مطعم سبارو في جده
تقييم لمطعم سبارو مطعم سوبارو في سوق حراء وله فرع في شارع الروضه والمطار طلبت ٢ تورتليني الواحد ب ٢٩ريال بيتزا القطعه ١٥ ريال سفن أب ٢ ريال
المجموع ٧٦ ريال التورتليني لذيذه جدددا يطبخها قدامك . . البيتزا لذيذه اختار لي قطعه وسخنها قطعتها كبيره ومشبعه الحمدلله . .
عموما التجربه لذيذه وتكررت وستكرر ولو انه الاسعار شويا مبالغ فيها لاكن مايمنع انه نظيف خاصه انه ينطبخ قدامك
سبارو Sbarro
تقريرنا اليوم عن مطعم سبارو الإيطالي
المطعم الإيطالي المغمور في جدة واللي محد يعرفه إلا اللي يسافر
عندهم فرع في الخالدية قبل الدانوب
وفرع تاني في الصالة الجنوبية لمطار الملك عبدالعزيز بجدة
بالصدفة كنت في المطار و قررت إني أجرب البيتزا العادية و المحشية
وهذه كانت تجربتي
عندهم عرض قيمته ٢٦ ريال
تحصل على سلطة وسط و قطعة بيتزا و مشروب غازي
سلطة سيزار
الخس طازج و جبنة البارميزان المستخدمة جميلة
صوص السيزار حسيته مختلف وكأنه صوص ثاوزند آيلاند ! ما عجبني مرة و الكروتون ” الخبز المحمص ” كان محمص زيادة عن اللزوم وجداً قاسي.
بيتزا سوبريم
زي منتوا شايفين في الصورة عبارة عن قطعة بيتزا كبيرة الحجم
مستخدمين عجينتهم الرقيقة الخاصة
الخلطة كانت لا بأس بها مع إني حسيتها شوي قديمة
لأنهم في العادة يجهزوا البيتزا و يسخنوها للزبون
العجينة مع إنها رقيقة إلا إنها مقرمشة زيادة عن اللزوووم
بس طعمها جيد وكانت تستاهل التجربة
بيتزا الدجاج المحشية ” كاليزوني ”
طبعاًهذه عبارة عن فكرة بيتزا جديدة
وهي حشو كل المكونات بداخل العجينة بدلاً من وضعها فوق العجينة
جداً عجبتني ،، الخلطة الداخلية كانت محبوكة
والدجاج كان استواءه ممتاز و كل شيء فيه كان رائع
سعر القطعة : ١٩ ريال