مطعم الاسماك توينا
تقييمات توينا لا تنقطع وهذه المرة التقييم ينصح بتجربة طاجن الجمبري بالكاري كل عام وانتوا بخير انتوا زينا تقولوا عيد اللحمة ولاعيد الاضحى بماانو اليوم جمعه واللحمة كثيرة فحبيت اكون مختلف عن اهلي في مكة وقررنا ناكل سمك . .
نزلنا جدة وانطلقنا على أسماك توينا الي في كورنيش الحمرا .. المطعم دا خووورااافي كان زحمة ماشاء الله بس لقينا طاولة فاضية وبارتشن عشان وقت الطهمجة محد يشوفك
الطلبات كانت عبارة عن شوربة سي فود 40 ريال اقل مااقول انها عااادية جدا وماتستاهل 4/10 خفيفة كانها موية وصبغة . سمكة ناجل الكيلو ب160 غالي نوعا ما ..اخدناها مشوية..ولااحكيلك عن الذوبان والنكهة الموزونة طاجن جمبري بالكاري
وقلله زود الفلفل ..نفسي امسك شعري وافتفت كلو..من كتر مو لذيذ بس الكريمة كانت زايد شووية فيه..25 ريال قيمة الطاجن فقط غير سعر الجمبري 140 للكيلو ..اعطيه 7/10 بسبب كثرة الكريمه..
نجي للمهم والأهم كيلو جمبري جامبو مشوي .. ياجماعه الناس دي فاهمة اش يعني جمبري مشوي.. خطيييييير ونكهة حقيقية موزونة سعر الكيلو 180 اعتقد مني فاكر ..اعطيه 10/10 وزيادة. صحن رز صيادية صغير 10 ريال .
.لايمت للصيادية بصله من حيث الطعم اعطيه 5/10 صحن حمص ب 12 ريال اعتقد ..عادي جدا وكميته صغيرة جدا اعطيه 6/10.. موية صفا ب 3 ريال ببسي 5 ريال اجمالي الحساب كان 496 ريال
. المواقف كانت متوفرة الخدمة سريعة جدا رغم الزحمة مااتاخر الطلب.. الصالة زمان كان التكييف سيئ بس دحين زبطوه احلى مافي الموصوع انو وقت الحساب زوجتي اصرت تدفع المبلغ
وقالت انها عازمتني..وانا خفيف خليتها تدفع على طول نشوفكم في تقييمات اخرى
حضيت هذا المساء بدعوة على العشاء من أحد متابعيني الكرام وهو الأخ ورجل الأعمال حارث باحارث
وعلى مائدة مليئة بالأطباق البحرية في مطعم توينا تجاذبت أطراف الحديث مع شخصية مثقفة وواعية ومتواضعة وكريمة !
الاسعار خيال ونار ياحبايب والجواب بيان من العنوان ⁉️⁉️
تحياتي من مطعم توينا ب #جدة الذي أزوره للمرة الأولى، وهو من المطاعم الأكثر شهرة بتقديم المأكولات البحريّة الشهية. #السعودية
بكل صراحة افضل مطعم للمأكولات
البحريه في جدة
مطعم توينا للأسماك
من أرقى وأجمل مطاعم الأسماك في جدة
لا يعلى عليه يستاهل
توينا _طعم _ يجمعنا
احلااااا ماكولات بحريه عنده
جربوه ،، راح تدعولي ?
ياربي مستحيل اكل من الاكلات البحريه ، حمدالله الله يديمها نعمه
توينا بارك
مطعم بحري وشاطئ
المكان على البحر مباشره
وعندهم شاطئ للسباحه ورمل نظيف ومسبح طوال اليوم ب٥٠ريال للطفل
العاب اطفال،مسابح وجلسات
وفي فعاليات في الويكند
انشطه العاب حركيه ومسابقات يوغا وزومبا للاطفال (برسوم )وسينما مسائيه
?ابحر بجوار ممتجع نارسيس
بس … اسعار الطلبات مرتفعة جدا … قد يكون السعر غير مقبول …
كيف ممكن أحجز عندهم أو طريق تواصل مع مطعم
الدخول لكل شخص ب ٥٠ ؟ والاطفال ب ٥٠ ؟
مطعم توينا اهنيكم على مكانكم الرائع والرايق انصحكم صراحة الاجواء خورافية
مطعم توينا للمأكولات البحريه?
?الموقع شارع الامير سلطان تقاطع شارع صاري
النظافه ممتازه
والتقديم جميل والخدمه جميله جبت معي هديه ل زوجي وطلبت يقدمونها وقدموها ف طبق تعاملهم قمه الذوق والاحترام انصحكم بتجربته
عن تجدبه شخصيه فرعهم اللي في ذهبان شفت ان الاسعار غاليه بصراحه
جميع الحقوق محفوظة لموقع مطاعم جدة © 2024 - Privacy Policy - اعلن معنا
