مطعم دافينتي الايطالي بالفيحاء
حقيقي جميل جداً لا من ناحية الاكل ولا من ناحية الويترز جداً جداً لبقين ومحترمين يسعدهم ربي?
مطعم دافينتي احلى اكل ايطالي قد اكلتو في جدة
جربتو وترا اطلق من بياتو مرا لذيييذ مراا تجربة رائعة ? احلى شي فالمطعم البهارات واضحه فالاكل عكس المطاعم الايطالية الثانية
دافنشي كان واحد من المطاعم القليلة اللي زرناها قبل حجر كورونا. زيارتنا كانت في الويكند و المكان مزدحم قليلاً فالخدمة كانت شيئاً ما بطيئة مع قلة عدد الويترز و محاولتهم لخدمة الجميع.
ديكورالمكان جميل و هادئ و مرتب بعيداً عن المبالغة. الأكل و هو السبب الأهم للزيارة كان ممتاز بشكل عام مع وجود بعض الملاحظات على بعض الأطباق
كالباستا. نصيحتي تجربوا البوراتا حقتهم و سلطة الكينوا مع الأفوكادو بالإضافة إلى البيتزا و طبق السالمون. الباستا كانت أقل من عادية و ما أفكر أطلبها مرة ثانية. الأسعار كانت مناسبة جداً و المكان يستحق الزيارة فعلاً ?
بصراحة شي رائع وجميل منظر الاشجار و صوت الماء وتناسق الالوان تعطيك شعور حقيقي انك في ايطاليا نجي للشي المهم و هو الاكل حقيقي نكهة البهارات لذيذه
فعلا اول مره اروح مطعم ايطالي واذوق جودة بهارات بهذا الطعم طلباتنا كانت سلطة بريما فيرا شي ما تتفوت لذيذه بشكل مو طبيعي لازانيا فريتا شي من الاخر لذيذه لذيذه وتقديمها رائع مكرونه كريما بولو
بصراحة حلوه لكن عندي قناعه كل واحد ونوع المكرونه اللي يحبها ويفضلها لكن بصفه عامه جودة الطعم عندهم مميزه جداً الطبق الاخير عندنا كان ريزوتو الفطر انا اول مره اجربه بصراحة مو مره مشهي
لكن حقيقي انا مالي اي خبره في طعمه يعني زيارتي الثانيه للمطعم مراح اختاروا لكن الاكيد راح ازور المطعم مره ثانيه و ثالثه ورابعه ??
طلبنا فوتشيني الفريدو وارانشيني وكانت جيده 7/10 روزيتو الزعفران ماحبيت الدجاج اللي فيه كان قاسي بس الروزيتو لذيذ 6/10 بيتزا مارقريتا فنااانه والعجينه خفيفه ?? لازانيا ????
جميع الحقوق محفوظة لموقع مطاعم جدة © 2024 - Privacy Policy - اعلن معنا
