مطعم باكو في جده

  • الأسم : مطعم باكو/  Restaurant Baco
  • التصنيف : عائلات | افراد
  • النوع: مطعم
  • الاسعار : مرتفعه
  • الاطفال : مسموح
  • الموسيقى :  يوجد
  • أوقات العمل: 1PM–1AM
  • العنوان : Boulevard، الشاطئ، جدة 23414، المملكة العربية السعودية
  • الموقع على خرائط جوجل من فضلك : أضغط هنا

مطعم باكو في جده

مطعم باكو في جده

صفحه المطعم على انستقرام

اراء المتابعين

التقرير الأول لآراء المتابعين

‏مطعم ‎#باكو لعشاق التاكو والباكو مطعم يعتبر أسعاره غاليه لكن مميز الموقع في جده ‎#بوليفارد 🌮🥡

‏مستوى مطاعم جدة جدا عادي الا مطعم باكو سابقهم بكثير واشكرهم الصراحة انهم فتحو في جدة

‏‎لزيز في مطعم باكو في جده مكس صيني مكسيكي يمدحوه بس لسا ما جربته

التقرير الثاني لآراء المتابعين

.•
غداء في مطعم باكو ..
جده-طريق الملك-مجمع البوليفارد
.
-⚡️وصف المكان:
مطعم أمريكي-آسيوي يفتح يوميًا من ١ الظهر -وحده الليل.. بدون حجز و بدون بارتشن
.
المنيو حقهم واضح و صريح يشرح فكرتهم و كمية أكلهم و كاتبين في أوله تحذير إنه أطباقهم لا تسمح بالمشاركة.. يعني مررره صغيرة ويا دوب تكفيك..
.
قبل لا تروحون لهم ادخلوا حسابهم في الانستقرام كل شيء مشروح في الهايلايت، حتى المنيو و أنواع الأكلات
.
-⚡️الطلبات:
سلطة السيزر الآسيوية |٢٩ ريال
هاروماكي برقر |١٩ ريال
تيك آ باو |٢١ ريال
رز الكيمتشي| ٤٣ ريال
جمبري جايوزه| ٣١ ريال
عصير البطيخ بالفلفل| ٢١ ريال
كولا| ١٠ ريال
.
-⚡️وصف التجربة:
عادي أبدأ بالعصير؟ صراحه ممتع جدًا تحسون حفلة في فمكم وانتوا تشربونه.. المكس جبااااار.. جذبني فكرة الفلفل في العصير بس ماتوقعت يطلع حلو كذا..

الجديد بالذكر إن الحبحب عبارة عن سيرب لا هو عصير طبيعي ولا عصير معلب🤷🏽‍♀️.. أتوقع لو كان حبحب طبيعي كان صار ممتع و ألذ.

الأكل كله لذيذ.. و كميته قليلة مررره ناسبني، يعني يمديك تجرب أكثر من طبق و كمان تضمن إنه ما يزيد الأكل 😍👌🏽
.
السلطة حرام سموها سيزر.. المفروض يخترعون لها اسم جديد ينصفها👌🏽.. مكوناتها أكثر و ألذ من السيزر المعروفة و طريقة تقديمهم لها حلوه، لو ماتحبون الفزلكة يمديكم تمسكون الخسه وتاكلونها دايركت بدون شوكة و حوسه 🙄
.
الكيمتشي ألذ بدون الصوص الخارجي اللي يجي معاه ..
.

خدمتهم حلوه وشبه سريعة ..
.
وبس والله 💙👋🏽

منيو مطعم باكو

 

مطعم كاجوال خفيف يقدم اطعمة اسيوية منوعة بين الكوري والياباني فكرت الاسم انه يجمع بين طبق التاكو وطبق الباو مطعم جدا جميل ومرتب واكله لذيييذ

بس اذا رحتوا انتبهوا اطباقه جداً جداً صغيرررة بس هذي ممكن تكون ميزة انه تسمح بالتنويع طلباتي كانت فرايز اسيوي مع اللحم لذيذ ودسم

سلايدر كوري كرسبي لذييذ جداً ناشفيل تشيكن كرنشي لذيذ وحار 👍🏻 المشروبات ذا قليتش جداً لذيذ رد ليتشي مشروب بطيخ بالفلفل جيد وغريب لازم تجربون الباو عندهم

منيو مطعم باكو

تابعنا على التليجرام للمسابقات و العروض وكل جديداضغط هنا لمتابعتنا
+ +
X