تقييم مطعم هاجن داز

 

مطعم هاجن داز

تقييم لهاجن داز هاقن داز – ردسي مول انا من عشاااق دا المحل من قبل مايقفل وجدًا انبسطت انهم رجعوا فتحوه كورة الايس كريم عندهم ب١٣ ريال والكورتين ٢٤ ريال ما افتكر اسامي الطلبين، من منيو جزء ابتكار هاقن داز: – وافل مع كورتين آيس كريم طلبت دولسي دي لتشيه وكاراميل بِسكِت وعليهم صوص كراميل ٢٩ ريال اتوقعت يجي الوافل قطعتين صغييرة زي ما الصورة في المنيو، الوافل جدًا لزيز العجينة طعمها اقرب للبان كيك بس برضو عجبتني الوافل اديه ١٠/١٠ نكهة دولسي دي لتشيه ١٠/٩ عشان النكهة جدًا خفيييفة نكهة الكراميل بسكت ١٠/١٠ – براونيز مع كورتين برضو نفس النكهات كاراميل بسكت ودولسي دي لتشيه وعليهم صوص تشوكليت ٣٢ ريال مرة انصدمت من حجم الصحن جدًا صغير، وكان اختيار غلط انه نكهات الايس كريم كاراميل، والصوص والبراونيز تشوكليت ادي الطبق ككل ١٠/٨ عندي كوبونات كتاب ذا انترتينر، اخد ابتكار هاقن داز والتاني مجانًا فادفع حساب طبق واحد اللي سعره اكتر، فالحساب كان ٣٢ ريال

Advertisement

مطاعم و كافيهات ممكن تعجبك