كافيه ذا لاونج (الاسعار+ المنيو+ الموقع)

كافيه ذا لاونج

• الأسم : كافيه ذا لاونج/ Cafe The Lounge
• التصنيف : عائلات | افراد
• النوع : كافيه
• الاسعار : مرتفعة
• الاطفال : مسموح
• الموسيقى :لا يوجد
• ‏أوقات العمل :4PM–1AM
• العنوان : طريق الكورنيش، الحمراء، جدة 23212، المملكة العربية السعودية
• الموقع على خرائط جوجل من فضلك أضغط هنا
• رقم الهاتف : ‏‪+966 55 941 1789‬‏

كافيه ذا لاونج

اراء المتابعين

التقرير الأول لآراء المتابعين

تقييم كافيه ذا لاونج اول مرة ارسل تقييم لأنه شفت التقييم على دا المحل يا انه مافي او قليل وماشفته، المهم التقييم لكفي the lounge في بارك حياة قدام البحر على طول وتشوف النافورة

. عندهم حد ادنى للطلبات ٩٩ ريال للشخص من غير الشيشة. والشيشة سعرها ١٠٤ ريال. منيو الاكل مع الحلى عبارة عن صفحتين جدًا محدود. احنا كنا ٣ اشخاص وجيعانين واتوقعنا بندبج بس انصدمنا من المنيو مرة مايشهي ومشيناها نقنقة

.. بارك كلوب ( كلوب ساندوتش فيه صدر دجاج وخس وطماطم ومايونيز والمفروض فيه لحم مقدد بس طلبته من غيره ويجي معاه بطاطس مقلي) ٨٥ ريال. / لذيذ مابه شي اديه ١٠/١٠ حلوم مشوي

( قطعتين جبنة حلومي مشوية) ٥٠ ريال وصلت باردة وفقدت طعمها وبس اصلًا مافيها شي جديد جبنة حلومي ومشوية، لو حاطين معاها قطعة خبز توم او شي كان احسن بس في الاخير ما اتأكلت

. اديها ١٠/٣ سلطة سيزر دجاج ٦٠ ريال. كويسة اديها ١٠/٩ بالانس سموذي ٤٠ ريال. آيس فرابتشينو ٣٥ ريال. معسل ١٠٤ ريال. كابتشينو ٢٩ ريال. تقديمهم تشييب! الكاسة شبه بلاستك ونهايتها من تحت حديد والصحن اللي تحته حديد زي صحون ايام زمان

، والملعقة اللي جات معاه عشان تقليب السكر! مشخطة ومهترئة، عديت دا كله شربت الكابتشينو بارد واللي خلاني افصّل التقييم على الكابتشينو رغم انو مشروب ساخن وخلاص

! على نهايته شميت ريحة صننة في الكوب سدت نفسي يالطيف وصراحة مااتكلمت لانه ماحبيت انكد على اللي معايا من كتر انتقاداتي. والله اديه ١٠/١ بس عشان طعمه! مجموع الحساب ٤٠٣ ريال

الويترز كان تعاملهم سييء ويسدوا نفس الواحد كأنك داخل مضاربة معاهم على العموم الكفي مستحيل تقول ماراح ارجعله تاني كله عشان القعدات والمنظر على البحر والنافورة، ومع جو جدة دي الايام مية مية  مطعم غالي وتعامل سيئ ويسد النفس