مطعم الرحمة الباكستاني
تقييم مطعم الرحمة الباكستاني مين يعرف الفرق بين الأكلات الهندية والباكستانية ؟ تقييم لمطعم الرحمة الباكستاني مطعم الرحمه “اكلات باكستانيه”
الموقع طريق الملك فهد “الستين” بالقرب من ميدان الدراجه. المطعم جدا لذييييذ صراحه ، ولمحبين الفلافل تقييمي للأكلات اول شي ايدام جنجر بالدجاج روعه
رووعه نفس الي بصوره طعمه جناااان واعطيه ١٠/١٠ الارز الابيض طبعا مافي شي جديد بالعاده ناخذ برياني بس سوء الحظ جينا متأخر وقدو خلص
، الرز البرياني والباكستاني طعمو دمااار يجنن كذا فيه طعم البهارات رز لا قلتو رز مشبع جدا واعطيه ١٠/١٠ السلطات لذيذه طبعا العاديه خيار وطماطم وكذا
واعطيها ٩/١٠ وكمان ستيكات الدجاج تجيك مشويه لذيييييذه مرررره مع الايدام المرقي كلهم اعطيهم مليون من عشره ، منجد المطعم جميل وديكوره بعد جميل
واسعاره يعني وسط اخر مره رحت ب ٣٥٠ / خمسه انفار ، الزبده المطعم حق غدا لأنو جدا دسم. وبسس
غداء اليوم هندي-باكستاني من
اتغديت في مطعم الرحمة من كم يوم, مكانه في شارع الستين ورى كنتاكي عند الدراجة ، هو المطعم باكستاني لكن يسوي اصناف ثانية
المطعم مساحته كبيرة جدا كأنه صالة افراح وفي الصالة ذي كلها مافي احد غيري ,,,, وما ادري ليش مع انها ساعة غدا والمنطقة فيها جاليات هندية وباكستانية وسعره مو غالي مرة
طلبت انا دجاج بالزبدة وكباب لحم وخبز النان الشهير حقهم , الدجاج بالزبدة فشلو في الحاجة الوحيدة الي الطبق مشهور فيها الي هي الزبدة وبصراحه
ما ادري العدس لاي درجة يشبه الزبدة لان الايدام طعمه كله عدس لكن الطبق بعموم كان طعمه جيد وياخذ 7/10.
اما الخبر فكان ممتاز وطازج وحار ولا فيه مشكلة وياخذ9/10.
نجي للكارثة العظمى الله يكرم النعمة , الكباب.. الكباب في كل مرحلة من مراحل المضغ له طعم غير , طعم اللحم سيئ واللية كثير مرة , البهارات الي فيه طيبة بس كابسينه فلفل طلعت من عندهم بحموضة.
انا بالنسبة لي ما اتوقع ارجع لهم ثاني لسبب , انا انسان اقدس البيبسي على الاكل مرة والبيبسي الي عندهم مكينة , قلنا زي بعضه مكينة مكينة
, وماغير الاخ جايب لي كاسة بيبسي حار ومتصدق عليا بوصلتين ثلج ولما شربت اول حاجة تذكرتها سن كولا ….. البيبسي بدون غازات وبارد من فوق وحار من تحت
تركيبة عجب , الا اكتشفت ان المكينة مخلصة والاستاذ جايب قوارير بيبسي يوزع ومع الفتح والتقفيل الغازات تطير … كانت الفاتورة 72 ريال
وشايفها كثير عليه انا لانه مطعم اداب الكئيب الي ممكن الواحد يشوفه يدخل يتصدق عليهم ويطلع اكله احسن منه وارخص كثير
لكن ممكن المطعم يعجب احد غيري لانه الاكل فيه مقبول ™
جميع الحقوق محفوظة لموقع مطاعم جدة © 2024 - Privacy Policy - اعلن معنا
