تقييم مطعم ماليزيا

مطعم ماليزيا

تقييم مطعم ماليزيا ولأول مرة تقييم لمطعم ماليزيا وصلنا من متابعة فضلت عدم ذكر حسابها تقييم لمطعم ماليزيا موقعه شارع التحلية جنب مجمع السوليدير المطعم تابع لشركة ماليزية كان عددنا ستة أشخاص رحنا الساعة ٢:٣٠ الظهر كان قسم العوايل فاضي تماما بعدين جوا ناس ومجموعات لكن كلهم ماليزيين احنا السعوديين الوحيدين طلباتنا طبق روجو يعتبر طبق سلطة عبارة عن قطع تفاح أخضر و أحمر وكمثرى وأناناس وخيار عليه صوص حار لذيذ سعره ب ٢٣ واعطيه ٨ / ١٠ رندن لذيذ جدا جدا يجي معاه طبق رز سعره ٣٠ واعطيه ١٠/١٠ شوربة توم يوم مقاس وسط مقاسها جدا كويس كفتنا الستة وزادت تجي بسخان لحد ما خلصنا باقية ساخنة كان سعرها ب ٥٥ كان فيها كرفس وشرايح بطاطس وطماطم فخربت الطعم اعطيها ٦ / ١٠ ناسي ليماك رز مع لوز وسمك صغير ناشف واجنحة دجاج مقلية ناشفة جدا وصوص حار ما عجبني الطبق فقط الصوص لذيذ سعره ٣٠ واعطيه ٤ / ١٠ طلبنا طبقين ساتي لحم .. الطبق فيه ستة أعواد ومكعبات رز وصوص ، الساتي جدا لذيذ بس يعتبر غالي سعره ب ٤٠ اعطيه ١٠/١٠ طبق اسمه انديانا مي مكرونة بالدجاج والخضار يجي معاها بيضة وحبتين جمبري مشوية الطبق لذيذ سعره ب ٢٥ واعطيه ٩ / ١٠ طبق مكرونة كاري شبيه ل الاسا الماليزية كمية التوفو كتيرة وكور عجين مو طعمه لكن عموما الطبق لذيذ سعره ب ٣٠ و اعطيه ٨ / ١٠ طلبنا سمكة مشوية على الطريقة السنغافورية قال الويتر تاخد وقت حوالي ٤٥ دقيقة فبطلنا منها واخدنا سمكة مقلية عندهم تلات أنواع سمك تختار منها انا ما عجبتني يمكن بسب نوع السمكة لكن أبونا عجبته سعرها ب ٦٥ واعطيها ٦ / ١٠ عصير برتقال طازج اظن حطوه في الخلاط عشان فيه رغوة فصار طعمه ما كأنه فريش سعره ١٨ طلبنا جاك ايس تي ليمون كان بالشاي الأخضر سعره ٣٥ وطعمه كويس الحساب كله ٣٩١ السلبيات تقديم الطلبات كان من غير ترتيب جابوا الأطباق الرئيسية أول وبعدين الشوربة والساتي والروجو والسمكة لما جينا نخلص جابوها يعني نفس وقت المشوية لو اخدناها الغريب انه مطعم ماليزي وما عنده دندن الويترز ما في غير شخص واحد ومو موجود في صالة الطعام عموما المطعم لذيذ وشبيه بمطعم شابتر اللي كان في مجمع العرب وبإذن الله راح اكرر الزيارة

 

تقييم مطعم ريد لوبستر

مطعم ريد لوبستر

تقييم متميز لمطعم ريد لوبستر السلام عليكم ، اول مرا اكتب تقرير او رأيي بالاصح بمطعم  – اللهم صلِ على محمد ، تعشينا ب مطعم ريد لوبستر موقعه ب شارع الامير سلطان جنب فرايدايز الطلبات ظاهره بالفاتوره  اول شي قدمو لنا ضيافه كريات السمك المقلي حلوه  ٥/٤ سلطة السيزر ٥/٤ الصوص ما حبيته مرا شوربة الاستكوزا لذيذذهه و خفيفه ٥/٥  الستيك ٥/٥ كان تمام و الاستواء ممتاز جدا و جا الشيف بنفسه يسأل اذا كان تمام او يحتاج زياده حبيت الحرص بالمطعم و ربيان تريو كان حلو و منوع جزء ربيان مقلي كان لذيذ و مقرمش و ربيان مشوي برضو طعم و باستا مع الجمبري كانت خفيفه و حلوه ٥/٥ العصير طلبنا موهيتو عباره عن ليمون و كاريبو و نعناع جدا جدا جدا حامض و صبرو علينا صراحه غيرناه ثلاث مرات  ٥/٣ و عصير مانجو داكري مانجا و فراولة و كان حلو و بارد ٥/٥ الجو العام للمطعم هادي و جميل و نظيف و الويترز بشوشين و ما يحسسونك انك غاصبهم ع الشغل او بدون نفس حبيت المطعم منهم

