مطعم فدريكرز في جده
مطعم جيد في درة العروس. لكن الجودة ليست كما كانت عليه. AC لا يكفي عندما يكون الطقس حارًا. أوصي به سريعًا أثناء تناوله في درة العروس.
مطعم جميل لكنه جدا قديم يحتاج الي تجديد بالمكان، يعد من افضل بل وأشهر مطاعم البرقر في جده، موقع المطعم ممتاز واسعار مناسبه للجميع ??
لذيذ برغر اللحم، برغر الدجاج عادي وعبارة عن صدر دجاج ناشف وفي أنواع ثانية بس كانت مخلصة، و الوجبة الواحدة بدون عصير
متوسط سعرها خمسين ريال، الصوصات عنده ممتازة ولذيذة مع البطاطس، احنا أربع أشخاص أكلنا بحوالي 230 ريال.
للاسف فدركرز سوقو طاح مرة.. زمان قبل ١٥ سنه تقريبا كان احسن مكان يسوي برقر في جدة. لكن دحين والله حاجة تزعل. ما اعرف هل هو الفرع دا بس او كل الفروع لكن فرع الدرة دا وربي رديء جداً وغير مرضي بتاتاً البتة
. اول شي الاسعار غالية ونار تخيلو سعر الببسي ب٨ ريال !! شي عجيب، غير اسعار الاكل المرتفعة. تاني شي مافيه حمام الله يكرمكم ولا مكان تغسل فيه.. دخلوني جوا المطبخ عندهم عشان اغسل وياريت مادخلت من اللي شفتو.
تالت شي البطاطس يحطولك قليل مرة، كم حبة كدا بس. رابعاً الببسي كان ري فيل اول زمان ،، دحين زي ماقلتلكم علبة عادية زي حقت الببسي و ب٨ ريال .. وبدون ري فل. يعني مايعطيني علبة تانيه. معليه لكن مثلا انا معايا ١٠ اشخاص دفعت ٨٠ ريال
وبدون ري فل !! وبرا ب ٢٥ ريال. ٥٥ ريال فرق مرة كتير والله،، خامساً حسيت فيه طعم غريب في اللحم كدا بدون نكهة كان. يعني مادري هو عفن او ايش لكن مو طعم لحم فريش
طبعا ما كنت حروحه ابدا لكن مافي مطاعم كتيره قي الدرة لكن لو فك مطعم كويس مستحيل ازور فدركرز ابدا.
جميع الحقوق محفوظة لموقع مطاعم جدة © 2024 - Privacy Policy - اعلن معنا
