مطعم إل غوستو 

  • الأسم : مطعم إل غوستو/ El Gusto Restaurant
  • التصنيف: عائلات | افراد
  •  النوع :مطعم ايطالي
  •  الاسعار : متوسطة
  •  الاطفال : مسموح
  • الموسيقى : يوجد
  • أوقات العمل : 2–11:30AM
  • العنوان: السامر، الربيع، جدة 23462،
  • المملكةالعربية السعودية
  • الموقع على خرائط جوجل من فضلك : أضغط هنا
  • رقم الهاتف :‏ ‪+966 59 622 7737‬‏

مطعم إل غوستو

مطعم ال غوستو 

اراء المتابعين

التقرير الأول لآراء المتابعين

تقييم للمطعم الايطالي إل غوستو تقييمي للمطعم الإيطالي إلغوستو Ilgusto في زيارتي الألف ️. الموقع: شارع فلسطين _ممشى فلسطين _أمام عالم العصائر

الطلبات فيتوتشيني ألبولو أوريجانو ..المرة دي كانت غير عن كل مرة مزبوووطة ولذيذة وكمية الصوص مناسبة لكمية المكرونة وواضح فيها طعم الثوم (بالنسبة ليا احبها كذا) اعطيها٩\\١٠

روزيتو شيتاكي مشروم .. لذيذ واعطيه ٨\\١٠ بيتزا مارجريتا ..الحلو انها ع الحطب و خفيفة اعطيها ٨\\١٠ الحلا كريب بالشوكولاته ..

يقدم معاه ايسكريم فانيليا لذيذ و غرقان بالشوكولاتة  اعطيه ٩\\١٠ العصيرات : سبيشل روكسي .. فراولة و أناناس وبرتقال لذيذ بس ثقيل شوية اعطيه ٧\\١٠ كوكا كولا النظافة ٨\\١٠ الويترز بطيئين غير عن المعتاد و ماقدمولنا ضيافة وقدموها لناس ثانية يمكن بسبب الزحمة اعطيهم ٥\\١٠

الأسعار موجودة في الصورة ..واشوفها مناسبة ٩\\١٠ المكان صغير نوعاً ما بس مافيه زحمة ويوجد بارتيشين بين الطاولات ٧\\١٠

بالنسبة ليا مطعم إلغوستو هو مطعمي المفضل و وجهتي الأولى لمن اشتهي اكل ايطالي وحاكرر الزيارة كثير ان شاءالله

مطعم ال غوستو جدة

التقرير الثاني لآراء المتابعين

لا يفوتك مطعم ايطالي بيتزا ال غوستو على الحطب ( الحمراء- شارع فلسطين ) 👌🏻

‏إل غوستو مطعم إيطاليا متميز بالباستا اللذيذة👌🏻
للأفراد والعائلات يوجد بارتشن
الموقع📍/الحمراء_طريق فلسطين قبل مركز الجمجوم

‏‎ال غوستو في الحمراء مطعم ايطالي ما حد يعرفه لذيذ و خذ من عندهم macron with orange sauce بتدعيلي

التقرير الثالث لآراء المتابعين

‏آل غوستو مطعم فخم بمن فيه يقدم الأهتمام قبل جودة الطعام حتى أنهم ينسونك غلاء أسعارهم

تقييم جميل للمطعم الايطالي ال غوستو ..وصلنا من متابعة فضلت عدم ذكر حسابها

السلام عليكم ❤️
تقييمي لمطعم القوستو الايطالي في شارع فلسطين الحمراء
كان اول تجربة بس ان شاءالله لي روحه ثانيه عشان اجرب بيتزا الحطب اللي مشهورين فيها وماكانت ضمن طلباتنا.

كنا شخصين اول ماجلسنا الضيافة عندهم عصير اللي بأعلى الصورة وخبز مع الزيتون والزبدة لين نطلب من المنيو اللي حابينه
وطلباتنا كانت:
عصير هابي، عجب اللي معي تقول لذيييييذ ١٠/١٠
١٨ ريال
عصير أنكونا، جميييل عصيراتهم فرش احسها جايه من المزرعه 😂١٠/١٠
١٨ ريال
شوربة فطر اعطيها ٦/١٠
ب٣٦ ريال
سلطة سيزر طعمممه ويكثرون الصوص 🙏🏼 ٩/١٠
ب٤٣ ريال
فاتوتشيني بالدجاج ١٠/٨
ب٥٧ ريال
رافيولي ١٠/٩
ب٤٨ ريال
عموماً المطعم هادي وفيه بارتيشن للي حاب والشيء المهم والرائع بالنسبه لي هو التعامل من العاملين بالمطعم جداً ذوق وبشوشين ماشاءالله 🙏🏼

من افضل المطاعم الايطاليه في جده صراحه جربت كدا طبق عندهم ومرره لذيذ اكلهم ..واسعارهم وخدمتهم ممتازه🖒

تابعنا على التليجرام للمسابقات و العروض وكل جديداضغط هنا لمتابعتنا
+ +
X