تقييم بوفية فندق الرمال

بوفية فندق الرمال

ساندوتش كبده غنم بالعيش الصامولي ومع مخلل  وياسلام على رشة الليمون ..تقييم لسندوتشات الرمال . المطعم : الرمال الموقع : التحلية أمام بيت القهوة الفرنسية اليوم التقييم خفيف مع سندوتشات الرمال والقلب دائماً لك ميال  المهم ياسادة المطعم دا السندويتشات حقتو خورافة ، والشاورما ازا تبغاها لازم تجي من بدري وتلحق عليها وانا جالس اكتب التقييم الآن  والمعلم غزوان . . بيقول ” خلصت الشاورما ” والساعة  بالزبط ١٠:٣٠ . . نخش دغري في التقييم ياسادة : واحد شاورما دجاج طبعا شاورمتهم جدا لزيززززة وهنا يمديك تطلبها بالعيش الصامولي وسعرها ١٢ ريال  او العيش الشامي وسعرها ٨ ريال . الميزة في الشاورما انها تجيك مقطعة صغير صغير مو زي بعض المحلات للأسف ما تجيك مقطعة زيناس  واحد كبده غنم بالعيش الصامولي ومع مخلل  وياسلام على رشة الليمون إللي عليها ، السعر ٨ ريال عصير فراولة كبير طبعا فريش ولزيز ، السعر : ٨ ريال المجموع : ٢٨ ريال . . ملاحظة : المطعم يفتح من الساعة ١ ظهراً  بس قسم الشاورما يبليش من الساعة ٥:٣٠ . . ونشوفكم مع تقييم آخر وتحياتي لكم مع حمزاوي القانونجي

Advertisement

مطاعم و كافيهات ممكن تعجبك