 

تقييم مطعم اسماك باعشن

مطعم اسماك باعشن

تقييم مطعم اسماك باعشن قديمك نديمك ..أكثر من سبعين عاما عمر مطعم باعشن للأسماك بسوق الندى بمنطقة البلد  باعشن للاسماك من محلات الاسماك القديمة جدا بجدة عمر المحل اكتر من  ٧٠ عام عنوانهم بسوق الندى بوسط البلد… مختصين بالقلي فقط سواء اسماك او جمبري الطلبات : سمك هامور القلي والبهارات جدا ممتازة التقييم ٩/١٠ شرائح سمك كنعد (ديراك) مقلي لا يقل جمال عن الهامور سواء في التبهير او القلي التقييم ٩/١٠… جمبري جامبو مقلي من اجمل المطاعم الي دقت فيها جمبري بهادي النكهة التقييم ٩/١٠ جميعها مقرمشة وجدا جميلة … الرز ليس عليه اي خلاف التركيز كان على الاسماك والجمبري وتقيمي له ٨/١٠ الاسعار :  الهامور ب ٨٥ ريال الكيلو. الكنعد ب ٨٠ ريال الكيلو . الجمبري ب ٩٠ ريال الكيلو . الرز ب ٣ ريال النفر . الضيافة عبارة عن بصل وجرجير وخبز وحمر وطحينة وشطة… في الاماكن الشعبية لا تبحت عن فخامة او نظافة مكان ولكن ابحت عن نكهة وطعم وحنين للماضي لايوجد جلسات عوائل فقط شباب والجلسات محدودة وزحمة وسيئة نوعا ما . التقييم بشكل عام : الاكل : ٩/١٠ السعر : ٩/١٠ النظافة : ٧/١٠ الجلسات : ٤/١٠ وشكرا نشوفكم في تقييم اخر

 

تقييم مطعم صيادية كراب هاوس

مطعم صيادية كراب هاوس

أجواء التكسير بالمطرقة والأدوات الموجودة ..تزيد من متعة الأكل بالمطعم ..تقييم متميز لمطعم صيادية كراب هاوس تقيم لمطعم صيادية كراب هاوس صراحه انا كنت رافضه اني اروح مطعم سمك بس قلنا نخاطر  اول شي قدمو لنا مقبلات خبز مع زبده طعمها نفس طعم الخبز الي بطيارات مقبول بها طلباتنا كانت شوربة كراب هاوس الحمراء  حلوه اعطيها٨من ١٠ فيلية مشوي مع بطاطس مقلي > انا كنت ابي بطاطس مهروس بس للاسف قالو حالياً مافي ف طلبت مقلي والمقلي ماحبيته كثير تقيمي للفيليه-١٠من١٠ البطاطس المقلي ٦من١٠ والوجبه الكبيره يم يمي اخذنا شواية كراب هاوس العائليه  كان فيها اكلات بحريه مشكله سلطعون ميت و استكوزا و قمبري وسمك مشوي …الخ انا ماكلت من هالمشكل الا قمبري لان الباقي كله تكسير  بالمطرقه وانا مافيني او بلاصح ماعرف  بس زوجي ماشاء الله جداً عجبه لذلك اقيمه ٩من١٠ واخذنا واحد عصير برتقال طازج اقيمه ٩من١٠ سعره مبالغ فيه ياخي  ب٢٠ ريال العصير بس حلو واحد بيبسي وبعد ماتخلص اكل يجيبوا لك صحن فيه مويه دافيه و مناديل معطره تغسل يديك حبيتها مره والنظافه عندهم اقيمها ١٠-١٠ انا اهم شي عندي قبل مااكل النظافه وسلامتكم وكل الاكل ذا ب ٣٤٢ مثل ماانتو شايفين بصوره

