مطعم اللذة في جده
ولأول مرة تقييم لمطعم اللذة بالحمدانية مطعم اللذة للمأكولات الشعبية العنوان الحمدانية – حي الماجد – بجوار الهذيلي و أسواق المزرعة طبعاً أحياناً يجيك
حنين للكبدة البلدي و التميس وهذا اللي صارلي في الصباح بحكم وجودي في الحمدانية ،، فالمطاعم هناك محدودة و الحي مازال محتاج للمزيد من المطاعم شفت
هذا المطعم وقلت خليني أجرب لعل و عسى يكون أكلهم ممتاز و طلعت بهذه النتيجة تميس بالجبن : الشيء الوحيد اللي لو اشتريته أتحداكم يوصل البيت كامل ،،
طعمه كويس وسعره ٧ ريال بحكم زيادة الجبنة . بيض لحسة : عبارة عن بيض مطجن مخلوط بالبهارات و البصل و الطماطم وسموه لحسة عشان الجبنة السايلة اللي فوقه
،، طعمه جيد وسعره كان ٨ ريال . كبدة غنم بلدي : بصراحة هذا الطبق أحبطتني جداً على الرغم إني كنت مشتهي كبدة بس هذه أبداً ما عجبتني ،، سعرها ١٢ ريال .
عريكة ملكي بالكورن فليكس : لمن تطلب هذا الشيء يا تاخذه من عند الناس اللي تزبطه ولا بلاش تجربه عند أي أحد تاني ،، آآآه بس على الهنداوية ،،
المهم طعم الكورن فليكس و الفطيرة المستخدمة ما عجبني ناهيك عن أن القشطة قليلة و الطبق جا ناشف ،، سعره ١٤ ريال
. المحل كويس بس الواحد يبغاله يدور أماكن تانية نشوفكم في تقرير قادم
الكبدة لذيذه والشوربه ممتازه ويستخدمون كبدة طازه وعارضينها بثلاجة جنب الكاشير
عندهم اصناف خاصه مثل مطبق نوتيلا و معصوب نوتيلا وعريكة بالدخن
عندهم شباتي والاسعار رخيصه
شي مستحيييل اكل كبدة من مطعم ، اذا ما ينذبح التيس قدامي واخذ الكبدة للبيت و يطبخونها ولا ما ارتاح احس أن مالها طعم
جميع الحقوق محفوظة لموقع مطاعم جدة © 2024 - Privacy Policy - اعلن معنا
