تقييم مطعم بلو أوشن

مطعم بلو أوشن

تقييم مطعم بلو أوشن على الرغم أن مدينة جدة ساحلية إلا أن المطاعم المميزة والتي لها اطلالة بحرية قليلة ..تقييم مطعم بلو أوشن المطعم بشكل عام جلساتو و إطلالتو ممتازة جدا .. و سعرو بالنسبة لموقعو يعتبر غالي لكن في الحدود المعقولة في جلسات داخلية مكيفة و إطلاتها على البحر .. و في جالسات خارجية تابعة للمطعم و لكن ما تفتح قبل الساعة الخامسة و النصف عصرا عشان الجو الطلبات كانت ؛ شريمب داينميت (جمبري معاه صوص حار) ٩\\١٠ سعرو ٤٠ ريال برجر لحم + بيكون طعمو عادي جدا ٧/١٠ سعرو ٦٥ ريال تشيكن راب برضو طعمو عادي ٧/١٠ سعرو ٥٥ ريال وجبة أطفال شيكن برجر ٨/١٠ سعرو ٣٠ ريال و ٢ آيس تي واحد بالمانجو و واحد بالفراولة كان منعش ٩/١٠ المطعم كما ذكرت إطلالتو جميلة جدا و مرتب و نظيف … أكلو عادي . و السعر زي ما إنتو شايفين

 

تقييم مطعم الكزار

مطعم الكزار

تقييم لمطعم الكزار مطعم الكزار شارع الحمراء اليوم كانت طلباتنا سمبوسه بالجبنه 10/ 10 ورق عنب 5/10 حمص8/10 كبه باللبن وشيش البرك 8/10 الرز ياتي مع الكبه بالبن 10/10 كبه 8/10 مشاوي 7/10 شوربة دجاج بالكريمه 7/10 المطعم مميز فيه خدمه راقيه و هدوء وروقان بعيد عن اﻻزعاج الدائم و يطل على البحر واسعاره جدا كويسه وﻻ يوجد مبالغه

 

تقييم مطعم بلو اوشن

مطعم بلو اوشن

مطعم بلو اوشن اطلالة بحرية ولا أروع وعندهم كمان ديناميت شريمب اقيم مطعمي المفضل بلو اوشن مكانو في فقيه اكواريوم ومطل ع البحر طبعا مهي اول زيارة لي المكان رايق وجميل ونظيف ممكن تجلس برا ع البحر او جوة وتقدر تشوف البحر من القزاز .. بس عيب الجلسات الخارجية انو طاولاتها قصيرة م تنفع للأكل ممكن للكوفي و المعسل وما إلى ذلك . طلباتنا كانت : 3 تشيكن تشانكس لذيذ اعطيه 10/10 2 تشيكن روما  الطعم جيد لكن صوص الطماطم كان كتير وطعمو حاد اعطيه 8/10 1 ديناميت شرمب .. انا من عشاق الديناميت شرمب بس اللي م حبيتو انو نفس الشرمب مغطى بطبقة زي العجين مهو مقرمش زي بي اف تشانقز مثلا ف أعطيه 6/10 1 سباغيتي مارينارا .. انا طلبتها بالدجاج وحبيتها اعطيها 9/10 2 عصير بلو اوشن .. اهم شي في الموضوع واسم المطعم بإسمو جدا رهيب اعطيه 10/10 3 سفن اعادة تعبئة مرة وحدة موية ما اتذكر الاسعار بالضبط لكن الحساب كان 445 ريال وان شاء اكرر الزيارة تاني

 

تقييم مطعم كنز أبحر

مطعم كنز أبحر

تقييم مطعم كنز أبحر لمحبي الجلسات الخارجية . تقييم لكنز أبحر  تجربتي كنز أبحر رحنا ع صلاة المغرب الجلسات روووعه والجو كان جنااااااان طلباتنا كانت بيبسي ٢ عصير فراواله10/9 نسكافيه 10/8 رز ابيض 10/6 صحن مشاوي مشكل 10/6 تبوله 10/8 بابا غنوج 10/8 بطاطس مقليه 10/9 الحساب ١٩٤ ريال الأكل كان عادي بس المشروبات والجلسه والمنظر أحلى شي