 

تقييم مطعم مايستي

مطعم مايستي

تقييم دقيق لمطعم لا يحظى بشعبية كبيرة رغم فخامته وموقعه  اليوم بحكيلكم عن تجربتي في مطعم  maesti قررنا نتغداء اليوم في مطعم بس ماحددنا المطعم المطلوب واتجهنا على شارع التحليه وقلنا اللي يقع عليه موافقه العائله بالاجماع ندخله ومن بدايه الشارع مانسمع غير لا لا لما وصلنا هذا المطعم دخلنا كان المطعم فاضي (الكتاب يبان من عنوانه ) ولكن صممنا انا نجربه الطلبات دجاج كالوب اعطيها  10/4 مشاوي maesti سبيشل 76 ريال اعطيها 10/5 شوربة ثمار البحر … اعطيها 10/ 8 يمكن افضل شي ذقته عندهم فيليه سمك مافن …10/4 اسباغيتي 10 /0  ولو فيه اقل من الصفر كان كتبته  بيبسي كان 4 ريال العلبه المعدنيه العاديه مويه 1 لتر 20 ريال الاسعار مباااالغ فيها و الحساب كله 360 ريال وبصراحه الاكل مايسوى بالاضافه انو الطلب وصلنا بعد نص ساعه تقريبا مع انو المطعم فاضي وكل 5 دقايق يجبون طلب هذا الشي ضايقني كثير غير ان الاسباغيتي وصلت باااارده الديكور كان جميل والمكان هادئ والعاملين بشووشين ومتواضعين بالنسبه لي كانت اول تجربه في المطعم ولا افكر ازوره مره ثانيه

 

تقييم مطعم توينا

مطعم توينا

تقييم مطعم توينا على الرغم من حداثة المطعم إلا أنه تفوق على الكثير من منافسيه وسحب البساط من الجميع وأصبح الوجهة المفضلة لمحبي طواجن السمك والجمبري …تقييم متميز لمطعم توينا تقييمي لمطعم توينا للمأكولات البحريه الموقع ف الحمراء بجانب مطعم درة الصين نظافه المطعم الخصوصيه مو مره موجود طاولات مكشوفه مره وموجود طاولات مقفله من 3جهات بس والتقديم جميل والخدمه جميله جبت معي هديه ل زوجي وطلبت يقدمونها وقدموها ف طبق تعاملهم قمه الطلبات سمك هامور مشووي لذيذ (10/10) ارز صياديه (10/8) طاجن فيليه سمك احلى شي اكلته مرررره يجنن بالكاري (10/10 ) يستاهل اكثر روبيان مشوي (10/6) م اعجبني مرره ومستورد مو طازج شوربه ثمار البحر (10/9) حلووه 2 سفن اب اجمالي المبلغ :300 التقييم للمطعم 10/9 عشان الازعاج

 

تقييم مطعم الدار

مطعم الدار

تجربة بحرية لمطعم الدار لم تنل كل الرضا  تقييم اليوم مع ( مطعم الدار ) .. حي الروضة – شارع حمد الجاسر في بداية الشارع بإتجاه الجنوب ، قبل مسجد محمد عبده .. المطعم متخصص بالأكﻻت البحرية طلباتنا كانت كالتالي : حبتين سمك ( حريد ) مشوي متوسطة الحجم 1.700 جرام – السعر للكيلو الواحد 90 ريال وتستاهل 6/10 سمكة واحدة ( ناجل ) مقلي سعرها كان 74 وتستاهل 6/10 ربع كيلو ( قمبري ) مقلي سعره 33 ريال ، ما اكلت منه لذلك ما اقدر تعطيه تقييم .. ايضا طلبات جانبية ( ارز مشكل 15 ريال ) + مشروبات غازية 3 ريال للواحد .. اﻻيجابيات : الخدمة 10/9 احلى شي صلحه العامل انه عرض علينا تقطيع السمك ولما وافقنا قطعه لنا بطريقه احترافيه راقت لي ، يستخرجه من العظم ويطلعلك اللحم بس ويحطه في الصحن وهذا اكثر شي عجبني ، مايحتاج نتضارب مع السمك كالعادة عشان ناكل وعجبني الصوص فقط الي مع القمبري مقبول السلبيات : مستوى المطعم للأسف ابدا ما عجبني الأكل عنده ، حسيت انو ما يستاهل القيمة الي دفعناها ، مو سيء لكن ابدا مو ممتاز وﻻ جيد حتى ، تحس مايحطون تتبيلة او ما ادري ايش المشكلة بالضبط ماله طعم وعشان كذا اعتقد المطعم شبه فاضي في وقت الغداء يوم الجمعه مع انو اغلب المطاعم مزحومه في ذا الوقت يجي مجانا كضيافه خبز صامولي مقطع غير طازج وزبدة الطحينه والحمر جدا عادية ، صوص برتقال اضافي حالي جدا ! السعر بصفة عامة احسه غالي مقارنة بالجودة الزبده انا عن نفسي اعطيه تقييم عام 5/10

