فابريكا مطعم ولاونج جده المكان رايق جداً وكل شي فيه جميل واللي محلي المكان الموظفة حنان قمة في الادب والاسلوب لبقة جداً ماشاءالله وسبب تكرار زيارتي ف المكان الموظفة حنان
طريق الامير سلطان، السلامة، جدة
+966 55 893 0008
المكان راااااائع من حيث الموقع والاطلالة على شارع الامير سلطان دوار القبضة
الجلسات مريحة وفخمة ونظافة ممتازة
الاستقبال وطاقم العمل رااااائعين وبشوشين واخص الاخ عبدالرحيم اللي يأخذ الطلبات جدا محترم ولبق ومرن ومتعاون ..
الاكل طلبنا المشويات 7/10 و السلطات 7/10 والحمص 9/10 و الحلى 8/10 و الريش مشويات 10/10 والعصير 9/10
يستحق الزيارة مرة اخرى?
مكان رائع جدا الاكل والكفي إبداع ويستحق الاستمتاع به ويفضل أن تجعل وجبتك به
مكان جميل وروعه وفخامه .. ولمحبي الطرب أجواء جميله وحماسيه وراقيه بصراحه .. الأكل لذيذ وفرش وخاصة المشاوي تفوووووووووووووز ..
حلو ورايق .. اكلهم لذيذ .. بس عادي مو مميز .. وبصراحة ادونا الفاتورة يومتها مكتوبة بخط اليد .. يقولوا الجهاز خربان .. ما اعرف ليش ما قدرت اصدقهم
ماشاء الله مكان جميل ورايق وموظفة الاستقبال والتنسيق هنادي انسانه قمة في التعامل والاسلوب الجميل ذوق و حبوبه ودي تالت زياره لي بالمكان وكل مره تستقبلني بكلام حسن وتصرفات جميله اهنيكم فيها تشتغل بجداره ✅??
ماشاءلله المكان جميل وجواء حلوة والموظفين بشوشين وخدمة عشره من عشره خصوصا الموظفة رغد خدومة وقمة بالاحترام واسلوبها جدا لبق وصاحب الكفي حسين قمة بالاحترام والتواضع
المكان جدا جمييل وفخم وراقي والاكل نظيفف حتى الموظفين محترمين ويشتغل هناك واحد اسمو عبد الرحمن حقيقيي تعاملو مع الزباين جمييل حقيقي شي يبيض الوجه
عزمت صاحباتي في اليوم الوطني ووقع إختياري على هذا المطعم ذو الخمسه نجوم وهو في الواقع يستاهل صفر نجمه بناء على إعلانات ميكب آرتست مشهوره
تروحه كل أسبوع هي وعائلتها وصديقاتها تصور وتنهال بالمديح للمطعم وأطباقه اللذيذه والمطربين المشهورين !!!! وكانت الصدمه !! طبعا المشهوره تاكل وتشرب مجانا
وتاخذ هدايا وأجرها مدفوع واللي ياكلها الناس الممغفلين اللي زينا !! فقط كنا نبغى نحتفل باليوم الوطني ونعيش أجواء الوطنيه حتى لو كلفنا راتب شهر كامل ،،
بمجرد الدخول وعند الإستقبال طلبوا ندفع مبلغ ٣٠٠ ريال للشخص !! اللي اعرفه في تقاليد كل المطاعم إن الفاتوره تجي بعد الإنتهاء من الأكل ولكن اننا ندفع مقدما عند
الباب ونُجبر على إختيار ثلاثه أصناف من الأكل حتى لو مانحبه ومانبغاه فهذا شي غريب وغير مألوف !! لكني دفعت المبلغ كله ١٢٠٠ ريال لأربعه أشخاص لأنه من العيب اني أخرجهم من المكان بعد مادخلنا
!! للأسف جابولنا المنيو وقالوا لازم تختاروا وحده من الأصناف الثلاثه إما فوتوشيني أو فيليه سمك أو قطعتين كباب إجبارا حتى لو كان عندنا حساسيه او ماناكل الأصناف دي طز فينا مع نفسنا المهم قبضوا ال ١٢٠٠ عند الباب ،، جانا الأكل في خلال خمسه دقايق !!!!
واضح جدا انه كان مطبوخ جاهز وبارد ثلج بس غرفوه وجابوه وكانت الصدمه انه كقطع البلاستيك مجمده ومطاطيه وكميه قليله جدا ..أكلنا وحمدنا الله على كل حال وحسبنا الله ونعم الوكيل
فيهم وفي اللي يعلنوا لهم كل يوم .. إتمنينا ليله حلوه وطنيه ولكن المطرب وصل قبل ١٢ مو عارف كوعه من بوعه ماحسسنا أنه يوم وطني الأخ بيغني مواويل وأغاني أفراح وعراقيات ?
جابولنا الحلا في الأخير ياسلام قطعة كب كيك حجر لاطعم ولاريحه الله يكرم النعمه …. ليش الجشع دا ؟؟ ليش الإستغلال ؟ حتى لو أخذتوا ٣٠٠ ريال ع الشخص
خلونا نختار من القائمه الشي اللي نبغاه واللي حناكله ؟؟ حرام والله ياعالم ياشجعه نص راتبي يروح في ليله وفي ناس ال ١٢٠٠ ريال تكفيهم مصروف شهر ؟
ليتنا رحنا مول وانبسطنا مع الفعاليات واشترينا أغراض وأكلنا في الفود كورت واحتفلنا مع الناس باليوم الوطني بدل البهدله دي وخسارة الفلوس ومشاوير كريم
… المقصد من دا كله لاتغتروا ولاتنخدعوا بإعلانات المشاهير هدول بيقبضوا حقهم مقدما وياكلوا مجانا ويعزموا أصحابهم واحنا اللي نتورط ولاتنخدعوا بجمال
الديكورات والأضواء اللي تتلألأ كله وهم وكلام فاضي .. الواحد حتى لو يدفع فلوس بس يكون مرتاح ومبسوط وياكل في مطعم أكله لذيذ ونظيف
وكميته مناسبه والسعر حسب كل طبقه .. ماأقول الإ حسبنا الله فيهم وكفى
جميع الحقوق محفوظة لموقع مطاعم جدة © 2024 - Privacy Policy - اعلن معنا
