تقييم مطعم لوي الفرنسي

مطعم لوي الفرنسي

 

تقييم متميز للمطعم الفرنسي لوي  اليوم اتغدينا في مطعم لوي الفرنسي – تياترو مول – التحليه وصلنا المطعم الساعه 2 الظهر .. المطعم فااااضي مافي الا نحنا .. استقبلونا .. عملولنا جوله في المكان علشان نختار فين نجلس ( عجبتني الحركه بس هل حيعملوها لو في زحمه ؟). . اجواء المطعم جدا هادئه .. الغاني الفرنسيه جدا معطيه طابع فرنسي .. ديكورات المحل فخمه لكن مافيها الايحاء الفرنسي ضيافتهم كان خبر وزبده ( كنت مصمم انها زبده لورباك لانها نفس الطعم والشكل لكن اللي معايا بيقولو انه المطعم بيعملها بنفسو … ماصدقت شكلها مرره زي لورباك ابو 4 ريال ). . طلباتنا كانت شوربة بصل ( جيده نوعا ما .. عيبها ثقيله والجبنه كثيير جدا ) في افضل منها كثير 6/10 ………… مقبلات سكالوب مأكولات البحر ( الاسكلوب نااعم والصوص رهييب والبطاطس المقرمش مسوي شغل ) 8/10 الطلبات الرئيسيه كانت لحم العجل الإنتركوت مع بطاطس مقلي ( طعم ولا في الاحلام .. بلا منازع افضل انتركوت علی الاطلاق .. اللحم يذوب في فمك .. الصوص روعه .. النكهه قويه .. والبطاطس يعملوه عندهم في المطعم .. وطريقة تقديمه علی شموع علشان يحافظ علی حرارته ) .. 9/10 فيليه مينيون لحم العجل مع الكماء السوداء ( طعمه مقبول اذا اكلته لحاله تحس ناقصه شي .. اذا اخذت في نفس اللقمه البطاطس المهروسه اللي تيجي معاه يختلف الطعم ويصير متوازن ورائع جدا ) .. 9/10 بالنسبه للحلی .. تشوكلت فوندو ( جدا عايدي .. ماستمعت فيه كثير .. في احسن بكثير ) 6/10 ميلفيه ( جيد نوعا ما .. ناقصه حلا اكثر ) 7/10 وطلبنا سعودي شامبين .. بس مادري ايش يسموه عندهم نسيت 9/10 الطعم اجمالا 8/10 … وانا انصح كلو في المطعم وحلو برا الخدمه 9/10 اجمالي الحساب .. 770 ريال

Advertisement

مطاعم و كافيهات ممكن تعجبك