مطعم ماليزيا
تقييم مطعم ماليزيا ولأول مرة تقييم لمطعم ماليزيا وصلنا من متابعة فضلت عدم ذكر حسابها المطعم تابع لشركة ماليزية
كان عددنا ستة أشخاص رحنا الساعة ٢:٣٠ الظهر كان قسم العوايل فاضي تماما بعدين جوا ناس ومجموعات لكن كلهم ماليزيين احنا السعوديين الوحيدين
طلباتنا طبق روجو يعتبر طبق سلطة عبارة عن قطع تفاح أخضر و أحمر وكمثرى وأناناس وخيار عليه صوص حار لذيذ سعره ب ٢٣ واعطيه ٨ / ١٠ ر
لذيذ جدا جدا يجي معاه طبق رز سعره ٣٠ واعطيه ١٠/١٠
شوربة توم يوم مقاس وسط مقاسها جدا كويس كفتنا الستة وزادت تجي بسخان لحد ما خلصنا باقية ساخنة كان سعرها ب ٥٥
كان فيها كرفس وشرايح بطاطس وطماطم فخربت الطعم اعطيها ٦ / ١٠
ناسي ليماك رز مع لوز وسمك صغير ناشف واجنحة دجاج مقلية ناشفة جدا وصوص حار ما عجبني الطبق فقط الصوص لذيذ سعره ٣٠ واعطيه ٤ / ١٠
طبقين ساتي لحم .. الطبق فيه ستة أعواد ومكعبات رز وصوص ، الساتي جدا لذيذ بس يعتبر غالي سعره ب ٤٠ اعطيه ١٠/١٠
طبق اسمه انديانا مي مكرونة بالدجاج والخضار يجي معاها بيضة وحبتين جمبري مشوية الطبق لذيذ سعره ب ٢٥ واعطيه ٩ / ١٠
طبق كاري شبيه ل الاسا الماليزية كمية التوفو كتيرة وكور عجين مو طعمه لكن عموما الطبق لذيذ سعره ب ٣٠ و اعطيه ٨ / ١٠
طلبنا سمكة مشوية على الطريقة السنغافورية قال الويتر تاخد وقت حوالي ٤٥ دقيقة
فبطلنا منها واخدنا سمكة مقلية عندهم تلات أنواع سمك تختار منها انا ما عجبتني يمكن بسب نوع السمكة لكن أبونا عجبته سعرها ب ٦٥ واعطيها ٦ / ١٠
عصير برتقال طازج اظن حطوه في الخلاط عشان فيه رغوة فصار طعمه ما كأنه فريش سعره ١٨ طلبنا جاك ايس تي ليمون كان بالشاي الأخضر سعره ٣٥ وطعمه كويس الحساب كله ٣٩١
السلبيات تقديم الطلبات كان من غير ترتيب جابوا الأطباق الرئيسية أول وبعدين الشوربة والساتي والروجو والسمكة
لما جينا نخلص جابوها يعني نفس وقت المشوية لو اخدناها الغريب انه مطعم ماليزي وما عنده دندن الويترز ما في غير شخص واحد ومو موجود في صالة الطعام
عموما المطعم لذيذ وشبيه بمطعم شابتر اللي كان في مجمع العرب وبإذن الله راح اكرر الزيارة
المطعم نظيف والاطباق مرتبة ونظيفة والطعام طعمة كتير لذيذ
اول مرة تذوقت طعام ماليزي من ذاك المطعم ما بعرف شو عم يأكلون هيد الطعام كتير طعمه مو ظريف لا لن اكرر زيارتي له
ماذا تنصحوني بتناوله داخل ذاك المطعم
من جرب سلطة الخضروات هل انا وحدي من شعرت بمرارتها ام ام اس حقا كذلك
زوجتي تعشق تناول الوجبات الجديدة واليوم اخذتني علي ذاك المطعم المكان رائع والخدمات جيدة إذا طلبوا مني تقييمه راح اعطيهم ٩ من ١٠
المكان ممتاز والعاملين كلهم ذوق قدموا لنا الطعام بوجه بشوش واستقبل ما أحسن استقبال الله يعطيهم العافية
ماشاء الله الطعام ممتاز ورائحته كتير طيبة
لماذا تفضلون اكلات شعوب أخري واكلاتنا كتير شهية ولذيذة
جميع الحقوق محفوظة لموقع مطاعم جدة © 2024 - Privacy Policy - اعلن معنا
