مطعم الياسمين في جده
تقييم مطعم الياسمين جودة الأكل 8/10 بالبوفيه المفتوح بفندق الدار البيضاء اليوم تقريري عن تجربة غداء في مطعم الياسمين في فندق الدارالبيضاء
من ١ظ. الى ٤ ع السعر. مجهول بسبب انها دعوه من اصحاب زوجي لشخصين بس معانا شخص فضولي ثالث هو ولدي الله يحميه البوفيه متنوع بين سلطات ونوعين
شوربه و اطباق رئيسية. ادامات ورز ومشاوي ومكرونه وسمك و حلويات متنوعه. ام علي حلويات شرقيه. تارت وكيكات وفواكة اجمل شي انه المطعم فاضي واحنا اول
مين دخل فكان رايق جداااا بعد كدا جو ٣ عوايل وعددهم كلهم ٦ اشخاص فاستمر الهدوء والروقان الحمدلله. . جودة الاكل تصنف ممتازه لكن مهي رائعه
بمعنى انه اروع شي فالدار البيضاء ماكانو حاطينه رز الرز البخاري باللحم و الاستكوزا والجمبري المقلي. لكن الاطباق الموجودة ممتازة والحمدلله أبدع شي كان أم
علي كانت طعمه طعااامه الويترز واقفين نايمين ع نفسهم بدليل كنت رايحة الحمام الله يكرمكم مع طفلي بالعربيه مافي واحد فيهم يجي يشيل العربيه عشن فيه
درج!! وقلت لزوجي تعال ساعدني وانا قلت له اول لاتجي ملياان ويترز اكيد يساعدوني محد حووولي فيه سلبيه كمان انه التكييف مره ضعيف واحنا في عز الظهر
والمطعم سقفه قزاز فكان حر نوعاما. وفيه عدد كم ناموسه يبغالهم يركبو اجهزة للقضاء عليها جودة الاكل ٨ من١٠ المكان ككل ٧ من ١٠ السعر. مجهول الهويه ودمتم سالمين
مطعم لا بأس فيه،، يمشي الحال. مفتوح في الليل اتوقع ل ٣ الليل. اذا جيعان في الليل وماعرفت ايش تاكل روح لهم. طلبت شيش طاووق وكان عادي امانهً لاهو سوبر ولا هو سيء. لكن عندهم حاجة غريبه. مايخلوك تشتري
ساندوتش واحد، لازم تشتري اتنين. او بالاخرى ساندوتش كبير يجي سيخين كأنه ساندوشتين اتنين ب ١٥ .. يعني في ناس ممكن تبغى سيخ واحد ليه تحبروهم ياخدو اتنين ،، اعمل سيخ واحد بنص السعر مثلا ب ٨.
جميع الحقوق محفوظة لموقع مطاعم جدة © 2024 - Privacy Policy - اعلن معنا