 

تقييم مطعم بلو اوشن

مطعم بلو اوشن

تقييم لمطعم بلو اوشن مطعم بلو أوشن بجانب فقيه أكواريوم كنا ٣ أشخاص في وجبة غدا ، بصفة عامة المكان مرة خرافي مع أجواء جدة الرهيبة الآن جودة الأكل جيدة جداً ، السلطة اليونانية مسبكة و طبق صيد اليوم لذيذ جداً لكن عصيرهم عصير بلو أوشن جداً حالي ماقدرت عليه الميني برجر طيب جداً ، الخدمة متوسطة الصراحة تأخروا في العصيرات و احنا بوسط الأكل و بعد ماخلصنا جلسنا ربع ساعة عبال ماينظفو الطاولة ، عالمغرب ريحة المعسلات كانت جداً مزعجة و آخر شي كان مدخلهم حلو لذو الاحتياجات الخاصة بالكرسي المتحرك ، و الأسعار موضحة في الفاتورة

 

تقييم مطعم بلو اوشن

مطعم بلو اوشن

تقييم لمطعم بلو اوشن وصلنا من بلو اوشن مطعم في فقيه اكواريوم، كنا ٤ اشخاص  طلبنا مني برجر بالدجاج يجي على شكل ثلاث برقرات صغيرة اسمها تشكن سلايدرز  ما كان لذيذ كان عادي الصراحة ! سعره ٤٥ ريال فيتوتشيني لذيذ جدًا جدًا جدًا !! اعجز اقول لذيذ  مليانة صوص وطعم لا يقاول  سعرها ٤٥ ريال بالنسبة للدايناميت شرم  كان جيد نوعًا ما، لكن لو تبغى داينمت شرم لذيذ من جد روح بي اف شانق ️ سعره ٤٠ ريال اااخر شي كان الحلى ️️ اول مرة اطلب باي وتعجبني ️ كانت بلو بيري باي بملعقة ايسكريم اش خوراااافة  عجينة الباي نفسها هشه ما كانت قاسية وشي لذيذ ️ ما كان ناقصه الا قهوة عربي سعرها ٣٥ ريال  قبل ما أطلع قلت لازم اجرب عصير بلو اوشن يقولون لازم اللي يجي يجربه  صراحة كان لذيذ بس حسيته عادي طعم بينا كلادا او اناناس ملونينه ️ بس لذيذ  سعره ١٩ ريال ——- بالنسبة للجلسات كانت جميلة ومريحة .. المطعم يفتح الساعة ١ و وحدة وخمس دقايق يزدحم وألوانها مريحة للعين ومتناسقة ️ الخدمة ممتازة وسريعة  الساعة ٣ يفتحون الجلسات الخارجية اللي عالبحر .. المطعم ما يتفوت بالذات بهالأجواء ️ بشكل عام اعطي المطعم ٩.٥/١٠ عالنظافة وسرعة الخدمة وجمال المكان والأكل

 

تقييم مطعم توينا للاسماك

مطعم توينا للاسماك

تقييم لمطعم توينا للاسماك مطعم توينا فرع الحمراء وصلنا ع الساعه ٩:٥٠ انتظرنا ٢٠ دقيقه لما وصل اول طبق شوربة ثمار البحر روووعه ١٠/١٠ حبيتها لدرجة طلبنها مره ثانيه سمك ناجل مشوي انا ماحب اكل سمك بس طعمه لزيز ١٠/٩ طاجن جمبري احمر لزيز ١٠/٩ كويز توينا شي مرا جممميل  ١٠/١٠ الجلسة ب ٣٥ الحساب ٦٣٥ الزيارة ان شاء الله بتكرر جلسه ع البحر والجو بارد شوي جوا المطعم طبعا كان عزيمه مني لاهلي توديع لهم ويستاهلو

 

