مطعم قرام في جده

  • الأسم : مطعم قرام/ Gram Restaurant
  • التصنيف : عائلات | افراد
  •  النوع :مطعم
  •  الاسعار : مرتفعه
  •  الاطفال : مسموح
  • الموسيقى :  يوجد
  • أوقات العمل : 10AM–12AM
  • العنوان :  طريق الملك عبدالعزيز، الشاطئ، جدة 21146، المملكة العربية السعودية
  • الموقع على خرائط جوجل من فضلك أضغط هنا

مطعم قرام في جده

مطعم قرام في جده

صفحه المطعم على انستقرام

اراء المتابعين

التقرير الأول لآراء المتابعين

غداء في قرام | الفود كورت | رد سي مول
.
.
مطعم يقدم ساندوتشات و سلطات و من المطاعم اللي اثبتت نفسها ماشاءالله في فتره قصيره
تتميز ساندوتشاتهم بخبز البريوش و يوصل فرش و جديد

.
المطعم موقعه في الفود كورت جنب شوبك و قريب من شك شاك ،
المنيو متنوع “ساندوتشات ، سلطات ، مشروبات و موهيتو و فرنش توست ، و احلى شي يوفرو عندهم البارتي بوكس 👏🏼 خيار ممتاز للجمعات”
الاسعار مناسبه .
.
طلباتنا:
– سويس لحم “لحم مع صوص الفطر و بصل مع جبنة تشيدر ذايبه ، يتقدم في خبز البريوش” | ١٩ ريال
– أوريجنال دجاج “ساندوتش دجاج مع خس و بطاطس + ثوم و ليمون مع المخلل” | ١٥ ريال

– ميسي دجاج “ساندوتش دجاج مع الهالپينو و سلطة الملفوف ، مع المخلل و جبنة التشيدر + صوص السيراتشا “صوص سبايسي🤤” | ١٨ ريال

– سبيشل فلافل “للنباتيين ساندوتش بخلطة الفلافل مع الطماطم و الطحينه” | ١٣ ريال

الساندوتشات لذيذه ، حجمها بالنسبه ليّ ناسبني بس يمكن غيري يشوفها صغيره ، الصوصات مميزه 👌🏼 اكثر شي حبيته الاوريجنال دجاج و السويس لحم
الفلافل فاجئتني مرره مره طعمه 🤤”
.
.
– سلطة لحم “لحم مع بطاطس وخس و بيكون و هالپينو و جبنة البارميزان + صوص الباربكيو و الافوكادو” | ١٩ ريال

– سلطة سبيشل باذنجان “شرايح باذنجان رفيعه و مقرمشه مع الرمان و مكعبات عكاوي و جرجير مع اضافة الطحينه و الثوم” | ١٣ ريال

سلطة اللحم طعمه
سلطة الباذنجان تفوووز 😻👌🏼 مررره لذيذه تستاهل التجربه رح تكون ادمان – موهيتو رمان بالنعناع | ١٥ ريال
– موهيتو فراوله بالنعناع | ١٥ ريال
المشروبات بارده و منعشه

و اخر شي كان وقت الحلا 🙏🏼
– فرنش توست سولتد كراميل | ١٩ ريال
– فرنش توست نوتيلا | ٢١ ريال

يتقدم مع سكوب ايس كريم ، انا حبيت السولتد كراميل خصوصاً مع اضافة العسل المقرش 🤤
واللي معايا عجبهم النوتيلا اكثر .
.
اخيراً البارتي بوكس فكره حلوه للجمعات ، ٣ صوصات و ٦ ساندوتشات مقسمه الى ١٢ قطعه + بطاطس ، ممتاز للمشاركه و سعره توفيري | ٨٩ ريال
.
.
تجربه جميله و نشوفكم على خير 👋🏼
.

التقرير الثاني لآراء المتابعين

‏‎جربته صراحة الله يديم النعمة ، لكن انا اغلب اكلي من مطعم fit house نظامه مو معلبات جاهزه مثل دايت سنتر نظامه بوفيه قدامك تطلبين قرام محدد من الكارب والبروتين وكذا كله فرش وطعمه ممتاز وصحي، بيفتح او فتح عندكم ببريدة

‏اذا انتا من سكان جدة وما جربت مطعم قرام
فقد فاتك من النعيم الكثير والله ❤️❤️😭😭
اصلا بعد ما تاكله بطنك تنطق من المتعة

التقرير الثالث لآراء المتابعين

مين الان ماصار يعرف مطعم قرام gram
ماشاءالله انتشر في فترة قصيرة وصارت الزحمة قدام محلهم يومياً 👍🏻

متخصيين بعمل الساندويتشات 🥪
والي يميزهم اصلاً قبل كل شيء نوعية الخبز الرهيبة عندهم ( خبز البريوش ) طري ولذيذ جداً
وتتنوع حشوات الساندويتش :
لحم ، دجاج ، فلافل

‏ولاننسى الصوصات المميزة 👌🏻

يقدمون برضو مجموعة سلطات 🥗
ـ سلطة الباذنجان المقلي راائعة جداً واعتقد بتكون الاكثر طلباً

ايضاً عندهم فكرة ممتازة للمجموعات الكبيرة
( صندوق المشاركة ) فيه انواع مختلفة من الساندويتش والبطاطس والصوص 👌🏻

‏مطعم صغير وجديد لكنه اثبت نفسه بفترة قصيرة
واعتقد راح يكون من قائمة المطاعم المفضلة بجدة
لازم لهم تجربة
‎@gram.saudia

التقرير الرابع لآراء المتابعين

‏قرام
ردسي مول منطقة المطاعم اقرب
بوابة ٢
قرام متخصص في تقديم الساندويتشات بأجود انواع خبز البريوش الطازج المحضر داخل مطعم قرام وأجود انواع البهارات والصوصات والحشوات اللذيذه 😋

ويقدم اختيارات متنوعه من المقبلات والمشروبات المميزه جداً في قرام الموهيتو ولبن العيران الخاص في قزام

التقرير الخامس لآراء المتابعين

قد ما احب مطعم قرام الا ان انتظاره سبب اني ما اخذه دائماً مو معقول ساعه الا ربع انتظر سندويش😑

‏مطعم قرام رااائع جددا، يستحق التجربة يقدم أفضل ساندويش جربت اوريجينال دجاج + ميسي دجاج لذذيذذذات جدا

المطعم لذيذ وسعره جداً مناسب طلبت شاورما فرايز لكن الصوصات اجبارية

منيو مطعم قزام

اطباقه تستحق التجربة شاورمته غيير بالتوست👍 لذيذه، لكن الاسعار مبالغ فيها كشاورما سعر ٢ساندويتش و١ طبق شاورما فرايز و١ عصير فوق ٦٠ريال اشوف انه السعر يحتاج تعديل.. وبالتوفيق جرام تييم 👍

منيو مطعم قزام