مطعم مخبازة في جده
سمك الميفا والطعم خرااافي العشا اليوم بحري مطعم مخبازة للوجبات السريعة ترا الاسم ماله اي علاقة باللي يقدمه المطعم المطعم يقدم سمك و بطريقة وحده فقط
اللي هيا الميفة اول شي تدخل و تختار السمك اللي تبغاه( نوع واحد ) اسمه بياض و طبعاً طازة اول بأول بعدين يوزن السمك و تدفع بعدين انت بكيفك تبغى رز ولا لا
عندهم عيش ملوح رطب بالسمن البلدي وربي دماااااااار و عندهم ملوح عادي و عندهم بطاطس بخلطة خاصة فيهم شي يهبل الحساب على ما افتكر كان 140 ريال 4
سمكات كبار و 2 ملوح رطب و واحد بطاطس و 3 سفن اب و 4 مويا ابو نص التقييم النظافة 5/10 لسبب بسيط. إنه المكان شعبي و أقل من شعبي لدرجة انه أكلنا في
الشارع على الرصيف من الزحمة الطعم 9/10 خرافي جدا جدا جدا و رحته مرتين خلال اسبوع السعر 9/10 ممتاز المواقف 4/10 مافي مواقف إلا قدام المحل و زحمة جدا
طبعا المحل مافي عوائل. بس تقدر تطلب سفري على فكرة لون السمك أسود من برا عشان بالفحم لكن لحم السمك جوا زي السمن وربي جنااااااااااان
العنوان : حي الهنداوية /شارع الملك خالد و قريب من شارع المينا جمبه في محل عصيرات فيتامين
في الحله عندك يسوونه مكشن على كيفك
انا ما احبه كثير لازم يسوون شي معاه احتياط??
مطعم شعبي بسيط جدا ولاكن يوجد فيه نكهة الأكل البيتي النظيف الطيب وانصح فيه شباب عامل محترمين وصاحب العم عباس أطال الله في عمره رجل محترم وابنه وكل التيم موفقين أكل جميل
رائع لذيذ اكلاتهم مطعم شعبي عندهم مضغوط المسلوق الفحم الرز ابيض واحمر النوع امريكي فيتنامي لديهم ملوخيه حلوة جدة اتمنا تجربونها والايدام في اشياء لم اطلع عليها فعلا مطعم حلو ولذيذ …
جميع الحقوق محفوظة لموقع مطاعم جدة © 2024 - Privacy Policy - اعلن معنا