 

تقييم مطعم صيد النورس

مطعم صيد النورس

تقييم لصيد النورس أكلة بحري مع إطلالة بحرية روووعة التقييم رحنا اتغدينا اليوم في مطعم صيد النورس في الكورنيش وطلباتنا كانت سمك حريد مشوي ، تقريبا كيلو وشوية ب ١٢١ ريال – ممتاز جدا ٩/١٠ مكرونة بالجمبري ب ٣٠ ريال ٧/١٠ عصير صيد النورس الخاص كبير( سعودي شمبين) ب ٣٥ ريال – طعم ٩/١٠ دجاج بالكاجو ب ٣٠ ريال ٨/١٠ رز صيادية و رز ابيض ورز برياني الصحن الواحد ب ١٠ ريال عجبني اكتر شي الصيادية والرز العادي والرز البرياني لا بأس ٨/١٠ ايدام سمك منجورين مرة لذيذ ب ٣٥ ريال ٩/١٠ شوربة ذرة بالدجاج ب ١٥ ريال ٨/١٠ شوربة بالجمبري ب ٢٠ ريال ٩/١٠ علبة موية كبيرة ب ٤ ريال وصغيرة ب ريالين ٣ نان ب ٩ ريال ٧/١٠ الحساب كلو كان ٣٤١ كنا ٨ اشخاص والاكل كان مشبع والصحون حجمها ممتاز السعر ١٠/١٠ الخدمة بما انو كان يعتبر فاضي في الوقت اللي رحناه فالخدمة كانت ممتازة والاهتمام جيد ١٠/١٠ و جلسات العائلات في منها مقفل ومكشوف ومطله وفي قاعات صغيرة حلوة الديكور ٥.٥/١٠

 

تقييم مطعم القلزم

مطعم القلزم

ومكملين معاكم مع السمك تقييم لمطعم القلزم هذا تقييم بسيط لمطعم القلزم فرع شارع الأمير سلطان الوقت: بعد صلاة المغرب العدد 9 أشخاص الجلسة كان مغلقة … يقدمون ضيافة قهوة عربي وتمر الطلبات شوربة الجمبري بالكاري 45 ريال لذيذة جدا ..  جمبري تام بورا 45 ريال طاجن الجمبري بالكزبرة 105 ريال بطاطس مقلية 20 ريال سلطة القلزم بخلطة السيزر 41 ريال …. ما أنصح فيها ..  ورق عنب 20 ريال بابا غنوج 20 ريال مشاوي القلزم 110 ريال طاجن فيليه بالطحينة 98 ريال رز أبيض 12 ريال و رز صيادية 14 الأكل 10/10 الخدمة 10/10 الأسعار شوي عالية 10/9

 

تقييم مطعم المرساة للوجبات البحرية

مطعم المرساة للوجبات البحرية

تقييم مطعم المرساة للوجبات البحرية   مطعم أسماك المرساه العنوان حي المروه مقابل الفحص الدوري نهاية شارع حراء باتجاه طريق الحرمين الطلبات كوزي سمك 800 جرام هامور 90 ريال سلطة خضراء 10 ريال جك شمبانيا سعودي 20 عندهم انواع الشوربات وانواع اﻻيدامات التقييم 10/10