مطعم ريان برجر (الاسعار+ المنيو+ الموقع)

مطعم ريان برجر

• الأسم : مطعم ريان برجر/ Ryan Burger Restaurant
• التصنيف : عائلات | افراد
•  النوع :مطعم برجر
•  الاسعار : مرتفعة
•  الاطفال :  مسموح
• الموسيقى : لا يوجد
• ‏أوقات العمل: 12:30PM–1AM
• العنوان: 8368 4583 الكيال، الروضة، جدة 23434 8368، المملكة العربية السعودية
• الموقع على خرائط جوجل من فضلك : أضغط هنا
• رقم الهاتف : ‏‪‏‪+966 12 667 5708‬‏

مطعم ريان برجر

اراء المتابعين

التقرير الأول لآراء المتابعين

تقييم مطعم ريان برجر له شعبيه كبيرة بحي الروضة..البطاطس الكرنشي عنده خورافة ريان برقر تقيمي اليوم لمطعم “ريان برقر ” .. موقعه في شارع الكيال المتفرع من طريق المدينه

.. بالبلدي اول ما تدخل من طريق المدينه ع شارع الكيال بعد 150 متر تقريبا يجيك المطعم عاليمين .. طبعا طلبي كان وجبة برقر لحم مع بطاطس ‘كرنشي’ وزياده عليها برقر مني تقيمي للبرقر من 3 نواحي

.. اللحمه بطله صراحه اعطيها  9/10 الخبز برضو نوعه ممتاز الجبنه ما عجبتني صراحه الحجم مناسب .. وبالنسبه للوحوش

.. اطلب جمبه واحد ميني برقر نجي للبطاطس .. البطاطس عنده 3 انواع عاديه و ودجز وكرنشي .. لا يفوتكم الكرنشي .. خوراااافه

.. ما ذقت زيها في جده كلها .. نجي للمميز في المطعم هوا الصوص .. عندهم صوص يحطوها عالبرقر ويقدموها مع البطاطس ..روووعه

.. نجي للعيوب .. او الي ما عجبني اولا السعر .. اشوفه شوي غالي ..البرقر ب 16 .. والبطاطس الكرنشي ب9 وما عندهم وجبات انت تطلب كل شي لحال

ثانيا المكان .. ديكوره روعه بس ضيق شويه في النهايه انا اصنفه من احسن 10 محلات برقر في جده

التقرير الثاني لآراء المتابعين

ريان برجر || Ryan’s Burger

حسابهم ع الانستغرام

@ryans_burger

عنوانهم

جدة – طريق المدينة – نهاية شارع الكيال

الموقع موجود في صفحتهم أو في الخريطة المبينة فوووق

هذا واحد من مطاعم البرجر اللي المفروض إنها تشتهر أكثر و أكثر

بمجرد وصولك للموقع ،، تجذبك ريحة الخبز الجميلة

وهذه وحدة من الميزات عندهم

إنهم يخبزوا الخبز بنفسهم

زمان كان اسمهم برجر شوب

وقفل فترة طويلة ثم حول اسمه إلى ريان برجر

بعد كدا يلفت نظرك الديكور البسيط و الكراسي والطاولات الخشبية

المهم

المنيو حقهم معلق ع الجدار

وماعندهم إلا برجر و هوت دوق

طلبي كان

برجر لحم بالجبنة = سعره ١٦ ريال

أول شيء يلفت انتباهم حجم الخبز و طراوته

ومع أول لقمة راح تحس بطعم اللحم الحقيقي بعيداً عن أي إضافات أو منكهات وطعم الشوي باين فيه

البرجر لذيذ بس طبعاً مو لدرجة واااو

ويُعتبر منافس ممتاز للبقية

ميني برجر دجاج بالجبنة = سعره ١١ ريال

بصراحة استغربت جداً من السعر

لأني توقعت يكون أقل من كذا بكثير

بس كطعم لا يفوتكم

جداً رهيييييب بالذات خلطة الجرجير بالليمون اللي حاطينها

تخليك تعيش جو مع دا البرجر الصغير

وقطعة صدر الدجاج ممتازة و مشوية باحتراف

حقيقة عجبني أكتر من اللحم

بطاطس كرانشي = سعره ٩ ريال

بطاطس مقلية عليها طبقة مقرمشة ما أدري إيش يسموها ،، وأعتبره واحد من أفضل البطاطس اللي أكلتها في محلات تبيع برجر

في النهاية

المطعم يستحق التجربة

وعندهم سلبية وحدة بس

مافي مغسلة ? نشوفكم في تقرير قادم