مطعم الذواقة في جده
- الأسم : مطعم الذواقة/ Gourmet restaurant
- التصنيف : عائلات | افراد
- النوع :مطعم
- الاسعار : متوسطة
- الاطفال : مسموح
- الموسيقى : يوجد
- أوقات العمل : 6AM–1AM
- العنوان : شارع صاري، حي، جدة 23442، المملكة العربية السعودية
- الموقع على خرائط جوجل من فضلك أضغط هنا
- رقم الهاتف: +966 12 691 6004
مطعم الذواقة في جده
اراء المتابعين
التقرير الأول لآراء المتابعين
تقييم مفصل وشامل عن إفطار مطعم الذواقة مطعم الذواقة للمأكولات اللبنانية . الموقع / جدة – شارع صاري المتجه شرق – بعد تقاطعه مع طريق المدينة و بالقرب من صاري مول قبل دوار الفلك
تجربتي معاه لأكثر من مرة في وقت الفطور اللي يقدم المطعم فيها خيارات كثيرة و اصناف متنوعة تحتار ايش تختار
عندهم الطعمية و الحمص و بيض الأومليت و المعجنات اللبنانية بأنواعها و مناقيش الجبنة و الزعتر و السندوتشات اللبنانية اللي تتكون من سجق مفلفل و نقانق و بطاطا حرة و چمبري و مخ و كبدة دجاج و بيض بالمخ و بيض بالخضار
اما من بعد الظهر يبدأ المطعم في تقديم الشاورما و المشويات المشكلة ميزة المطعم و الشي اللي عجبني فيه انه عندهم مخبزهم الخاص يخبزوا فيه معجناتهم و مناقيشهم و خبزهم الخاص
و اليوم طلباتي كانت عبارة عن ساندوتشات مشكلة و مختلفة ساندوتش نقانق :- بصراحة كانت مقبولة نوعا ما و كانت ناقصة للبهارات و حسيت طعمها مافيه اي شي مميز … ٦/١٠ و سعرها اعتقد ٥ ريال –
ساندوتش سجق :- و هي عبارة عن نقانق حراق ، مفلفلة و مشطشطة و طعمها لذيذ و مبهرة بشكل متوازن .. ٩/١٠ و سعره ٥ ريال ساندوتش چمبري :- يعتبر جيد مع إنه الچمبري مافي طعم مميز و لكن ميزته إنه حباته كبيرة .. ٨/١٠ و سعره ٨ ريال
ساندوتس بطاطا حرة :- لذيذة و ممتازة و عجبني طعم البهارات اللي فيها اعطت الساندوتش طعم مميز و لذيذ .. ٩.٥/١٠ و سعرها اعتقد ٥ ريال مناقيش جبنة عكاوي :- بصراحة مناقيشهم جدا ممتازة و لا يمل منها و الجبنة مليانة و طعمها لذيذ
طبعا هما يجهزوها و يخلوها و لما تطلبها يحموها في الفرن تبع المخبز و تطلعلك طرية جدا و الجبنة ذايبة و طعمها متااااااع لكن عيبها انه حجمها صغير .. ٩/١٠ بالنسبة للساندوتشات تكون بالخبز الصامولي و يحطولك مع الساندوتش
و حسب اختيارك طبعا الطماطم و الخس و الخيار المخلل و الثوم و المايونيز
التقرير الثاني لآراء المتابعين
مطعم الذواقة ????
مطعم الذواقة يختص بالمشاوي والشاورما وغيرها .. ???
تقدر تدخل على حسابهم وتشوف قائمة الأكل الموجودة عندهم ??
مطعم الذواقة في شارع صاري ممتازة الشاورما حقتو
