مطعم الهندي رويال الذهبية
ومازالت قناعتي بأن المطاعم الهندية الصغيرة والمختبئة بمنطقة العزيزية ألذ من المطاعم الهندية الكبرى ..تقييم متميز للمطعم الهندي رويال الذهبية وصلنا من السلام
عليكم عدت لكم من جديد تقييمي اليوم للمطعم الهندي وجهتنا الاولى في المطاعم الهندية و المظلوم اعلامياً رويال الذهبية اول ما دخلنا قدمو لنا الضيافة عبارة
عن شرايح خيار وجزر. كنا شخصين وطلباتنا كانت : ايدام دجاج بالزبدة ٢٧ ريال طعمه رائع وفيه لذعة الاكل الهندي مرة لذيذ وكميته مرة مناسبة اعطيه ٩/١٠.
ارز برياني سادة ١٠ ريال عادي جداً مافيه تميز بس حلو مع الايدامات اعطيه ٧/١٠. روبيان مقلي جاف ٣٠ ريال مرررة لذيييذ وحاااار فلفل وكميته كثيرة اعطيه ٩/١٠.
خبز هندي برورتا مرة طعم مع الايدام الواحد بريال. ويجي مع الطلب سلطة لبن لذيذة كمان والبسي عندهم بريالين والموية بريال. الحساب كان ٧٢
اكلنا وزاااااد الاكل الحمدلله. نجي للخدمة والنظافة طبعاً اخر مرة رحت لهم كانت قبل رمضان المكان كان مو مرة نظيف و خدمتهم حلوة بس مافي ذيك النظافة اليوم
لمن رحت حسيتهم تحسسسنو مرة في النظافة والخدمة مرة سريعة احسن شي. فيه بارتشن والمواقف متوفرة نصيحتي اللي يبغى يروحه يروح في الويكند
اكلهم لذيذ لاني قد رحت في نص الاسبوع كم مرة كان الاكل مو طعم تحسه مسخن وشكراً لكم
بدون مبالغة افضل مطعم هندي في جده واللي يتكلم عن النظافة على اساس ان شيزان نظيف وهو دبل اسعار رويال والكمية اقل من النص والطعم مافي محال للمقارنه
بمدح وبفضله عن شيزان المطعم اكله لذيذ بس مو فخم واسعاره ممتازه
موقعهم حي العزيزيه شارع المؤلفون
الاكل كله طعم
خدمتهم سريعه ماعندهم عصائر طازجه
عندهم نظام غرف مغلقه
تجربه بإذن لله تتكرر
المطعم جيد جداً … بعده على اليسار مطعم منعش عندهم البرياني على اصوله
كويس جدا واسعاره كويسة بالرغم من انهم زودو شوي بس يظل ارخص مقارنه بغيره وكميات الاكل كثيرة برايي انه الأفضل
انا اشوف اغلب التعليقات رويال الذهبيه . ورب الكعبه عن تجربه انه افشل مطعم هندي قد ذقته بحياتي ونا من عشاق الاكل الهندي الاول بنظري وقد يكون افضل السئين شيزان وبعد تاكا اكسبرس
مطعم رويال الذهبية اكتبي في قوقل وامشي على الخريطة. هو المطعم الهندي الوحيد في جدة اكله لذيذ وأسعاره ممتازة وخصوصيه مريحة. وبالعافية ??
جميع الحقوق محفوظة لموقع مطاعم جدة © 2024 - Privacy Policy - اعلن معنا
