كافيه كاست أند كرو
السلاااام عليييكم… كيييفكم.. طولت عليكم من زمان ماانزل مطاعم ولا اكل بس الشغل وماادراكم ماالشغل.. مااطول عليكم.. اليوم رحت كاست اند كرو في حي الروضة..
روضة سكوير.. شكلو اكلهم يشهي صراحه بس مشكلتنا رحنا شبعانين وكنا بس نبغا كوفي وحلا ومعسل وجلسة رايقة.. الي اتفاجأنا فيه انو اقل عدد للطلبات هو 100 ريال للشخص
.. انا مااحب الاسلوب دا بس اش حنسوي اهم شي رواقتنا.. جلسات الهواء المفتووحه جمييلة مع الاجواء الي في جدة حاليا.. الاسعار تعتبر شوية غالية ف ممكن تطلع باكثر من 100 .
. احنا الي اخدناه معسل وعصير وكوفي وطلع تقريبا 130 ريال وطبعا دفعنا 200 *فيس منقهر*.. عموما المكان جميل والاكل شكلو يشهي.. عندهم فطور وغدا وعشا .. الخدمة سريعة .. الويترز مبتسمين (طبعا انا اركز ع دي النقطة) .. امممم وجوود ايفنينق…
يعيطيك الف عافيه اختي رحت من كذا أسبوع وكان زحمه ,انتظار ومشيت راح اجربه ياغاليه وتقبلي مروري يسلموووووو
المكان جمييييييل جدا والاكل لذيذ كانت هناك ليلة طربية جميلة تفاعل من الفنان والحضور يستحق الزيارة ان كنت تبحث عن مكان كهذا يمكن يعيب عليه عدم وجود البارتشن ولكن عموما منظم وجميل وتعامل راقي من الموظفين ومكان نظييييييف
أحلى شي الواحد يروح كاست أند كرو كافيه والعالم نايمه…..مافيش زحمه ^_^
الكافيه في في مركز نجمة الروضة اللي فيه سوشي يوشي ودرة الصين شفته لمن رحنا درة الصين بس الزحمة ماخلتنا نجربه بس ياترى فيه معسل ؟ لأنه صراحة ما أحس بطعم الاكل وفيه دخان ولا ريحة في الجو
سيئة الخدمة لأبعد حد. الاكل بارد المشروبات جايبينها من الكرتون على طول لا شوك ولا ملاعق ولا سكاكين ساعة نطلب في الشي ويالله يجي المعسل اسوء من
السيء كنك تدخن فحم وفوق هذا كله ثاني يوم يدقون عليك يقولون راجعنا مادفعت الفاتورة!! أسلوب زبالة وقلة أدب مو طبيعية.
جميع الحقوق محفوظة لموقع مطاعم جدة © 2024 - Privacy Policy - اعلن معنا
