مطعم المعلمي في جده

  • الأسم : مطعم المعلمي/ The teacher restaurant
  • التصنيف : عائلات | افراد
  •  النوع :مطعم كبده
  •  الاسعار : متوسطة
  •  الاطفال : غير مسموح
  • الموسيقى :لا يوجد
  • أوقات العمل :5:30–11:30AM
  • العنوان: شارع التلفزيون، القريات، جدة 22324، المملكة العربية السعودية
  • الموقع على خرائط جوجل من فضلك أضغط هنا
  • رقم الهاتف :‪+966 54 078 2890‬‏

مطعم المعلمي

مطعم المعلمي في جده

اراء المتابعين

التقرير الأول لآراء المتابعين

تقييم مطعم المعلمي  صباحكم كبده وكرشة وتقاطيع …تقييم ولا أروع للمطعم الشعبي المعلمي مطاعم المعلمي الموقع / فرع(١):- حي الفيصلية شارع الروضة المتجه شرق بعد ميدان الدراجة .

فرع(٢):- حي القريات شارع التلفزيون امام كلية الاتصالات بالنسبة لي ما احس اني اكلت فطور الا اذا اكلت كبدة و تقاطيع ، المطعم له خبرة اكثر من ٢٠ عام في الاكلات الشعبية اللي عالصاج ، و الناس تجيه من كل فج عميق ،

عشان كذا تشوف عنده زحمة مو طبيعية ابدا و لازم تنتظر عشان تلاقي مكان او تتشارك الطاولة مع اشخاص اخرين و الجميل في المطعم انه الاصناف جدا متنوعة :- كبدة و كبدة جملي و تقاطيع و قلوب و مقلقل و كرشة و عصبان و لسان و الخ ….

١- كرشة :- ما اكلها لاسباب شخصية ، لكن الوالد الله يحفظه يموت فيها و يعشقها ، طلبها محمرة عالصاج مع الطماطم و الفلفل .. ٩/١٠ ٢- قلوب :- اعشقها لحد الجنون ، لذيذة و هي مقمرة ، طلبتها محمرة زيادة عالصاج مع الطماطم بس .. ٩.٥/١٠

٣- كبدة جملي :- رهيبة جدا و شخصيا اعتبر المعلمي من افضل المحلات اللي اكلت عنده كبدة جملي ، طلبناها محمرة و مقمرة .. ٩.٥/١٠ ٤- شوربة كرشة :- ايضا ما اكلها ، و لكن الوالد يحبها جدا .. ٩/١٠

الأسعار بصراحة لا أذكرها و لكن السعر الاجمالي كان ٣٦ ريال فقط و انا اشوف انه ممتاز جدا مقارنة بالطلبات و كميتها طبعا في البداية يجيبولك خبز شامي أبيض و أسمر و سلطة حارة و ليمون ،

و الطلبات احس مافيها تأخير ابدا مقارنة بالزحمة اللي عنده ، لكن لازم تزعق بصوتك عشان يسمعك العامل لأنه بصراحة المطعم ازعاج جدا بسبب اصوات العمال اللي من الجنسية اليمنية و اصوات الزباين وقت الطلبات و اصوات الاكل عالصاج

التقرير الثاني لآراء المتابعين

أبو أصيل يمنح الأفضلية المطلقة لكبدة المعلمي ..كبدة المعلمي تاريخ عريق

لا يمكن بأي حال من الاحوال ان تذكر مطاعم الكبدة البلدي والطازجة في جدة دون ان تذكر مطاعم المعلمي بينها

فطوري اليوم كان بمطاعم المعلمي للكبدة

والذي يقدم كبدة الغنم والجمل والمقلقل

سعر نفر الكبدة ب ١٣ ريال والتقييم لا يعلى عليه

والمطعم ما شاء الله تبارك الله ربي يبارك له في رزقه مزدحم على طول

من وجهة نظري افضل محل كبدة بجدة

 

تابعنا على التليجرام للمسابقات و العروض وكل جديداضغط هنا لمتابعتنا
+ +
X