مطعم الدنتي الايطالي
تقييم للمطعم الايطالي الدنتي مطعم الدنتي الايطالي بشارع صاري طلباتنا كانت كالتالي : بيتزا خضار شخصيا مااكلتها بس اهلي عجبتهم واعطوها ٩/١٠
بيتزا مارغريتا زمان كنا نطلبها وكانت لذيذه جدا بس اخر مرا رحنا كان طعمها مو زي دايما والجبنة قليلة والنكهه ضايعه فاعطيها ٦/١٠
فتوتشيني دي بوللو بالنسبه ليا اطعم فتوتشيني ممكن تاكلها فمطعم ايطالي تلقاها فالدنتي ومستحيل ناكل عندو ومانشتري فتوتشيني رهيبه وخفيفه فنفس الوقت اعطيها ١٠/١٠ رافيوللي دي بوللو كان اختيار جديد اول مرا نطلبو بس صراحة لذييييذه جدا
والصوص حقها كان رهيب ومايتفوت اعطيها ١٠/١٠ سيخ دجاج عبارة عن دجاج مشوي كان لذيذ و فيلو نكهة مميزه اعطيه ٨/١٠ اخيرا المشروب كان سعودي شمبانيا واللي يبسط انو جك كبير فيه عصير يعني مفيد للي يكونو اكثر من شخصين اعطيه ٩/١٠
النظافة ١٠/١٠ تعاملهم كان جدا لطيف لدرجة لما خلصنا جا عامل بنفسو ومعاه معقم قلنا حق المحل خلص بس انا اشتريت واحد بنفسي للزباين فكانت مبادره لطيفة منو ولقي دعوات طبعا من الاهل . .
الاسعار جدا معتدله والحساب كلو كان ٣١٠ يعني لو رحت مطعم ايطالي ثاني حيكون اغلى و نكهة اكلو مستحيل توصل لمستواهم وشكرا
سيبك من بوفيه الهنداوية وطعميته..
في مطعم اسمه الدنتي الإيطالي في صاري ..
حاجة من الاخر?
ماشاء الله
عليك بالعافية ياكيبتانو والاذواق تختلف من شخص للاخر بنسبة لي عندكم مطعم الدنتي الايطالي شيء خراااافي
مطعم الدنتي الايطالي ?
امام كوبري صاري المطعم قديم بس اكلو لذيذذ طلبنا كان سلطة الدنتي لذيذذذذذة مرا عبارة عن خضار و قمبري و سلطعون وصوص جنااان و مكرونه بالقصدير طعمها لذيذ جداً و فوتتشيني كمان لذيذة بس ناشفه شوي اكلهم لذيذ بس خدمتهم بطيئة يستحق التجربة
اكلهم اللذيذ شورة الطماطم مكرونة الفرن اسعارهم تبدأ تقريباً من الاربعين والخمسين
فاتتك شوربة الكريمه اللي بداخل الخبز عندهم لزيزة
مطعم قديم يحتاج لتطوير والعمال الي فيه هنود ويسوون اكل ايطالي .. في مطاعم في جده اكثر تميز منه بمراحل
لزيز خصوصاً الشوربه و البيتزا و الازانيا لكن كمية الطبق قليلة جداً
يوم الإثنين كان يوم جميـل كان أحلى يوم في الإجازة وحياتي لمن رحنا مطعم الدنتــي الإيطـالي مطعم خيـــــــــــــال عالم ثاني عالم إيطالي
انصحك بمطعم الدنتي الايطالي في شارع صاري مطعم فخم و فيه بارتيشنات للعوائل
تقييمي لمطعم الدنتي ( المكرونه الايطاليه )
شارع الامير سلطان بجانب مطعم كازا المغربي
المطعم اجوائه حلوه مع الميوزك الايطالي والويترز خدومين
ومهمتين .. زيارتي له كانت غداء وسط الاسبوع
طلباتنا كانت
شوربة دجاج بالكريمه ١٠/١٠ لذيذه
مكرونه اسباغتي بالطماطم والريحان ١٠/١٠ اول مره من زمان اتلذذ بمكرونه طعمها جميييل
روزيتو بالفطر اعطيه٧/١٠
بيتزا خضار اعطيها ٤/١٠
الحساب كان ٢١٤ ريال
اشوف السعر معقول مع ان طلباتنا كثيره
وبس
مطعم عادي جدا وماخذ سمعه أكبر من ما يستحق بكثير
صراحة انا من زمان يعجبني أكلهم … بس الديكور لو يجددوه بيكون أجمل
من اسبوع كنت فيه للاسف النظافه معدومة وفي صراصير وكلمنا وقتها المدير ?
جميع الحقوق محفوظة لموقع مطاعم جدة © 2024 - Privacy Policy - اعلن معنا
