آيسكريم باسكن روبنز
تقييم آيسكريم ” باسكن روبنز ” عنوانه: في كل مكان تقريباً . . معلومة سريعة . باسكن روبنز هي أكبر سلسلة محلات آيسكريم في العالم بعدد حوالي 8000 فرع حول
العالم تم تأسيسها في عام 1945م في كاليفورنيا . شعار باسكن روبنز فيه رقم “31” ويرمز الرقم لعدد النكهات اللي ممكن الواحد يجربها خلال الشهر بواقع نكهة جديدة كل
يوم . وعندنا اسطورة في الحجاز تقول ان باسكن حضرمي أساساً يعني لما تفرق الاسم يصير “با” + “سكن” . شعبنا ماله حل أمزح لاحد يصدق . . على الرغم من
عشقي للشوكولاته وتجربة كل أنواعها في باسكن الا انني طحت في غرام نوع مختلف من سنين ، بصراحة أعتبر باسكن روبنز أحد أفضل الخيارات المحلية لنوع معين من الآيسكريم بدون ما أتدخل في أنواع ثانية ،
اليوم تقييمي يركز على نوع واحد معين فقط في باسكن روبنز . واليكم التقييم: . ١- آيسكريم ” برالينز ان كريم ” . السعر: حسب الحجم ١٥ أو ٢٠ ريال . تقييمه ١٠/٩ .
الوصف: أساسه آيسكريم ڤانيلا ومعاه قطع من جوز البيكان مغطاة بالبرالين (حلى أمريكي أساسه الكريمة والشيرة مع نوع من المكسرات وهذي مختلفة عن البرالين
الفرنسي) ، وكمان معاهم شرائط الكراميل ، الطعم أعتبره عبقري لعدة أسباب ، أولها نكهة الڤانيليا الهادئة اللي ممكن تستوعب نكهات إضافية ، دخول نكهة جوز البيكان معاها خلى النكهة تضرب في العلالي
، خاصة ان جوز البيكان نكهته مميزة جداً وما فيها مرارة ولا دهن بمستوى الجوز العادي ، بالعكس هذي محمصة ومقرمشة ونكهة البرالين نفسها اللي مغلفة البيكان
تعطي احساس بالمتعة لما تقضم من الآيسكريم البارد وتحس بقطعة بيكان تتكسر بين أسنانك وتستطعم الغلاف الحلو لنكهة البرالين ، ويربط النكهات شرائط
الكراميل في الآيسكريم . . إجمالي السعر لربع كيلو لشخصين الى أربعة = ٤٢ ريال . إيجابيات: ١- جودة عالية ٢- مستوى ثابت ٣- فروع كثيرة .
سلبيات: ١- السعر . التقييم العام = ١٠/٩ . (أتمنى يهدوا اللعب شوية في مسألة رفع الأسعار) .
وهذا الآيسكريم صديقي حق آخر الليل لما أستتقل أضرب مشوار عشان أشرب انجليزي
جميع الحقوق محفوظة لموقع مطاعم جدة © 2024 - Privacy Policy - اعلن معنا