تقييم كافيه ذا لاونج

كافيه ذا لاونج

تقييم كافيه ذا لاونج اول مرة ارسل تقييم لأنه شفت التقييم على دا المحل يا انه مافي او قليل وماشفته، المهم التقييم لكفي the lounge في بارك حياة قدام البحر على طول وتشوف النافورة. عندهم حد ادنى للطلبات ٩٩ ريال للشخص من غير الشيشة. والشيشة سعرها ١٠٤ ريال. منيو الاكل مع الحلى عبارة عن صفحتين جدًا محدود. احنا كنا ٣ اشخاص وجيعانين واتوقعنا بندبج بس انصدمنا من المنيو مرة مايشهي ومشيناها نقنقة.. بارك كلوب ( كلوب ساندوتش فيه صدر دجاج وخس وطماطم ومايونيز والمفروض فيه لحم مقدد بس طلبته من غيره ويجي معاه بطاطس مقلي) ٨٥ ريال. / لذيذ مابه شي اديه ١٠/١٠ حلوم مشوي ( قطعتين جبنة حلومي مشوية) ٥٠ ريال وصلت باردة وفقدت طعمها وبس اصلًا مافيها شي جديد جبنة حلومي ومشوية، لو حاطين معاها قطعة خبز توم او شي كان احسن بس في الاخير ما اتأكلت. اديها ١٠/٣ سلطة سيزر دجاج ٦٠ ريال. كويسة اديها ١٠/٩ بالانس سموذي ٤٠ ريال. آيس فرابتشينو ٣٥ ريال. معسل ١٠٤ ريال. كابتشينو ٢٩ ريال. تقديمهم تشييب! الكاسة شبه بلاستك ونهايتها من تحت حديد والصحن اللي تحته حديد زي صحون ايام زمان، والملعقة اللي جات معاه عشان تقليب السكر! مشخطة ومهترئة، عديت دا كله شربت الكابتشينو بارد واللي خلاني افصّل التقييم على الكابتشينو رغم انو مشروب ساخن وخلاص! على نهايته شميت ريحة صننة في الكوب سدت نفسي يالطيف وصراحة مااتكلمت لانه ماحبيت انكد على اللي معايا من كتر انتقاداتي. والله اديه ١٠/١ بس عشان طعمه! مجموع الحساب ٤٠٣ ريال الويترز كان تعاملهم سييء ويسدوا نفس الواحد كأنك داخل مضاربة معاهم على العموم الكفي مستحيل تقول ماراح ارجعله تاني كله عشان القعدات والمنظر على البحر والنافورة، ومع جو جدة دي الايام مية مية  مطعم غالي وتعامل سيئ ويسد النفس

 

تقييم مطعم السقالة

مطعم السقالة

الإطلالة روووعة..تقييم لمطعم السقالة مطعم السقاله البحري المكان جدا جميل و رائع و مريح و هادئ طلباتنا كانت شيش طاااوق  ب 65 و كباب دجاج 60 مقبلات 40 سلطه  خضراء 17 رز ابيض 15 عصيرات غازيه 2 ب 10 ماء صغير 5 المجوع 210  المشويات اعطيعها 7 من 10 في البدايه طلبنا سمك مشوي قالوا مافي وقت وهو يتأخر الطلب و كمان طلبنا لازانيا و قالوا مافي كان وقت الظهر غداء وصلنا الساعه 3 و ربع

 

تقييم مطعم امارا

مطعم امارا

تقييم مطعم امارا تجربة افطار بمكان راقي وجميل واطلالة بحرية التقييم اليوم لمطعم امارا العنوان : شارع فيصل بن فهد مقابل فندق هيلتون الزياره في الصباح – فطور الطلبات : فريتاتا عباره عن عجة بيض بالخضار تقدم بشكل مميز السعر 34  التقييم 10/9 اومليت يقدم بشكل مميز السعر 34 التقييم 10/8 2 كابوتشينو السعر للاثنين 36  التقييم  10/8 المطعم رائع و مميز الاطلاله من المطعم على البحر رائعه يستحق التجربه و اعادة الزيارة شكرا .