مطعم الكزار بجدة
تقييم مطعم الكزار بنقلكم تجربتي اليوم مع الغدا بمطعم الكزار بالحمراء مقابل الكورنيش الأوسط بجنب عمو حمزه .. وصلنا ع الساعه خمسه وشوي العصر، استقبالهم
حلو وجيد مرو علينا بالقهوه وكانت حلوه والمطعم فاضي ممكن عشان اول يوم عيد مافي الا احنا بعدنا بنص ساعه جات عائله وحده وصل المنيو وكان متغير علينا بحكم ان
اخر مره رحناه قبل سنتين، كانت الاصناف قليله لكن متنوعه وترضي الاذواق ماعدا الأطفال اللي يكون اكلهم شوي صعب (بحكم ان معنا طفله ماتاكل اي شي). كانت
طلباتنا .. 2/ فوتتشيني دجاج سعر الواحد 40 ريال كان مقبول (بحكم اللي اكله) .. 1شوره بعدس بدون طعم 25 ريال .. 1/ لزانيا خضار جيده جداً 40 ريال .. 1/ فروج
مسحب 50 ريال .. 1/ مشاوي مشكله 60 ريال كانت ممتازه .. 1/ شيش طاووق (كان طلب الطفله) وكان ممتاز 60 ريال .. 1/ روبيان مشوي 100 ريال جيد ع قول اللي
اكله مش حق قيمته .. 2/ رز ابيض .. 1/ بطاطس مقليه 15 ريال للصنف .. 1/ كبه باللبن مع شيش برك جيده 45 ريال .. 3/ عصير ليمون15 ريال .. 3/ عصير كزار 25 ريال
كان شي جبار طعم بشكل لا يوصف .. 1/ عصير فراوله 15 ريال .. مويه كبير 10 ريال الخدمه ماكانت سريعه وكل شويه ينسو طلب ويلحقو بيه وصارت خربطه قدمو
2 شوربه عدس واحنا طالبين وحده ويقول متأكد اننا طلبنا 2 بس اخذناها وخليناها سفري واكتشفنا بعد ما وصلنا الييت انهم حاطينها بصحن المنيوم عادي تبع
السفري لدرجه اننا لما طلعناها من الكيس مالت باليد واتكب منها وبصراحه هذا كان جدا مُنرفز بصراحه
المطعم اختلف علينا _النظافه والاستقبال5/5 _الخدمه 5/2 _الأكل 5/3 الحساب كان 675 ريال كنا 6 اشخاص وطفله وبالعافيه علينا
مطعم الكزار، يسوي لك حفلات ومناسبات، حتى الملكات.
مكانهم بشارع الاندلس، قبل مطعم عمو حمزة.
روح مطعم الكزار في الحمراء بجدة يقدم الطبق هذا مع كبة باللبن مطبوخه مع الصنوبر والسمن
شي من الاخر
جميع الحقوق محفوظة لموقع مطاعم جدة © 2024 - Privacy Policy - اعلن معنا
