مطعم ذا سموك هاوس جده

  • الأسم: مطعم ذا سموك هاوس/ The Smoke House Restaurant
  • التصنيف : عائلات | افراد
  •  النوع :مطعم
  •  الاسعار : متوسطة
  •  الاطفال :  مسموح
  • الموسيقى : يوجد
  • أوقات العمل : 1–11:45PM
  • العنوان: 8322 طريق الملك عبدالعزيز، الشاطئ، جدة 23414، المملكة العربية السعودية
  • الموقع على خرائط جوجل من فضلك  أضغط هنا
  • رقم الهاتف :‪ ‏‪+966 56 666 4320‬‏

مطعم ذا سموك هاوس جده

مطعم ذا سموك هاوس جده

صفحه المطعم على انستقرام

اراء المتابعين

التقرير الأول لآراء المتابعين

مطعم متخصص باللحوم بطريقة احترافية بشكل غير مسبوق ، من دخولي للمكان الى ما خرجت ولا غلطة سواء بالاستقبال او الخدمة او جودة الطعام .

التجربة ككل كانت اكثر من رائعة وخصوصا لما تكون مع اصحابك فما شي يكمل الصحبة الحلوة الا الأكل اللذيذ اللي يكون معمول باحترافية وحب وهو الشي اللي يميز

المكان ده بدون منافس . المكان موجود في منطقة جدا مزدحمة وصعب تلاقي فيها مواقف ولكن بيتغلبوا على الشي ده انه بيسمحوا بالحجز المسبق عن طريق الهاتف . الخدمة مميزة جدا وخصوصا مقدم الطعام الاستاذ وليد ❤️

التقرير الثاني لآراء المتابعين

. ديكور المكان مناسب لفكرة الطعام المقدمة ، في جلسات داخلية وخارجية . صحيح المكان صغير جدا ولكن جدا مريح ومافيه ازعاج الاضاءة ممتازة جدا ودرجة البرودة بالمكان مناسبة اكثر شي عجبني

الموسيقى الكلاسيكية اللي محطوطة بالخلفية درجة الصوت مناسبة جدا واختيار الاغاني رائع ( تخيل تمتع حاسة الذوق والنظر بالأكل الرائع وتمتع اذنك وذوقك الفني باغاني فرانك سيناترا وغيره )

. نجي لأهم حاجة في المكان وهو الأكل ما اقدر اوصف لكم قد ايش كان لذيذ ومتوازن النكهات والوان الطبق والتقديم متناسبة مع طبيعة المكان

التقرير الثالث لآراء المتابعين

طلباتنا كانت : – خد بقر ( اطعم خد بقر اكلته في جدة ، درجة استوائه ممتاز ومدخن صح وطعمه خيالي ) . – بريسكت ( لذيذ جدا ويعتبر برضه من الذ اللي جربتها في جدة ) – ساندوتش ريب آي

( من اول لقمة صرت اسمع جوة راسي اغنية انت عمري للست ام كلثوم من كثر ما كان لذيذ ورهيب ، خصوصا خبز البيريتزل اللي مستخدمينه معطي اضافة رهيبة للطعم بس مرة كانت حابب يحطوا معاه صوص زيادة من نفس صوص الساندوتش). –

سلطة بنجر ( كانت مقبولة والصوص اللي مستخدمينه جميل بس ياليت كان البنجر طازج باين طعمه كأنه كان بنجر معلب )

. الشي الوحيد اللي حعتبره نقطة سلبية هو عدم وجود دورة مياه اعزكم الله او مغسلة ( كانت مغلقة يمكن صيانة !!!) والشي الثاني السعر يعتبر غالي شويتين ولكن مقارنة بالجودة والطعم اعتبره في ذوقي الشخصي مناسب جدا .