7 الطعم 10/9 الجلسات 10/8 السعر 10/8 يستحق الزيارة

 

تقييم مطعم باستو كالدو

مطعم باستو كالدو

تقييم للمطعم الايطالي باستو كالدو تجربتي الاولى للمطعم الايطالي باستو كالدو في الردسي مول اول شي المطعم ما فيه بارتشن للناس اللي تحب الخصوصيه ثاني شي النظافه الطاوله ما نظفوها الا لمن طلبنا منهم اعطيهم 5/10 نجي للطلبات و اللي هيا الدمار الشامل طلباتنا كانت لاربع اشخاص بيتزا بيبرونني اعطهيا رائعه جداً 9/10 و فيتوتشيني دجاج مع فطر مره مزبوطهه 9/10 و الحلا طلبنا شوكلاته فوندان لذيذ 10/10 الاسعار مو غاليه مره احسها مناسبه بإذن الله حتكون لنا زياره ثانيه للمطعم دا

 

تقييم كافية ديب ان ديب

كافية ديب ان ديب

تقييم كافية ديب ان ديب  رغم جودة الطعم انخفض التقييم بسبب مستوى الخدمة ..أغلب المطاعم تعاني بهذه الفترة نقص في الأيدي العاملة مما يؤثر على الخدمة المقدمة..تقييم لديب ان ديب  طبعا الكل يتكلم على كافية Dip n Dip وقلت لازم نجربه طالبتنا كانت : ديب ان ديب وفال (مع فواكه) 39 ريال 5/5 تريبل كريب 29ريال 3/5 العجينة كانه سائله من جوا وافل ستيك جنان اطعم شي 19ريال 5/5 ديب كريبس 24ريال 4/5 .. كورن فليكس مع حلاوة قطن .. لاباس فيه عصير ميكس فروتس 19 ريال عموما المكان حلو ^^ بس بس بس كان زحام الخدمة 1/5 مرة لا وما يردو ع احد ساعة عشان الطلب وساعة عشان ناخد الفاتورة والمكان مو مرا كبير بس اكيد بكرر الزيارة لانه الوافل حقه ممتاز الموقع فرع واحد بس في عزيز مول