تقييم مطعم القصر الكوري

مطعم القصر الكوري

تقييمن لمطعم القصر الكوري . بصراحة كنت متحمسه انو حجرب اكل كوري لاول مرة بدون ما اسوية في البيت .بس للاسف المطعم ما كان قد الحماس . المطعم ديكور حلو بس اكل مو قد كدا  اول شي في طلبات كتير حاطين اسعارها على المنيو بعدين فوق بالخط الصغير انو اقل كميه للطلب لازم لشخصين .. وهادا من السلبيات وهادي طلباتنا : طلبنا المكرونة الي بالصوص الاسود صحنين اظن اسمها جاجان ميون بس اسمها كان غير في المنيو ومو مكتوب بالفاتورة  وبالعاده بتكون باللحم بس ما كانت في باللحم فطلبناها بالثمار البحرية لانو بس دا الي كان في المنيو .. كانت سيئة لانو مو كاتبين ايش الثمار البحرية الي حتجي معاها فتفاجاءنا انو فيها اخطبوط . السعر للصحن الواحد :٥٠ ريال تاني شي طلبناه كان ايدام الكيمتشي .. طعمو ما عجبني بس حيعجب الي يحب الكمتشي وفيلو قطع توفو .. مبينة قطع التوفو في الصورة بس مو مكتوب انو فيلو السعر:٥٠ ثالث شي طلبناه وكان هو الطبق الي كرهنا في المطعم لانو كان الغلط منهم . طبق دجاج مقلي بصوص الصويا مكتوب في المنيو انو مو حار بس لمن جا لقيناه مره حار وحتى فيلو قرون فلفل مقطعه لمن سالنا الويتر قالنا انو معليش عندهم غلط مطبعي فسار لخبطه في المنيو كلمه حار راحت للطبق الي فوقو فمو باين انو حار . وقال ما ينفع يجيبلنا غيرو لانو خلاص اكلنا منو .. بس انا مني فاهمه كيف نعرف انو حار غير اذا دقناه ..السعر:٦٠

تقيم مطعم ( القصر الكوري ) كنت متحمسه اروحو ليا شهر وانصدمت  الي طلبنا كان حق شخصين : ١- نودلز بثمار البحر ( كانت اسوء شي دقنا ) ما كانو موضحين ايش الثمار الي موجوده فيها فكتشفنا انو فيها (اخطبوط )  وكان سعرها : ٥٠ ريال ٢- جمبري بصوص الصويا  هدا اكتر شي كنت متحمسلتو و ماكان مكتوب في المنيو انو حار لانهم لخبطو في الطباعه  وانا ما اكل الاكل الحار  كان سعرو : ٦٠ ريال ٣- ايدام كمتشي :  الصراحه انا مرره ماعجبني وكان مرره سيء وكان سعرو : ٥٠ ريال وكمان مستوى النظافه كان شبهه منعدم لانو الحمامات لقيت فيها حشرات تمشي في الحوض  كانت اسوء تجربه اجربها عشان كدا كتبت هدا التقرير عنو  تقيمي للتجربة :٤\\١٠

Advertisement

مطاعم و كافيهات ممكن تعجبك