ايسكريم القادري في جده
تقييم ايسكريم القادري من أقدم وأعرق محلات الايسكريم بجدة مشاركة جميلة ايسكريم القادري محل قديم ومعروف بالهنداوية وسط الحارة عندهم الايسكريم
بالمنجا والفراولة والخربز وكمان يبيعوا لبنية لذيذة ما تتفوت سعر الايسكريم يبدأ بريال
تقرير من قلب حي الهنداوية النابض بالعفوية والبساطة.. ايس كريم قادري وبطاطس البركة وعيش مودك يا معلم..
ايس كريم قادري محل على قدو يبيع اطعم ايس كريم ولبنيه
صح في الهنداويه بس يستاهل المشوار
الايس كريم /فانيليا-شوكلت -خربز (يجنن❤)-منجا-فراوله 10/10
اللبنيه 10/5 <<زمان كانت مرا طعمه اخر مرا اكلت منو ما كان طعم… يمكن المرا الجايه تكون احسن؟!.
.
.
بطاطس البركه محل مرررا صغير بس يبيع اطعم بطاطس بالحمر والثوم والي يحب الصوص الحار عندو
البطاطس مقليه بطريقه ممتازه 10\10
والثوم والحمر مضبوطين 10\10
روحوا كلوا بطاطس وحلوا بعدها بالايس كريم المحلين في نفس الحاره
ما اعرف فين موقعهم بالضبط في الهنداويه بس في جوجل كاتبين انو بين شارع شجره الزيتون وشارع الزنبقه الحمراء
والي يسأل مايضيع?
الايسكريم عادي جدا ونكهاته صناعيه مافي جديد ولا هو حق تعب المشوار ودخول الحارة ولا احد يضحك عليك ويقول الطعم زي زمان
بالعكس طعم زمان افضل ومميز لكن الي حيجي من بعيد لا يتكلف ياخذ له من باسكن روبنز افضل بكثير
ايه والله أكثر شي في ايسكريم القادري هي الملبنيه ??
ايسكريم القادري بجدة اللي م جربهه هو اللي منجد فاتهه نص عمره م ذاق ايسكريم بحياته
من حلاته الحين انت ماحربت ايسكريم القادري في الهنداويه وربي شئ جونااان ولا بطاطس عم منصور في الوزيريه
هذا الايس كريم هندي يااخ خالد ونكهته دخيلة على اداء العمرة وصلاة التراويح ?
جميع الحقوق محفوظة لموقع مطاعم جدة © 2024 - Privacy Policy - اعلن معنا
