مطعم اسطنبولي جده
تقييم للمطعم التركي اسطنبولي اسعد الله يومكم بكل خير يا رب ، جيكم بتقيم اليوم قد لا يسر بعض المعجبين بالمطعم فانا في فتره تقيم للمأكولات المشويه او المشاوي ، طبعا في جده محلات الشوي
عد واغلط وكل محل له فيه ميزه وسر عن غيروا وتجاربي حتكون لمحلات عشوائيه اضافة لسمعة المطعم عند اغلب الناس ، بمعنى اسال صديق او قريب انت اش تفضل محل مشويات يقولي المكان الفلاني وحتجه له … ز
كانت لمطعم اسطنبولي الي في جده حي المروه طبعاً معروف لدى الاغلب وكانت طلباتنا كالتالي: اولا: مشاوي السلطان يحتوي على قطعه من كل نوع ( كفتة لحم اسطنبولي ، كفتة لحم بالقشقوان ،
اوصال لحم ، ريش ، شاورما لحم ، ستيك ، كفتة دجاج ، شريحة دجاج مخلي ، شيش طاوق ، شاورما دجاج ، طماطم وفلفل مشوي ، رز في صحن خارجي ، صحن مشكل من المقبلات والسلطه ، كنافه ، ١ عصير ، ١ مويه )
زي منتو شايفين الصحن متروس ماشاء الله ويكفي شخصين براحه لكن نتكلم في جودة ومذاق الاكل ، بصراحه وتقيمي بشكل شخصي يمثلني انا يستاهل ١٠/٥ والسبب كتالي
: كفتة اللحم النوعين والاوصال والاستيك طعمهم واحد بس نوع عن نوع البهار زايد فيه صنف وغير كدا كميات الدهون الي فيه شي تتعب المعده وهدا الي بعاني منه الان .. الدجاج بجميع انواعه كله زي بعض الشيش طاوق
مافي نكهى ولا طعم ولا تتبيل وناشف الدجاج المخلي زيه يعني قطع دجاج اتشوحت ع نار وخلاص .. جميع ما سبق يفتقر الى الملح بدرجة كبيره الرز ماعجبني لانه مايل للاصفرار
ونوعية الرز ما احبها الي هيا اعتقد ابوبنت صحن السلطه والمقبلات فتوش-> بالاسم فقط لمن الموجود كيلو من البقدونس فقط مع ملعقة برغل بدون زيت او ليمون حمص-> قد يعجب البعض لانه اعداد محلي في المحل و
البليله غير مطحونه بشكل كامل ومافيها اي طعم غير انها بليله مطحونه مكرونه بالمايونيز-> مسلوقه وحاطينها في مايونيز عاديه حدا متبل-> ممتاز ولكن يفتقر للملح بابا غنوج -> طعمه معتدل ويفتقر للملح العصير
وكان برتقال ممتاز لانه فرش الكنافه تستاهل ١٠/٦ ما كانت حاره وشيرتها قليل ملحوظه: المدام عجبها الاكل ماعدا الدجاج
️ ثانيا: اسكندر لحم جميل لكن مافيه شي اقول عنه انه الافضل مقارنة بفروع اخرى تعمل اسكندر ما يعتبر التوب يستاهل ١٠/٧ والسعر ناسيه لكن مقبول وهدا والحمدلله على جميع نعمه
، لكن للاسف انها تجربه سيئه بالنسبه ليا وما افكر ارجع له ابداً ، و ان شاء الله اختياري القادم ينول على رضائي و رضاكم
مطعم اسطنبولي التركي للمشاوي
اولا بالعادة لا اقوم بتقييم اي مطعم من زيارة واحدة لكن التقييم هذا تقييم مزدوج يعني شاركتني المدام بالتقييم وصلنا للمطعم على الساعة ٣.٠٢ ظهرا وقسم العوائل فاضي
طلبنا الطلب الساعة ٣.٠٧ وكان الطلب صحن اسكندر مشكل صحنين كفتة لحم ( كباب ) وصحن رز تركي ( رز بالشعربة )
وصل الطلب الاول على الساعة ٣.١٩ واللي كان صحن الاسكندر بعدها باربع دقائق وصل صحنيني الكفتة الخبز والمشروبات
بالنسبة للاسكندر بصراحة ما عجبني اللحم حيث ان نكهة الصلصة الحامضة تعطي نكهة مع اللحم ما استسغتها وعلى العكس المدام اعجبها الطعم جدا وبعد اقناع جربتها مع الساور كريم وبالكاد انبلع معي لكن الدجاج كان لا بأس فيه
بالنسبة للصحن الثاني كفتة اللحم ( كباب) الحجم صغير مقارنة بباقي المحلات لكل صيخ لكن الطعم رائع جدا اولا اللحمة متماسكة جدا والدهون الخارجية فيها قليلة. نكهة الشوي مكتملة وواضحة باللحم واول مرة يصلني كباب مستوي بدرجة احترافية جدا
حيث ان الكفتة من الداخل شبة وردي والكفتة محتفظة بالعصارة وهذا سببة عدم الاسراف بالشوي بحيث تنشف العصارة الداخلية واللي اكثر المطاعم الثانية يزيدون نسبة الدهون
بصيخ الكباب ليغطون على نشافة اللحمة مع الشوي من الداخل ويصبح الكباب دهني من الخارج بزيادة طبعا التوابل والملح بالكفتة ممتاز وينم عن خبرة
طبعا الطبق احتوى ايضا على رز بالشعربة المعروف بالرز التركي جيد جدا وطلبت صحن ثاني بعد فترة وجاني صحن رز بدرجة ممتاز بالعموم الصحن قد واقول قد و
رأي شخصي نوع من الحموضة على الطبق والمتمثل بنصف فص ليمون والاستعانة بالنعاع مع الفلفل لعمل كونتراست بالوان الطبق واللي هو موجود بس بوجود الفلفل
التقييم:
الاسكندر ٧/١٠ ولولا الرأي الاخر لاعطيتة نسبة اقل
كفتة اللحم ( الكباب ) ٩/١٠ لواضيفة الحموضة لاخذ الدرجة الكاملة.
خبز البيتا اعتبره عادي ولن اقيمة لانه ما كان اساسي وبصراحة وصل بارد
الجو العام ١٠/١٠ حواجز وبرودة واضاءة وكراسي
حرارة الطعام ٨/١٠ تاثر ببرودة المشروبات والي ماكانت باردة جدا وكذلك خبز البيتا
السعر ١٠/١٠ كل الطلبات هذي ب ٩٤ ريال فقط
مزيد من الصور بحسابي وبالهناء والعافية مسبقا
جميع الحقوق محفوظة لموقع مطاعم جدة © 2024 - Privacy Policy - اعلن معنا
