مطعم كاليفورنيا برجر جده
انا اعجبني كيف ان البرجر كلاسيك واللحمة خفيفة وفرش ولذيذة. كثير يقولون يشبه ماك، بس أشوف العكس. طلب من كاليفورنيا دبل ولا احس اني مثقلة، بينما العكس في ماك، اطلب تشيز برجر واحس كفاية.
ايه اللحمة جدا خفيفة بس حسيت مافيها ملح وخبزتهم صدق زي ماك (اللي ما اشتري منه عشان نوع خبزته)
الخبزة والفرايز اشوفه اڤرج، تهمني اللحمة وتكون كلاسيك. عشان كذا احس الناس منقسمة نصين، ناس مرة عاجبهم، وناس يحسون مرة عادي.
زبونتكم المميزة والمخلصة مرة زعلانة
قبل اسبوعين اخدت من عندكم برجر وكان طعمو مرة متغير بس قلت يمكن المشكلة في الوقت او الفرع او أي شي
امس رحت جربتو في فرع تاني وانصدمت لأنو فعلا جودة اللحم ونوعيتو جدًا اتغيرت وضيعتو عليكم تعب السنين وماسار عندي برجر مميز احبو ?
عشان لا تحسبو انو التغيير دا يتهيألي ترا مرة أعرف طعم البرجر حقكم لأني كنت آكل من عندكم بشكل شبه أسبوعي على مر ٣-٤ سنين الماضية
وانا عارفة انو التغير دا احيانا تكونو مضطرين تسوه بس فعليًا أنا مستعدة ادفع زيادة للطعم القديم الفنان ولا انكم تغيرو زي كدا لأنو ماحفكر اجيه تاني للاسف
اسعاركم ليه زادت،
البيبسي كان بـ 5.57 ريال والان بـ 6.96 ريال
البطاطس كان بـ 4 ريال والان بـ 6.96 ريال
اضافة هلابينو كان بـ 1.90 ريال والان بـ 2.65 ريال
البرجر كان بـ 18.09 ريال والان بـ 18.26
من غير القيمة المضافة نتكلم عن الزيادة في اسعار منتجاتكم موازية للقيمة المضافة
القيمة المضافة تاخذونها مرتين.. بزيادة اسعار منتجاتكم، وبالـ 15% حساب القيمة المضافة
الله يعطيكم العافية على طولت البال اللي عند موظفينكم لازم اخذ دورة عندكم عن طولت البال?
جميع الحقوق محفوظة لموقع مطاعم جدة © 2024 - Privacy Policy - اعلن معنا
