كافيه اكليل في جده افضل مكان ممكن الواحد يقرأ فيه +يسوي طقوسه مع مسلسلاته + يذاكر لساعات طويله وحتى يحتفل بهدوء مع اللي يحبه ♥️. مكان وطاقم عمل لطيف والقهوه طِعمه وكيكة العسل عندهم لاتعدّوها، من الأماكن اللي اعرفها من فتره ولا زالت بنفس المستوى .. الله يوفقهم ✨.

من افضل كافيهات حي الفيحاء جدة

  • الأسم : كافيه اكليل – Ekleel Cafe
  • التصنيف : عائلات | افراد
  • النوع :كافيه
  • الاسعار : مرتفعه
  • الاطفال : مسموح
  • الموسيقى : يوجد
  • أوقات العمل : 7AM–12AM
  • الموقع على خرائط جوجل: للدخول الي الكافيه عبر خرائط جوجل اضغط هنا
  • صفحه الكوفي على انستقرام: للدخول اضغط هنا

عنوان كافيه اكليل في جده

شارع عبدالله سليمان،، الفيحاء، جدة

رقم كافيه اكليل في جده

‏‪+966 55 006 6650‬‏

كافيهات جده

افضل ما يقدمه الكافيه

مرحبابكم 👋 زيارة صباحيه للكافي وكانت خفيفة ☀️ على ان الكافي مليان طلاب الا ان المكان هادئ الموسيقى هادية و كانت مناسبة للجو العام الجلسات بسيطة

ويتكون من دورين بيتوفر عندهم حلويات متنوعة اعتقد انها تخبز خصيصا لهم وكنت جاي خصيصا لتارت البيكان لكن للاسف غير متوفر الاسعار اعتبرها متوسطة 💸 طلباتي 1 / فرنش توست🍞

كنت اتوقعه احلى من كذا لكن لابأس به لكن للأمانة كنت اتمنى يكون تقديمه في طبق ويكون بشكل أجمل 24 S.R 2 / كيك شوكلت🍰

صراحة ماناسبني واعتبره عايدي 21 S.R 3 / ايس سولتد كراميل🧋 طبعا ماجربته لكن الي جربه ناسبه وفيه شوي مكس من المرارة والحلاوة 22 S.R المكان بشكل عام جيد والتنوع في الحلويات يخليني ممكن ازوره مرة ثانية👍

كافيه اكليل في جده

منيو كافيه اكليل

منيو كافيه اكليل في جده

منيو كافيه اكليل

اراء المتابعين

التقرير الأول

التقرير الثاني

كانت زيارة لطيفة حتنعاد كثير، المكان هادئ ورايق والديكور جميل .

٭للي بيدورو هدوء تام او محتاجين يذاكروا المكان جداً مناسب …

٭الي بيدورو صخب واغاني وهيك mmmeh …💁🏼‍♀️

★جربنا كيكات العسل والفرينش توست وتارت الموز مش فاكره اسمه الغريب وفلات وايت ووايت موكا وماكياتو ووحده عبيطة طلبت موكا نسيت تقولهم اكسترا هوت .. فجابولها آيس !!

★الزبده مشروباتهم لذيذه كانت بس جو الكوفي بارد جداً جداً جداً عشان كذا انصح تجيبو جواكيت او بطانيات معاكم !! (وتطلبو ++حااار) وتشربوه قبل يبرد بعدين تجو تبكو تقولو مشروباتهم بارده!.

★كيكة العسل المثلثه الي بالحليب المكثف تبكي لذاذة١٠/١٠ ، الفرينش توست ينفع مع قهوه حالية لأنه خفيف جداً مناسب للتصوير !! ٧/١٠، التارت كان لذيذ بس الطبقه الي برا لو اتكسرت حيبدأ يصير فوضىٰ ٨/١٠، كيكة العسل المربعه شكلها حلو بس طعمها مش حلو للاسف ٦/١٠. (الاسعار فوق الأڤريج).

★طبعاً الكوفي مساحته صغيرة ف أي ازعاج حيكون عالي واي بروده حتكون اوڤر لكن من حيث الاوتموسفير الشبابيك العريضه معطيه شراحه وسِعه وتوزيع الطاولات مريح ومتباعد والديكور حميمي ومريح.!

★عن نفسي حزورهم كثير عشان كيكة العسل والقهوه. واتمنى يشغلوا موسيقى بكل الكوفي بصوت منخفض لأن ما كانت توصلني واحس بملل !!

التقرير الثالث

المكان هادئ- حتى وإن كانوا بيشغلوا أغاني- لكن برضو يظل اختيارهم للأغاني مناسب والصوت كمان مهو عالي بإزعاج: فالواحد بإمكانه يزاكر أو يتكلم مع اللي معاه بوضوح وبدون ما يحتاج يرفع صوته.

تنسيق المكان جميل، التكييف والتهوية ممتازة، الخدمة سريعة، الأكل لذيذ وبالنسبة لي أسعارهم معقولة.

الجلسات العائلية فوق جميييلة في الأيام الممطرة\المغيمة 😍👍🏼

كان من حُسن حظي إني رحت لهم في يوم مغيم فاستمتعت بالجلسة والمزاكرة لأبعد درجة.

التقرير الرابع

المكان رايق وهادئ والقهوه عندهم جيده

جربتهم قبل فتره وكان عندهم حلويات لذيذه

اخر مره جربت كيكه الشوكلاته وكيكة الليمون للاسف مو فرش ماعجبتني كلها 🤷🏻‍♀️

التقرير الخامس

من اجمل الكوفيهات اللي زرتها ، وديكور يجنن و طعم القهوه جميل وعندهم كيكة العسل تهبل انصحكم فيها وتعامل والاخلاقهم لطيف مع العميل🌟.

التقرير السادس

المكان حلو ورايق وأجواءه جميلة

– الخدمة متوسطة العاملين مو كلهم بشوشين وفي منهم اللي وااضح انه طفشان

وقت زيارتي من الصباح للظهر ويعتبر مزدحم لكن مافي ازعاج ، يشغلو ميوزيك بس مو طول الوقت

– الكراسي منوعة في منها مريح وبعضها ابدا غير مريح للجلسة الطويلة لانها بلاستيك يعني مجرد تصميم حلو وشكل فقط

– الاسعار جدا مناسبة ومعقولة ومصورة الفاتورة الثانية

– الطلبات كانت :

قهوة تركية بالحليب 4/10

مشروب بالفستق وفيه مكعبات قهوة مثلجة 6/10 طعمه غريب شوية لكن مقبول واللي مايحب الحلا كثير راح يعجبه لانه مو حالي

كيكة عسل لذيذة ولينة وحلاها موزون 9/10

كيكة فستق مع كريمة مررة لذيذة ومميزة 10/10

كيكة سان سباستيان عادية وفيها نكهة حليب واضحة 5/10

قهوة عربي ماانصح فيها جدا ثقيلة والبن كثير وطعمها مر 2/10

كافيهات جده