حلويات سعد الدين
تفاصيل دقيقة لكيكة الرافيلو من حلويات سعد الدين كيكة رافيلو الموقع / في بطني … لالا تلاقوها عند سعد الدين ولد عم أبو أخت خالة أم علاء الدين . .
سلام يا ممتتااااااااااااع كلنا نعرف طبعا حلاوة الرافيلو اللي تجيك على شكل حبات كور مغلفة بالجوز الهند المبشور و محشية شوية بسكوت و كريمة مليانة لزيزة
توصلك القمر المهم حبايبنا في سعد الدين اخدوا نفس الكورة دي بالزبط و سووا منها كيكة مدورة حلوة خلوا الناس يطيحوا فيها ،قلنا يا ولد مالنا غير نجرب نطيح
فيها زي البقية . بشكل عام 8.5/10 ، أما بشكل خاص الكيكة من برا زي حلاوة الرافايلو بالزبط مغلفة بالكامل بجوز الهند المبشور 9/10 … أما من جوا تتكون من 4
طبقات نبدأ من تحت و بعدين نطلع فوق بالاصنصير … الدور الأرضي حتلاقي فيه كيكة فانيليا طرية جدا و خفيفة لدرجة الذوبان و الاختفاء و بطعم حالي باعتدال
9.5/10 … الدور اللي بعده تجيك طبقة نحيفة جدا و قليلة ،ربع دور يعني تلاقي فيها البسكوت و اللوز المبشور و
لكن للأسف بكميات جدا قليلة 6.5/10 مع إني أشوف انه لازم تكون موجودة بشكل كبير عشان تسوي شوية لخبطة في الطعم … الدور اللي بعده نفس الدور الأرضي و بنفس
الطعم و الجودة 9/10 … أما آخر دور فهنا تلاقي سر النكهة و اللذة و الروعة ، الكررييممة المليانة الناعمة الدافية الجذابة اللي تغرقك و تخليك تحب اللي قدام
عينك ، و طعمها نفس طعم اللي في الحلاوة لكن هنا موجودة بشكل اكتر عشان تستمتع 9.5/10 . بصراحة ناسي السعر لكن اعتقد انه مناسب و في حدود 120
او 150 و يمكن اقل . كل ماسبق كان رأي شخصي يمثلني لا يمثلكم ، و لكم الحرية في إبداء الرأي داخل إطار الاداب العامة
جميع الحقوق محفوظة لموقع مطاعم جدة © 2024 - Privacy Policy - اعلن معنا
