مطعم لو كونشير جده

  • الأسم : مطعم لو كونشير/ Le Conchure Restaurant
  • التصنيف : عائلات | افراد
  •  النوع :مطعم وكافيه
  •  الاسعار : متوسطة
  •  الاطفال : مسموح
  • الموسيقى : يوجد
  • أوقات العمل : 8AM–12AM
  • العنوان : ابراهيم العنقري، المحمدية، جدة 23617، المملكة العربية السعوديه
  • الموقع على خرائط جوجل من فضلك أضغط هنا
  • رقم الهاتف: ‏‪+966 50 077 1177‬‏

مطعم لو كونشير

مطعم لو كونشير جده

صفحة المطعم على انستقرام

اراء المتابعين

التقرير الأول لآراء المتابعين

مطعم لو كونشير زيارة لم تخلو من التنغيص بسبب الإزعاج ..بمطعم لو كونشير لوكونشير مرة اخرى عنوانهم شارع الامير سلطان بجانب izone

زيارتي لهم تعتبر الثالتة… في كل زيارة كنت احاول اطلب طلبات غير عشان اجرب منتجاتهم من اول زيارة لهم عجبني الجو العام في المكان من ناحية النظافة الهدوء

رائحة المكان لكن هالزيارة اعتبرها غير موفقة دخلنا المكان وكان مشاء الله في ناس بعكس الزيارتين السابقة قلنا نغير ونجلس في الدور الي فوق طلعنا وكان تقريبا في ناس في ثلات طاولات اخدنا المنيو

وطلبنا سندويش ستيك  عبارة عن شرائح لحم مع بصل وخضروات معمولة بخبز الشيباتا ويجي مع الساندويش صحن بطاطس صغير وشوية خضار  ب ٤٥ ريال وتقيمي لها ٩/١٠ جميل وماعليه ملاحظات سندويش دجاج مشوي

عبارة عن صدور دجاج مشوية مع طماطم وخضار برضو بخبز الشيباتا ويجي معاها صحن بطاطس وخضار ب ٣٥ ريال والتقييم ٧/١٠ الدجاج مالو اي نكهة الطاغي نكهة الخضروات قطع دجاج غوجان

عبارة عن شرائح دجاج شبيها بالستربس يجي معاها بطاطس وبازيلا ب ٢٩ ريال والتقييم ٩/١٠ جميلة المشروبات سموذي انانس ب ٢٥ ريال والتقييم ٩/١٠ سموذي فرولة ب ٢٥ ريال والتقييم ٧/١٠

هادي المرة الثالتة اطلب هالمشروب ونفس الشي الفرولة كأنها مجمدة وطاغي عليها الموية .. موية صغير ب ٧ ريال كامل الحساب ١٦٦ ريال طبعا بعد ماطلبت احدى الطاولات كان فيها ٤ حريم كبار جوهم ضيوف اعتقد متواعدين سوا وصل العدد تقريبا ل ١

حريم قمة الازعاج كأنهم ملاك المكان ومافي غيرهم ازعاج وصوت عالي واشغلو الويترز الي في المكان لدرجة نادو المسؤول عن المكان يسألو كيف تسوو عصير البرتقال  طبعا احنا حسينا نفسنا جالسين معاهم مأدري ايش بقول عنهم

اتركلكم التعليق طبعا مع الازعاج طلبت الفاتورة وحاسبت مع انو النية كانت اطلب حلى بس خلاص مافي مجال مع الازعاج لدرجة انو الويترز جابلي الفاتورة وحاسبت وجلست ربع ساعة استنا الباقي قد ماهما اربشو

المكان وازعجوهم طبعا قدمو ضيافة شكولاتة غامقة وشكولاتة مارشميلو التقييم بشكل عام : النظافة ٩/١٠ الاسعار ٨/١٠ الجو العام ٦/١٠ هادي الزيارة فقط طبعا انا عن نفسي

حبيت هالمكان وزورو مرة واتنين وعشرة بس اتمنى يلاقو حل للناس الي تيجي وتزعج غيرها وتخرب الجو العام

مطعم لو كونشير جده

التقرير الثاني لآراء المتابعين

لو كونشير كافيه
تميز الكافيه بتقديم الشكولاته البلجكية اللذيذة
الموقع / طريق الأمير سلطان بين صاري والروضة

انصحك تطلبي حلى البوكس اللي بالبندق👍 من مطعم لو كونشير

لي كونشير كافيه الفرع الجديد بردسي مول
غير الحلويات والمشروبات عندهم مجموعه من المأكولات الخفيفه والساندويتشات

الطلبات :
اضربني ٤٥ ريال
(كيك فانيليا وكراميل وشوكولاته ، اعلى طبقة شوكولاته داخلها آيسكريم)

فرنش توست “بنكهة الفشار” ٤٨ ريال
(مع صوص التوفي والآيسكريم)
موكا لاتيه ٢٠

الخدمه 10/10 النظافة 10/10 و الديكور و المحل جدا راقي

ضايفونا مارشملوز ب الشوكلاته و أعطو بنتي لولي بوبز يعيبه فقط ضيق منطقة العوائل و مافي بارتشن .. و يستحق الزياره مره تانيه

مطعم لو كونشير بجده

التقرير الثالث لآراء المتابعين

مساء القهوة لعشاق القهوة
قهوة وحلى في الفرع الجديد
لـ – لي كونشير كافيه
الموقع📍/شارع ابراهيم العنقري خلف اوتو مول
يفتح من ٨ صباحاً الى ١٢ الليل
بركان كيكة التمر ٥٦
فلات وايت ٢٥
الحلى حق ٣ اشخاص
جدًا جميل المكان

لي كونشير كافيه | رد سي مول
الدور الاول – جنب فكتوريا سيكرت

طلبنا تشيز كيك الشوكولاته حبيته صراحه👏ب ٢٥ ، طلبنا مس كاراميل ب٢٥ انا حبيتها بس صديقتي ماحبتها ، طلبت افوغاتو ب٢٠

ممتاز مشروبي المفضل عندهم وطلبنا كراميل مكياتو مثلج ب٢٥ حلو
جميل المكان والخدمه كانت سريعه 👌

تابعنا على التليجرام للمسابقات و العروض وكل جديداضغط هنا لمتابعتنا
+ +
X