دي المرة كانت زيارتنا لفرع ابحر بعد التجربة المروعة من ناحية الخدمة اللي واجهناها في زيارة فرع الامير سلطان( لتفاصيل اكثر ممكن تشوفوا التقييم لفرع الامير سلطان )
، اتواصل معانا فريق خدمة العملاء واعطونا قسيمة هدية تعويضية بقيمة ١٠٠ ريال كانت لفتة جميلة منهم خصوصا الاستاذ مؤيد درويش الله يسعده . الفرع ده تقريبا كان افضى من فرع الامير سلطان
والخدمة كانت احسن بس للاسف يبدو عندهم مشكلة في تقديم الخدمة بشكل عام ، الطاولات ما كانت نظيفة مع انه كنا الضيوف الوحيدين بالمطعم وكنا كل ما نحتاج شي نقوم الين المحاسب عشان نطلب او ننادي بصوت عالي عشان مقدم الطعام يجي عندنا
. بالنسبة للاكل مازال رأي فيه ما اتغير ممتاز جدا والنكهات ورائعة وكل لقمة تاكلها احس بسعادة غامرة . دي المرة طلبنا :
رز اشبز باللحم ( ٨/١٠) ممتاز جدا بس رز اشبز بالدجاج يتفوق عليه بمراحل وكان الذ رز اكلته بحياتي . – عيش باللحم ( ١٠/١٠) ولا غلطة فيه . الطلبات الثانية نفس اللي طلبناها في الفرع السابق .
بشكل عام ماعتقد اني حزور اي فرع من فروعهم للأسف بسبب الخدمة دون المستوى والنظافة ماكنت عالمستوى خصوصا الحمام الله يكرمكم ولكن اكيد حطلب توصيل واكله في البيت لان اكلهم مميز جدا جدا والطعم اللي فيه لا يعلى عليه
منيو مطعم اشبز
المطعم ممتاز الاكل جيد الى جيد جدا الشباب العالملين بالمطعم خلوقين الأجواء متوسطة الى جيدة .. ننصح بتحسين المكونات وخصوصا اللحوم .. عموما تجربة ممتعة وننصح به وبالتوفيق من القلب
