مطعم ذا بوتشر في جدة
مطعم ذا بوتشر شوب اند جريل نتوقع بكرة المطاعم كلها مليانه وفل..بسبب زيادة الراتبين لموظفي الدولة..تقييم مفصل وشامل لمطعم ذا بوتشر شوب وصلنا من The Butcher shop & grill .
. مطعم ذابوتشر شوب آند قريل .. شارع الروضة .. المطعم افريقي ديكوره حلو ريفي و ف نفس الوقت فخم و مريح و حولين كل طاولة زي البارتشين سلاسل نازلة من اللولو لونه اسود مرة معطي جمال للمطعم كلو
.. بدون موسيقى و عادي يدخلو اطفال يبيعو لحوم تحت برضو و ما كان مرة زحمة بس ٤ عوائل كنا تقريباً و ضيافتهم كانت عيش و ٣ صلصات للدهن و قطع سوسج افريقي باللحم مع صوص طماطم ابدا مو لزيز
🙁 .. نجي للطلبات طبعا طولنا عبال م نختار احس لازم تختار مزبوط خخخ بس م كشرو و لا شيء عادي كانو . . طلبنا ٢ كولا بـ ١٨ و تقدر تعبي لو خلص .. و سبرايت بـ ٩ .. و عصير برتقال بـ ١٩ ..
و عصير اناناس بـ ١٩ كان لذيذ بس مو بارد مرة :/ .. نجي للاكل و كنا ٦ كبار و طفلتين المقبلات دجاج كوتشينا بـ ٢٠ بس كان فيه ٣ حبات فالطبق مرة لزيز و مقرمش بس للاسف م دوقتو انا خلص بسرعه اعطيه ١٠/٩
تاور بـ ٤٢ برضو كان فالطبق ٣ حبات طعمو عادي كانو اسبرينق رول محشي ربيان اعطيه ١٠/٧ سلطة الجرجير بـ ٤٢ ما كان لزيز مرة طعم زيت زيتون ١٠/5 سكامبي بـ ٣٩ قطع ربيان بالقسماط عادي طعمو لزيز ١٠/٨
نصف ضلع غنم بـ ١٢٠ مرة كان شكلو حلو 🙁 لحم و عليه صوص اخضر كان لزيز و اللحمة لينة ١٠/٩,٥ .. ريش غنم بـ ٩٨ لزيز و مو ناشف كان مبلبل ١٠/٨ فلورنتيناد بـ ٥٤
احلا طبق و الز شيء ️ مرة كان لذيذ جدا دجاج مع سبانخ و جبنة ١٠/٩,٥ دجاج Espetada ( الدجاج المعلق ) بـ ٦٨ لزيز و منظر الزبدة و التوم و هوا ينقط عالدجاج و ع صحن البطاطا لزة تانية ٧,٥ / ١٠ .
. *صدر دجاج مشوي بـ ٤٨ كان لزيز لكن مضاربة مع تقطيع الصدر و كان فيه مع الطبق رز و حبتين قاسية و ناقصة ملح ١٠/٧ بطاطا محشوة بـ ١٩ بطاطا مفتوحة و عليها فلفل اسود و جبن و لحم مقدد لزيزه كانت ١٠/٨,٥
استمتعنا بالاكل بشكل عام .. المجموع كان ٦٣٧ ريال ، الاسعار بين المتوسط و المرتفع … ومن ناحية المواقف مرة لا زحمة فظيعة بالصدفة لقينا موقف قدام المطعم
جميع الحقوق محفوظة لموقع مطاعم جدة © 2024 - Privacy Policy - اعلن معنا
