مطعم سلطان المبشور
سلطان المبشور مشويات على الطريقة الحجازية القديمة ..وعندهم أفضل كباب ميرو سلطان المبشور الموقع / فرع شارع حراء باتجاه الغرب قبل دوار التاريخ –
فرع شارع صاري باتجاه الغرب قبل تقاطع طريق المدينة . سلام يا ممتتتتتااااااااااع بوجود حبيبنا العم سالم غلام صاحب سلسلة مطاعم سلطان المبشور , صار المحل
ينافس بقوة جميع محلات المبشور في جدة , و اللي يميزو اكتر شي إنو يسويلك المشويات على طريقة أهل مكة الحجازية القديمة , و اللي يميزو أكتر و أكتر إنو
تلاقي عندو حبيب القلب كباب الميرو اللي كانت ليا تجربة معاه و قلت بلكن يرجعني لزمان و يعيشني جو المممتتاااااااااع :- و طيارة عالمحل في وقت القايلة ,
طلبنا نص كيلو كباب ميرو و قوامن يا محمد جهز الطلب – 9.5/10 – 50 ريال – طعم مرستك و لا أروع , و أحلى شي فيه إنه كمية الدخن فيه قليلة عشان تقدر تستمتع و
تحس بطعم اللحم الجملي المفروم الطري و مع القلي يا سلام على القرمشة مع العيش الحب و تغميسة الطحينة و الدقس و وراها ملعقة زلطة بيض .
شخصيا أشوفه إلى الان أحسن محل يقدم كباب الميرو , و أحسن كمان من محل الدومان اللي في مكة لأنه الدومان عيبه كمية الدخن فيه مرة كثيرة و يخلي طعم
اللحمة تضيع حجم حبات كباب الميرو ممتازة و الطلب يجي معاه عيش حب و طحينة و زلطة بيض , و أتمنى السعر ينزل حبتين كمان , و ان شالله المرات التانية
نجرب المشويات بانواعها , شكرا يا عم سالم . كل ما سبق كان رأي شخصي يمثلني لا يمثلكم و لكم الحرية في إبداء آرائكم داخل إطار الآداب العامة
عندهم المبشور بالطريقة الحجازية القديمة
بالإضافة إلى بعض الاصناف
للكباب البلدي سلطان المبشور.
فهو من أعرق وأقدم مطاعم الكباب في جدة، وله أكثر من ٣٠ سنة.
أما للمشويات الشامية مطعم حلب الشهباء.
والمشويات التركية: البيت التركي، وخيال، وأشواق.
وبالعافية.
جميع الحقوق محفوظة لموقع مطاعم جدة © 2024 - Privacy Policy - اعلن معنا
