مطعم جوفرو (الاسعار+ المنيو+ الموقع)

مطعم جوفرو

• الاسم: مطعم جوفرو/ Gofro Restaurant
• التصنيف: عائلات | افراد
•  النوع :مطعم
•  الاسعار : متوسطة
•  الاطفال : غير مسموح
• الموسيقى : لا يوجد
• ‏أوقات العمل : لم يذكر
• العنوان : 2573 الطريق الدائري السريع، حي ابرق الرغامة، جدة 22261 8020، المملكة العربية السعودية
• الموقع على خرائط جوجل من فضلك : أضغط هنا
• رقم الهاتف : ‏‪لم يذكر

مطعم جوفرو

صفحة المطعم على فيس بوك

اراء المتابعين

التقرير الأول لآراء المتابعين

تقييم مطعم جوفرو  تقييم لوافل كشك جوفرو بطريق جدة مكة السريع وهو بالمناسبة يختلف ولا يتبع لكشك سوق حراء كشك جوفرو الموقع / طريق جدة مكة السريع

، المحطة اللي فيها اسماك الدانة و الدرة تجيك و انت خارج من مكة على يدك اليمين قبل كبري الزايدي ، و اعتقد له فروع أخرى اولا المحطة اللي وقفت فيها ماشالله تبارك الله مليانة من كل شي و تحتار ايش تختار تشرب او تاكل او تنقنق او تستمتع

. و انا ماشي و الا عيني تجي على دا الكشك العجيب اللي شكله يشهي من بعيد ، متخصصين في عمل الوافل بالاضافة الى بعض المشروبات الباردة و الساخنة لاستكمال الاستمتاع ،

عندهم نكهات كثيرة و اضافات متعددة و انا بصراحة عقلي اتفرمت لما قعد العامل يقولي ايش عندهم و ضعت من الاخر و لأنها اول مرا اطلب من عندهم قلت اطلب ابسط و اسهل شي :- واحد وافل نوتيلا – ١١ ريال – ٩.٥/١٠ – و اتمنى اعطيه اكثر و اكثر ..

الوافل اولا جاه حاااار و ساخن لانهم يسخنوه عند الطلب ، و بعدها يحط عليه النكهة اللي طلبتها و تختلف اسعار النكهات ، ماشالله العامل كان كريم و متوصي فيني لانه النوتيلا جات ملياااانة و الوافل غرقان

، اللي عجبني اكثر نفس عجينة الوافل اول ما تاكلها تحس بقرمشة خفيفة و بعدها تجيك الطراوة و السخونة ممزوجة مع النوتيلا الذايبة المليانة ، ساعتها هنا ما تقدر تتكلم ولا كلمة بسبب فمك الحايس في الشوكولاتة و عجينة النوتيلا .

ان شالله لي تجارب اخرى معاه في نكهات ثانية ، و الوافل عندهم بصراحة طعمه جنان و يستاهل انك توقف عندهم في الخط و تستمتع ، و العمال ماشالله كانوا بشوشين و مبتسمين و متنوعين ما بين الجنسية السعودية و الفلبينية

التقرير الثاني لآراء المتابعين

‏‎بيتزا مغرررررررقه جبن وتربل تشيز برجر ولا ايسكريم كدا ملغوص نكهات ولا ننسى الوافل اللي من محل جوفرو

اسعاركم وصلت ١٧ ريال ???

وين مكانو بالعوالي بالضبط

بالتوفيق يارب

شكله لذيذ لايقااااااوم

بصراحه شكله مرتب ? مو زي الفروع الباقيه الله يفتح عليكم

ماشاء الله

ماشاءا لله new one?

ماشاء الله تبارك الله بالتوفيق لكم

المطعم رائع من الداخل والخارج واطلاعه لذيذة ماشاء الله انصحكم به روعه ويستحق الزيارة مرات عده