مطعم أبو الطيب بالحمدانية
المطعم جدا ممتاز طلبت منه في وقت الحجر و صولو لين المنزل تعاملهم جدا راقي. طلبت صحن مشاوي مشكل كبير الرز و المشاوي
تكفى ٥ أشخاص و أكثر و العيش حقهم لذيذ ولا يعلا علية. البيتزا كمان مذاقها جدا لذيذ. راح نعتمد هذا المطعم و بذات لو كان عندنا مناسبة.
المطعم يستحق التجربة ويستحق 5نجوم كمان وراح اكتب رأيي بالتفصيل طلباتي كانت 1 وجبة مشاوي ابو الطيب مع الرز ومشروب غازي ب30ريال المشويات هي 1سيخ من كل نوع
(كباب دجاج -كباب لحم-اوصال لحم -شيش طاووق ) و 1 وجبة ابو صاج دبل (عبارة عن شاورما عربي بخبز الصاج دبل مع الصوصات يجي مع صوصين واحد منهم ثوم الثاني ماعرفته ومخلل ومع البطاطس
والببسي التقييم : بالنسبة للمشاوي ماعليها كلام ممتازة اطلب واطمن 10/10 بالنسبة للشاورما فكرة خبز الصاج هي اصلا فكرة قديمة وموجودة قبل 10سنوات محلات الشاورما كانت تعملها .
وطبعا هنا صاحب المحل يستحق نقطة اضافيه لانو اغلب محلات الشاورما ماتستخدم خبز الصاج فيقدر يستخدمها كميزة تنافسية ….لكن تقييم الشاورما 6/10 مع الاسف ماناسبني .وايضا الثوم .نفس طعم الثوم اللي يجي مع محلات البروست
.اقترح لصاحب المحل تطوير الشاورما بما يتناسب مع الزباين . اخر شي واللي اثار انتباهي بشدة الكيس … اغلب المحلات يعطيك الكيس مكتوب عليه اسم المحل او كيس بلاستيكي نفس حق السوبر ماركت
..لكن الكيس حق المحل مميز ذكرني بنفس الكيس حق مطعم مشويات بامريكا وهنا يستحق نقطة اضافيه
بصراحه ماذقت من عندهم اصناف كثير بس الحمص حقهم يفوووووز مرره لذيذ والخبز اللي يحطوه مع الحمص كمان? يعني اي احد يبغى حمص في الحمدانيه على طول يتجه لمطعمهم ،، الحمص كلااام ?
جميع الحقوق محفوظة لموقع مطاعم جدة © 2024 - Privacy Policy - اعلن معنا
