تقييم مطعم زايكا الهندي

مطعم زايكا الهندي

 

تقييم متميز للمطعم الهندي زايكا ينصح بالدجاج بالكاري والبرياني. تقييمي للمطعم الهندي زايكا شارع الروضه جنب مستشفى الملك فيصل التخصصي كان عندنا مشوار قريب ع المطعم واحنا من زمان نفسنا نجربو وسبق ورحنا بس كان يوم احد والغريب ان المطعم يقفل يوم الاحد ويعتبر يوم اجازتهم  ديكور المطعم حلو والطاولات مرتبه والاجواءهاديه جدا لانو اصلا ممنوع اصطحاب الاطفال مشكلة طاولاتهم كلها كبيره يعني لما يكونو شخصين تكون المسافه بينهم بعيده جدا ف اضطرينا نجلس ع الجهه التانيه من الطاوله جنب بعض وهي عباره عن جلسه متصله مو كراسي وصار وجهنا للناس < مدري اذا فهمتو بس عموما حسيتها ماتريح بس مايمنع ان طاولاتهم مرتبه وفخمه جدا ونظيفه ،  الويترز بشوشين وخدمتهم سريعه ضيافتهم كانت ٣ انواع تغميسات مع اللي زي الشيبس حقهم ذاك مااعرف اسمو والله  طلباتنا كانت قليله لاننا ماكنا جوعانين بس زي ماذكرت بنجرب المطعم طلبنا شوربة دجاج /حلوه وفوقها كم حبة كاجو محمص بس طعم البصل المحروق فيها باين مرا < ماحبيته اعطيها ٧/١٠ برياني خضار / لذيذ جدا وكميه جيده اعطيه ٩.٥ /١٠ دجاج بالكاري وكان لذيذ جدا اعطيه ٩.٥/١٠ خبز نان ساده / كمان حلو اعطيه ١٠/١٠ سلطة خيار باللبن عاديه زي اي سلطه الاكل بشكل عام ممتاز بس مايفرق كثير عن شيزان وتكا اكسبريس مع الافضليه لهم بالخصوصيه لانو زايكا مافيه بارتيشن والطاولات قريبه جدا من بعض ، الحساب كان قريب ٢٠٠ ماافتكر بالضبط ممكن اكرر الزياره عشان اجرب شغلات تانيه ، وسلامتكم

Advertisement

مطاعم و كافيهات ممكن تعجبك